‘Mwari anozopukuta musoji yese pamajiso avo, akusazovizve no rufu, nee kucema, nee kurija mbhere, nee kuwajiwa, ngokuti zviro zvokutanga zvapera.’—Zvakazarurwa 21:3, 4, Bhaibheri—Shanduro yeNyika Itvsa.

Kuziva izvi kunozomubesera kuti:

Muve no cokwadi cokuti Mwari asiena ari kuviisa matambujiko edu.—Jakobho 1:13.

Muzive kuti Mwari anowajiwa patinosangana no matambujiko.—Zekariya 2:8.

Muve no tariro yokuziva kuti matambujiko ese anozopera.—Mapisarema 37:9-11.

Eya, ngo ndava mbiri iji:

• Mwari aadi kuti vandhu vatambujwe kana kuitirwa zvakashata. Ambolangariranyi kuti Jehovha Mwari waizwa kudini kare vandhu vake povaiitirwa zvakashata. Bhaibheri rinoti Jehovha waiwajiwa pavaidzvinyirirwa nga ‘vaya vaivaitira zvakashata.’—Vatongi 2:18.

  Jehovha Mwari anozonda maningi vandhu vanoitira vamweni zvakashata. Inga muezaniso, Bhaibheri rinoti anonyenyeswa ngo “nyala jinodurula ngazi isina ndava.”—Zvirevo 6:16, 17.

• Mwari anoda umwe nga umwe wedu. ‘Umwe nga umwe anoziva zvinomunesa no zvinomuwaja.’ Asipi tega tinozviziva, Jehovha anozivawo zviro ‘zvinotinesa no zvinotiwaja’!—2 Makoronike 6:29, 30.

  Eishandisa Umambo wake, Jehovha waaphedo no kupeja kutambujika kuri kusangana na umwe nga umwe wedu. (Mateu 6:9, 10) Nyamasi uno Jehovha anonyalaja vanomupsvaka ngo mwoyo wese.—Mabasa 17:27; 2 VaKorinde 1:3, 4.