Mungaitenyi kuti munase kubesereka ngo zvijijo izvi zvo Bhaibheri?
Tanganyi ngo kuverenga majijirwe anoizwa bhuku iri, zvadalo wonanyi VHIDHIYO.
DIVI LOKUTANGA
Kutanga verenganyi ndima imwe nga imwe, kubatanijavo no muvhunjo jino khala imweni (A). Verenganyizve mavhesi amweni akazwi “verenganyi” (B). Verenganyi mavhesi anokhombijira mafundo makuru.
DIVI LOCIPIRI
Pa divi rakazwi “Jijanyi Zvizinji” munozowona fupiso yo zvamusada kujija (C). Zvimusoro zvidoko (D) zvinobhuya ngo mafundo makuru o zvamusada kujija. Pamwepo no mujijisi wenyu, verenganyi mavhesi, daviranyi muvhunjo no kuwona mavhidhiyo.
Pacijijo cimwe nga cimwe munowana kwadhru iripo ino VHIDHIYO imwe inomasoko akawanda ngo zvo shwiro yamunonga mesijija. Mavhidhiyo amweni anobhuya ngo zviro zvakaitikadi kamare. Asi amweni akona anokhombija zviro zvisito kuitika kamare kuno mundhu anonga esibhuya, asi iwona anobhuya ngo zviro zvingaitika mu upenyu.
Wonanyi mapikica, moverenga masoko anosanangura mapikicewo (E), rangariranyi zvamunozobhuya pa divi rinoti “Vamweni Vanoti” (F).
DIVI LOKUPEJISIRA
Cijijo cimwe nga cimwe cinopera ngo pakazwi “Tajijenyi?” no “Muvhunjo Jokuhwirijira” (G). Nyoreranyi zuva romunonga mapeja cijijo cimwe nga cimwe. Pakazwi “Ejanyi Izvi” (H) panomuvhunja zvamunodikana kuita kuti mushandise zvamunonga majija. Pakazwi “Jijanyi Zvimweni” (I) panonga pano zvimweni zvamunodikana kuti muverenge, no mavhidhiyo amunodikana kuti muwone.
Zvirimukati
|
|
|
|
Mungaitenyi Kuti Muwane Vhesi Yamunoda mu Bhaibheri?
Bhaibheri mubatanijwa wo mabhuku anokwana kuita 66. Iwona akapaurwa ngo mativi maviri: Divi lokutanga rinozwi Zvinyorwa zvo Cihebheru no Ciaramaiki (“Testamento yo Kare”) no Zvinyorwa zvo Cikristu zvo Cigiriki (“Testamento Ipsva”).
Kudai tsamba yo Bhaibheri ikabhuiwa mujijo iyi, iyona inodanijwa ngo zina lo bhuku lo Bhaibheri (A), kozotevera citsauko (B), pejisire vhesi kana kuti mavhesi (C).
Inga muezaniso, Johani 17:3 izvi zvinoda kubhuya kuti ibhuku la Johani, citsauko 17, vhesi 3.
