CIJIJO 02
Bhaibheri Rinopa Soterero
Munyika yese, vandhu vari kusangana no matambujiko akasiyana-siyana, ngo ndava yazvo zviri kuvaita kuti vagare vakanyangajwa, kuneseka no kuwajiwa. Pano zvamakambosangana nazvo zvakamuita kuti muzvizwewo kudalo here? Dangani munondhendha yamunayo, kana kuti makatovha kutofirwa ngo mundhu wamunoda. Nguva imweni mungatoguma pakulangarira kuti: ‘Matambujiko anozombopera here?’ Yemwi munozodakala maningi ngo kuziva mupingulo wo muvhunjo uwu mu Bhaibheri.
1. Bhaibheri rinotipa Soterero Yakadini?
Bhaibheri rinobhuya kuti ngenyi munyika muno matambujiko akawanda kudai, ilona rino masoko akanaka okuti pasara nguva doko kuti matambujiko ese apere. Bhaibheri rinotithembesa ‘soterero yo lamangwana lakanaka.’ (Verenganyi Jeremiya 29:11, 12.) Zvarinotithembesa zvinotibesa maningi kuti tisaora mweyo patinosangana no matambujiko, ilona rinotibesazve kuti tive no mudakalo zvino nokusingaperi.
2. Bhaibheri rinotithembesenyi ngo lamangwana?
Bhaibheri rinotithembesa kuti ‘kunozonga kusisinazve kufa, nee kucema, nee kurija mbhere, nee kuwajiwa.’ (Verenganyi Zvakazarurwa 21:4.) Pasi pano, panonga pasisinazve zviro zvese zvakashata zvinoita kuti vandhu vatambujike, zvakadai inga ulombo, kutama kuitirwa zvakanaka, kuwaja no kufa. Bhaibheri rinotithembesa kuti vandhu vanozodakala maningi ngo kurarama nokusingaperi mu paradhiso pasi pano.
3. Tingaitenyi kuti tithembe kuti zvese zvinobhuiwa ngo Bhaibheri zvinozoitika?
Vandhu vazinji vano soterero yo kuti zviro zvisazonaka munyika, asi avana cokwadi cokuti zvavanosotereraro zvinozoitika. Asi zvinothembeswa ngo Bhaibheri zvinozoitika kamare. Tingaengejera kuthemba kedu kudai tikanasa ‘kujija Zvinyorwa zviri mu Bhaibheri.’ (Mabasa 17:11) Pamunonga mesijija Bhaibheri, munozowona zvarinobhuya ngo zvo lamangwana, ngo kudalo zvaa kamuri kuti mungazvithemba kana kuti haiwa.
JIJANYI ZVIZINJI
Wonanyi zviro zvimweni zvinobhuiwa ngo Bhaibheri kuti zvinozoitika muno lamangwana. Wonanyizve kuti soterero inobhuiwa mu Bhaibheri ngo zvo lamangwana, iri kubesa kudini vandhu mazuva ano.
4. Bhaibheri riri kupa vandhu soterero yo kuzorarama nokusingaperi vasingatambujiki
Wonanyi zviro zvinotevera zvinothembeswa ngo Bhaibheri. Ngazvipi zvigondiso zvamanyanya kudakarira? Ngenyi madalo?
Verenganyi mavhesi anotevera o zviro zvinothembeswa ngo Bhaibheri, mapeja bhuisananyi ngo muvhunjo jinotevera:
-
Mavhesi aya angakwanisa kumubesa kuti muve no soterero here? Munolangarira kuti mavhesi aya angapawo soterero hama no shamwari jenyu here?
Ambolangariranyi mesirarama munyika
|
ISINA MUNDHU . . . |
• anozocema, anozoita halahwa, no kufa.—Isaya 25:8. |
|---|---|
|
|
|
|
|
|
|
|
|
|
5. Zvinothembeswa ngo Bhaibheri, zvingamubesa mu upenyu
Mazuva ano, vandhu vakawanda vari kuora mweyo no kunyangajiswa ngo ndava yo matambujiko ari munyika. Vamweni vari kuita zvese zvavanokona kuti vacinje nyika kuti ive yakanaka. Wonanyi pa vhidhiyo inozari kuti zvigondiso zvinobhuiwa mu Bhaibheri zviri kubesesa kudini vandhu vakawanda mazuva ano. Wonanyi VHIDHIYO, mapeja bhuisananyi ngo muvhunjo jinotevera:
-
Mu vhidhiyo iyi, idambujiko ripi laisangana na Rafika?
-
Kunyange hazvo dambujiko iri arito kupera, Rafika wakabeseswa kudini ngo Bhaibheri?
Soterero iri mu Bhaibheri yo lamangwana ingatibesa kuti tisaora mweyo, no kuti tidakare pasinenyi no matambujiko atiri kusangana nawo. Verenganyi Zvirevo 17:22 na VaRoma 12:12, mapeja bhuisananyi ngo muvhunjo unotevera:
-
Munolangarira kuti masoko o soterero ari mu Bhaibheri, angamubesa kuti muve no upenyu wakanaka mazuva ano here? Ngenyi madalo?
VAMWENI VANOTI: “Zvinothembeswa ngo Bhaibheri ngo zvo lamangwana zvakanaka, asi azviitiki.”
-
Ngenyi zvakanaka kuti muzvipsake mega kuti zvinothembeswa ngo Bhaibheri ngo zvo cokwadi here kana kuti haiwa?
TAJIJENYI
Tajija kuti Bhaibheri rinotipa soterero yo lamangwana lakanaka. Tawonazve kuti rinotibesa kucungirira matambujiko ese atiri kusangana nawo patinonga tesilangarira ngo lamangwana lakanaka.
Muvhunjo Jokuhwirijira
-
Ngenyi vandhu vesida soterero?
-
Bhaibheri rinoti kudini ngo zvo lamangwana?
-
Soterero yo mu Bhaibheri ingamubesa kudini mazuva ano?
JIJANYI ZVIMWENI
Jijanyi zvimweni zvingamubesa kuti muve no soterero yo lamangwana lakanaka
“Soterero Ingatibesa Here?” (Mukai! 8 wa Maio wo 2004 Mucishona)
Wonanyi kuti Soterero yo lamangwana iri kubesesa kudini vandhu vano ndhendha isingalapiki.
“Bhaibheri Rinokona Kumubesa Here Kudai Muno Dambujiko lo Utano?” (mu saiti jw.org)
Pamunonga mesiwona vhidhiyo iyi yo ngoma, langariranyi muno mbhuri yenyu mesidakala muri mu paradhiso inothembeswa ngo Bhaibheri.
Wonanyi kuti mwanarume umweni, wairwira rugarisiko wo vandhu munyika, wakacinjisa kudini upenyu wake paakatanga kujija ngo zvo soterero iri mu Bhaibheri yo lamangwana.
“Andisalangariri Kuti Ndinodikana Kucinja Nyika” (Nharireyomurindi, 1 ya Julho yo 2013 Mucishona)
