CIJIJO 03
Ngenyi Tingathemba Zvinobhuiwa ngo Bhaibheri?
Bhaibheri rinobhuya zvakawanda ngo zvo lamangwana, rino mazano anoshanda zuva ngo zuva. Dangani munodawo kuziva zvarinobhuya, asi amuna cokwadi cokuti mungathemba zvinobhuiwa ngo bhuku iri lakanyorwa kare-kare. Kubhuya kuti mungathemba mazano no zvigondiso zvinobhuiwa ngo Bhaibheri ngo ndava yo kuva no upenyu wakanaka zvino no lamangwana here? Vandhu vakawanda vari kuzvitenda. Iyemwiwo munozvitenda?
1. Zvinobhuiwa ngo Bhaibheri zvakaitika here?
Bhaibheri rinobhuya kuti rino masoko ‘akarurama o cokwadi.’ (Muparidzi 12:10) Ilona rinobhuya ngo pamusoro po zviro zvakaitika no vandhu vaingeyo kamare. (Verenganyi Ruka 1:3; 3:1, 2.) Vazivi no vapsakisisi vo zvo mathere, vakawana ucapupu wokuti zvinobhuiwa ngo Bhaibheri ngo pamusoro po mazuva, ndau no vandhu vairaramemo ngo zvo cokwadi kamare.
2. Zvicinyi zvinokhombija kuti Bhaibheri risiri kushanda kunyange riri lokare?
Zvakawanda zvinobhuiwa ngo Bhaibheri, zvainga zvisikanasi kuzivika panguva yo zvakanyorwa. Ambolangariranyi zvarinobhuya ngo ndava yo siensiya, vandhu vakawanda vainga vasikazvitendi pa nguva yo zvakanyorwa. Asi mazuva ano, masiyentista vakazowona kuti zvakabhuiwa ngo Bhaibheri ngo zvo cokwadi. Zvarinobhuya ngo zvo cokwadi ‘mazuva ano, nokusingaperi.’—Mapisarema 111:8.
3. Ngenyi tingathemba zvinobhuiwa ngo Bhaibheri ngo pamusoro po lamangwana?
Bhaibheri rino uporofita a wakabhuiwa kare ‘zviro zvisati zvaitika.’ (Isaya 46:10) Ilona lakanasa kubhuya zviro zvakawanda pasiri no makore zvisati zvaitika. Lakabhuyawo ngo pamusoro po zviro zvatiri kuwona zvesiitika munyika mazuva ano. Mu cijijo cino, tiri kuda kuwona uporofita unganani unobhuiwa mu Bhaibheri. Kuwona kuzajika kakaita uporofita uwu, zvinotishamisa!
JIJANYI ZVIZINJI
Wonanyi kuti Bhaibheri rinozwirana papi no siensiya, psakanyi uporofita umweni unobhuiwa mu Bhaibheri.
4. Siensiya inozwirana no Bhaibheri
Kare, vandhu vakawanda vailangarira kuti nyika ino poyakagala. Wonanyi VHIDHIYO.
Wonanyi zvakanyorwa mu bhuku la Jobho mu makore 3.500 adarika. Verenganyi Jobho 26:7, mapeja bhuisananyi ngo muvhunjo unotevera:
-
Ngenyi zvinobhuiwa ngo Bhaibheri zvokuti ‘nyika yakapaikwa pasina ciro’ zvinotishamisa?
Vandhu vakazoguma pa kuzwisisa zvinoita kuti kumwa ilambe iripo mu makore 1.800 adarika. Ngatende tiwone kuti Bhaibheri lakabuyenyi ko makore no makore adarika. Verenganyi Jobho 36:27, 28, mapeja bhuisananyi ngo muvhunjo jinotevera:
-
Ngenyi zvinobhuiwa ngo Bhaibheri, ngo pamusoro po kutenderera kunoita kumwa zvitishamisa?
-
Mavhesi o maperari kuverenga, anovangisa kuthemba kamunoita Bhaibheri here?
