‘Mwari anozopukuta musoji yese pamajiso avo, kunonga kusinazve kufa, nee kucema nee kurija mbhere nee kuwaja. Ngokuti zviro zvokutanga zvapera.’—Zvakazarurwa 21:3, 4, Bhaibheri—Shanduro yeNyika Itsva.

Ngokuti munozova no basa rakanaka viye rinomudakajisa.—Isaya 65:21-23.

No kugara munyika musina kuwaja no kutambujika.—Isaya 25:8; 33:24.

Munozova no upenyu unodakaja no kugara no hama jenyu kwenda-no-kwenda. —Mapisarema 37:11, 29.

Eya, ngo ndava mbiri iji:

• Mwari aakoreri kuita zvaano thembesa. Mubhaibheri Mwari unozwi Womasimba Ese, ngokuti ndiena ‘anosimba risingaperi.’ (Zvakazarurwa 15:3) Ndiyo ndava, apana muvhunjo wokuti iyena anosimba rokucinja nyika kuti ive paradhiso. Inga zvinobhuya Bhaibheri, ‘kuna Mwari zvese zvinokwanisika.’—Mateu 19:26.

• Mwari unoda kuita zvaakathembesa. Inga muezaniso, Mwari anocisuvo no vandhu vakafa, ndiyo ndava anoda kuvamusa.—Jobho 14:14, 15.

  Bhaibheri rinokhombijavo kuti Mwana wa Mwari Jesu Kristu, wakarapa vaiwaja. Ngenyi akaita izvi? Ngokuti cainga cido cake. (Mako 1:40, 41) Jesu wainasa kutevejera undhu wa Baba vake, izvi ndizvona zvakamuita kuti ade kubesa vandhu.—Johani 14:9.

  Izvi ngozvinotiita kuti tive no cokwadi cokuti Jehovha na Jesu vanoda kutibesa kuti tive no ramangwana rakanaka!—Mapisarema 72:12-14; 145:16; 2 Petro 3:9.