Munolangarira Kudini Ngo Bhaibheri?
Mukuvona kwenyu, munolangarira kuti . . .
-
ibhuku lo vandhu?
-
ibhuku lo ndhorovondho?
-
kana kuti Isoko la Mwari?
BHAIBHERI RINOTI KUDINI?
‘Magwaro ese akafemerwa ndi Mwari.’—2 Timoti 3:16, Bhaibheri—Shanduro yeNyika Itsva.
NGENYI ZVAKANAKA KUZIVA IZVI? Kuziva izvi kunozomubesera kuva no:
Mupingulo jakajeka ngopamusoro po muvhunjo jinokosha jo upenyu.—Zvirevo 2:1-5.
Mazano anobesera mazuva ese.—Mapisarema 119:105.
Ramangwana rakanaka.—VaRoma 15:4.
TINGATHEMBA ZVINOBHUIWARI NGO BHAIBHERI?
Eya, ngo ndava ndhatu iji:
-
Zvarinobhuya zvinozwirana. Bhaibheri lakapeja makore anokwana kuita 1.600 resinyorwa ngo vandhu vanokwana kuita 40, vakawanda vakona avasaizivana. Kunyange zvakadalo, masoko ese ari Mubhaibheri anozwirana!
-
Masoko arimo ngoo kadi. Kazinji vanonyola zvinoitika munyika vanofisha zvishaishi zvavo. Asi vakanyola Bhaibheri, vakanyola zvavakashaisha no zvakashaishwavo ngo vamweni.—2 Makoronike 36:15, 16; Mapisarema 51:1-4.
-
Uporofita unothembeka. Mumakore 200 zvisati zvaitika, Bhaibheri lakabhuya kare ngokupalajwa kwaizoizwa Bhabhiloni. (Isaya 13:17-22) Irona lakabhuya kuti laizopalajiswa kudini, no zina lo mundhu waizoripalaja!—Isaya 45:1-3.
Kuno zviro zvimweni zvinobhuiwa mu Bhaibheri, asi zvakatoitikadi kamare pasina cakasara. Izvi zvinokhombija kuti Bhaibheri Isoko la Mwari.—2 Petro 1:21.
AMBOLANGARIRANYI BASI:
Soko la Mwari ringacinjisa kudini upenyu hwenyu?
Bhaibheri rinopingula muvhunjo uu pana ISAYA 48:17, 18 na 2 TIMOTI 3:16, 17.
Zvimweni Zvamungadakarirawo
TIRI VANAANI
Ngenyi Tinodikana kujija Bhaibheri?
Bhaibheri riri kupa mupingulo jo muvhunjo jinokosha maningi jo upenyu ku vandhu vakawanda maningi kutenderera nyika yese. Yemwi maidakarira kuva umwe wavo?
TIRI VANAANI
Kumbiranyi kuvhakacirwa
Bhuisananyi ngo muvhunjo jo muBhaibheri, kana kuti jijanyi zvakawanda no zvapupu zva Jehovha.
