CIJIJO 04
Mwari Ndiyani?
Kuvhira kare no kare, vandhu vari kunamata vana mwari vakasiyana-siyana. Asi Bhaibheri, rinobhuya kuti kuna Mwari umwe basi ‘mukuru kudarika vana mwari vese.’ (2 Makoronike 2:5) Ndiyani Mwari yenawo? Ngenyi Bhaibheri resimuti mukuru kudarika vana mwari vese? Mu cijijo cino, munozowona kuti Mwari uwu unoda kuti mumuzive.
1. Zina la Mwari ndiyani, zvicinyi zvinokhombija kuti unoda kuti tizive zina lake?
Mwari unotivhunja ngo zvake mu Bhaibheri. Iyena unoti: ‘Ndini Jehovha. Iri ndirona zina langu.’ (Verenganyi Isaya 42:5, 8.) Mukuzwirana no vazivi vakawanda, zina lokuti “Jehovha” rikasandujwa kuvha mu Cihebheru, rinobhuya kuti ‘Iyena Anoita kuti Zvaanoda Zviitike.’ Jehovha unoda kuti tizive zina lake. (Eksodho 3:15) Izvi tingazvithembesa kudini? Iyena wakaita kuti zina lake rinyorwe mu Bhaibheri, mu ndau jinodarika 7.000! a Zina lokuti Jehovha ngo la Mwari umwe basi wo cokwadi, ‘wokumusoro kudenga no panyika.’—Dheuteronomi 4:39.
2. Bhaibheri rinoti kudini ngo zva Jehovha?
Vandhu vanonamata vana mwari vakawanda, asi Bhaibheri rinoti Jehovha ndiyena Mwari ega wo cokwadi. Ngenyi residalo? Ngo ndava yokuti Jehovha ndiyena mutongi mukuru anosimba kudarika vese, ‘iyena ndiyena ega wo kumusorosoro kumusoro ko nyika yese.’ (Verenganyi Pisarema 83:18.) Iyena anozwi ‘wo Masimba ese,’ ngokuti iyena anosimba guru rokuita zvese zvaanoda. Ndiyena ‘wakasika zviro zvese’ zviri kudenga no zviri panyika. (Zvakazarurwa 4:8, 11) Mukusiyana no zvisikwa zvese, Jehovha wagara ariyo, iyena usalamba ariyo no kusingaperi.—Mapisarema 90:2.
JIJANYI ZVIZINJI
Jijanyi musiyano uripo pa mazina a Mwari okureremeja, no zina lake kamare. Wonanyiwo kuti ngenyi Mwari wakaita kuti muzive zina lake, no kuti wakazviitisa kudini.
3. Mwari unomazina akawanda okureremeja, asi anozina rimwe basi lo cokwadi
Kuti muwone musiyano uripo pa zina lo mundhu lo kureremeja no zina lake kamare, wonanyi VHIDHIYO, mapeja bhuisananyi ngo muvhunjo unotevera:
-
Musiyano upi uripo pa mazina okureremeja no zina lake kamare?
Bhaibheri rinobhuya kuti vandhu vanonamata vanamwari vakawanda no majimambo akawanda. Verenganyi Mapisarema 136:1-3, mapeja bhuisananyi ngo muvhunjo unotevera:
-
Ndiyani ‘Mwari wo vanamwari’ na ‘Mambo wo majimambo’?
4. Jehovha unoda kuti mumuzive uye mushandise zina lake.
Zvicinyi zvinokhombija kuti Jehovha unoda kuti muzive zina lake? Wonanyi VHIDHIYO, mapeja bhuisananyi ngo muvhunjo jinotevera:
-
Mukuwona kenyu, munolangarira kuti Jehovha unoda kuti tizive zina lake here? Ngenyi madalo?
Jehovha unoda kuti vandhu vashandise zina lake. Verenganyi VaRoma 10:13, mapeja bhuisananyi ngo muvhunjo jinotevera:
-
Ngenyi zvinokosha kushandisa zina la Mwari lokuti Jehovha?
-
Munozvizwa kudini mundhu paanomulangarira ngo zina renyu no kumudanija ndirona?
-
Munolangarira kuti Jehovha anozwawo kudini pamunoshandisa zina lake?
5. Jehovha unoda kuti iyemwi muve shamwari yake.
Mwanakaji umweni wo Kukamboja anozwi Soten, wakabhuya kuti “apana cinondidakaja kudarika kuziva zina la Mwari.” Wonanyi VHIDHIYO, mapeja bhuisananyi ngo muvhunjo unotevera:
-
Soten wakabeseswa kudini ngo kuziva zina la Mwari?
Musati mashamwarijana no mundhu, munotanga kuziva zina lake. Verenganyi Jakobho 4:8a, mapeja bhuisananyi ngo muvhunjo jinotevera:
-
Jehovha unoda kuti iyemwi muitenyi?
-
Kuziva no kushandisa zina la Mwari, kungamubesesa kudini kuti muve no ushamwari wo phedo naye?
VAMWENI VANOTI: “Mwari ndi umwe basi, azvina basa kuti ungamudanija ngo zina ripi.”
-
Munozvitenda here kuti zina la Mwari ndi Jehovha?
-
Mwari unoda kuti tishandise zina lake. Maizosanangurisa kudini kuvamweni?
TAJIJENYI
Tajija kuti zina lokuti Jehovha, ndilona zina la Mwari umwe wo cokwadi. Iyena unoda kuti tizive zina lake no kurishandisa kuti tive no ushamwari naye.
Muvhunjo Jokuhwirijira
-
Ngenyi Jehovha wakasiyana no vanamwari vanonamathwa ngo vandhu?
-
Ngenyi zvakanaka kuti tishandise zina la Mwari?
-
Zvicinyi zvinokhombija kuti Jehovha unoda kuti tive shamwari jake?
JIJANYI ZVIMWENI
Jijanyi zviro 5 zvinokhombija kuti Mwari ariyo.
Wonanyi zvinokhombija kuti Mwari kuvhira kare wainga andoriyo.
“Mwari Wakasikwa Ndiyani?” (Nharireyomurindi N.° 1 ya Agosto yo 2014)
Jijanyi kuti ngenyi tesidikana kushandisa zina la Mwari, pasinenyi hapo no kuti atizvizivi kuti laidaninjiswa kudini kareko.
Pano musiyano here wo kudanija Mwari ngo zina lake no zina lo kureremeja? Wonanyi kuti ngenyi tesibhuya kuti Mwari anozina rimwe basi.
a Kuti muzive zvakawanda ngo zvo zina la Mwari, no kuti ngenyi vasanduji vamweni vakavhisa zina iri, wonanyi Apendisi A4 mu Bhaibheri Shanduro yeNyika Itsva yeMagwaro Matsvene.