5. Bhaibheri lakabhuya kare zviro zvinokosha zvaizoitika mazuva ano
Verenganyi Isaya 44:27–45:2, mapeja bhuisananyi ngo muvhunjo unotevera:
-
Ngazvipi zvakabhuiwa ngo Bhaibheri ngo ndava yo kupalajwa ko Bhabhironi mu makore 200 zvisati zvaitika?
Vapsakisisi vo zvakaitika kare vanotenda kuti Mambo Siro wo Persiya no masoca ake, vakapalaja Bhabhironi mu gore la 539 Kristu Asati Aviya. Vakaca mugero wakaita kuti kumwa yo mumulambo waijivirira thaundi iri, iyerere yesienda kumweni, vopinda mu thaundi iri ngo pamusuwo yakasiiwa isito kuvharwa, vakanyisa thaundi iri pasina hondo yakaitika. Izvi zvakaitika mu makore 2.500 adarika, mbhera na nyamasi Bhabhironi risiri mathere. Wonanyi zvainga zvakabhuiwa kare ngo Bhaibheri.
Verenganyi Isaya 13:19, 20, mapeja bhuisananyi ngo muvhunjo unotevera:
-
Ngazvipi zvinokhombija kuti uporofita uwu wakazajika?
Mathere o Bhabhironi, ku nyika inozwi Iraki mazuva ano
6. Bhaibheri lakabhuya kare zviro zviri kuitika mazuva ano
Bhaibheri rinobhuya kuti tiri kurarama mu ‘mazuva okupejisira.’ (2 Timoti 3:1) Wonanyi zvakabhuiwa kare ngo Bhaibheri, kuti ndizvona zvaizoitika mazuva ano.
Verenganyi Mateu 24:6, 7, mapeja bhuisananyi ngo muvhunjo unotevera:
-
Ngazvipi zvakabhuiwa ngo Bhaibheri kuti zvaizoitika?
Verenganyi 2 Timoti 3:1-5, mapeja bhuisananyi ngo muvhunjo jinotevera:
-
Bhaibheri lakabhuya kuti vandhu vaizova vakadini mu mazuva okupejisira?
-
Ngazvipi zvamuri kuwonawo pacenyu?
VAMWENI VANOTI: “Zviri mu Bhaibheri ingano jo vandhu.”
-
Yemwiwo, ngazvipi zvinomuthembesa kuti Bhaibheri ngo lo cokwadi?
TAJIJENYI
Tajija kuti patinopsakisisa zvakaitika kare ngo ndava yo siensiya no uporofita, tinowona kuti Bhaibheri ngo lo cokwadi.
Muvhunjo Jokuhwirijira
-
Zviro zvinobhuiwa ngo Bhaibheri ngo zvo cokwadi here kana kuti ingano?
-
Ngazvipi zvinobhuiwa ngo Bhaibherri zvinokhombija kuti ilona rinozwirana no siensiya?
-
Munolangarira kuti Bhaibheri rinobhuya zviro zvisada kuzoitika here? Ngenyi madalo?
JIJANYI ZVIMWENI
Bhaibheri pano parinosiya no siensiya here?
“Siensiya Inozwirana no Zviri mu Bhaibheri Here?” (mu saiti jw.org)
Ngazvipi zvinokhombija kuti tiri mu “mazuva okupejisira”?
“Uporofita 6 Uri mu Bhaibheri Uri Kuzajika” (Nharireyomurindi, 1 ya Maio yo 2011 Mucishona)
Jijanyi kuti uporofita uri mu Bhaibheri ngo pamusoro po Umambo wo Gresiya wakazajika kudini.
Wonanyi kuti uporofita uri mu Bhaibhei wakacinjisa kudini mawonero aiita mwanarume umweni Bhaibheri.
“Ndailangarira Kuti Mwari Akuna” (Nharireyomurindi N.º 5, ya 2017 Mucishona)
a Soko lokuti uporofita, rinoda kubhuya masoko a Mwari ngo ndava yo zviro zvinozoitika muna lamangwana.
