Icinyi Cinodiwa Kuti Mbhuri Idakare?
Munolangarira kuti . . .
-
i rudo?
-
i mare?
-
kana kuti zvimweniwo?
BHAIBHERI RINOTI KUDINI?
‘Vanodakara vaya vanozwa soko la Mwari nokuriteveja!’—Ruka 11:28, Bhaibheri—Shanduro yeNyika Itsva.
NGENYI ZVAKANAKA KUZIVA IZVI?
Kutevejera zvinobhuya Bhaibheri zvinozomubesa kuti muve no mbhuri:
Ino rudo wo kadi.—VaEfeso 5:28, 29.
Ino reremejana.—VaEfeso 5:33.
Yaka batana.—Mako 10:6-9.
TINGATHEMBA ZVINOBHUIWARI NGO BHAIBHERI?
Eya, ngo ndava mbiri iji:
-
Mwari ndiyena musiki wo mbhuri. Bhaibheri rinoti ‘mbhuri jese jinowana mazina ajo ka Mwari.’ (VaEfeso 3:14, 15) Ngo magama amweni, izvi zvinoda kubhuya kuti Jehovha ndiyena wakaita kuti pave no ulongwa wo mbhuri. Ngenyi zvakanaka kuziva izvi?
Ambolangariranyi basi: Ngatiti murikuha zvokuha zvinonaka, kudai mesida kuziva mabikirwe azvo, maizovhunjisa ani? Maizovhunjisa azvibikalo, andizvopi?
Mukutojanavo, kudai tesida kuziva zvinodiwa kuti mbhuri idakare, taizovhunjisa Jehovha, uwo akatanga no ulongwa wo mbhuri.—Genesisi 2:18-24.
-
Mwari unomuda. Zvakanaka maningi kuti mbhuri ipsvake mazano kuna Jehovha, iyena anopa mazano ake eishandisa Soko lake. Ngenyi? “Ngokuti iyena unomuda.” (1 Petro 5:6, 7) Jehovha unomuda ngo mwoyo wese, viye mazano ake anoshanda nguva jese!—Zvirevo 3:5, 6; Isaya 48:17, 18.
AMBOLANGARIRANYI BASI:
Mungaitisa kudini kuti muve mwamuna, mukaji, kana kuti mubari wakanaka?
Bhaibheri rinopingula muvhunjo uu pana VAEFESO 5:1, 2 na VAKOROSE 3:18-21.
Zvimweni Zvamungadakarirawo
MUSHANDIRA PAMWEPO UNOKOSHA
Ngenyi Tinodikana kujija Bhaibheri?
Bhaibheri riri kupa mupingulo jo muvhunjo jinokosha maningi jo upenyu ku vandhu vakawanda maningi kutenderera nyika yese. Yemwi maidakarira kuva umwe wavo?
TIRI VANAANI
Kumbiranyi kuvhakacirwa
Bhuisananyi ngo muvhunjo jo muBhaibheri, kana kuti jijanyi zvakawanda no zvapupu zva Jehovha.
