Vakafa Vanozolaramazve Here?
Munolangarira kuti . . .
-
eya?
-
haiwa?
-
dangani?
BHAIBHERI RINOTI KUDINI?
‘Kunozova no kumuka ko vakafa.’ —Mabasa 24:15, Bhaibheri—Shanduro yeNyika Itsva.
NGENYI ZVAKANAKA KUZIVA IZVI?
Izvi zvinozomubesa kuti:
Munyalajwe mukafirwa ngo mundhu womunoda.—2 VaKorinde 1:3, 4.
Musatye kufa.—VaHebheru 2:15.
Muve no soterero yokadi yokuzovonazve hama no shamwari jenyu jakafa.—Johani 5:28, 29.
TINGATHEMBA ZVINOBHUIWARI NGO BHAIBHERI?
Eya, ngo ndava ndhatu iji:
-
Mwari ndiyena Musiki wo zviro zvese. Bhaibheri rinoti kuna Mwari ndikona ‘kunovha upenyu.’ (Mapisarema 36:9; Mabasa 17:24, 25) Iyena aambokoreri kuita kuti mundhu wakafa amuke, ngokuti ndiyena wakasika zviro zvese zvinopona.
-
Mwari akambomusa vandhu vakafa. Bhaibheri rinobhuya ngo zvo vandhu vasere vakambomuswa pasi pano. Pakati pavo painga no vana vadoko, vasharuka, vanakaji no vanarume. Vese vakamuswa kuti vararamezve pasi pano. Vamweni vainga vasatobva kufa, umwe wakhona wainga aano mazuva malongomuna ari muiba!—Johani 11:39-44.
-
Mwari anoda kumusa vakafa. Jehovha anonyenya rufu; iyena anorivona inga muvengi wake. (1 Vakorinde 15:26) Jehovha anoda maningi kunyisa muvengi wake eishandisa rumuko. Iyena akatoimira ngo mwoyo wese kuti amuse vese vaanolangarira, kuti vararamezve pasi pano. —Jobho 14:14, 15.
AMBOLANGARIRANYI BASI:
Ngenyi tesiita halahwa no kufa?
Bhaibheri rinopingula muvhunjo uu pana GENESI 3:17-19 na VAROMA 5:12.
Zvimweni Zvamungadakarirawo
MUSHANDIRA PAMWEPO UNOKOSHA
Ngenyi Tinodikana kujija Bhaibheri?
Bhaibheri riri kupa mupingulo jo muvhunjo jinokosha maningi jo upenyu ku vandhu vakawanda maningi kutenderera nyika yese. Yemwi maidakarira kuva umwe wavo?
