CIJIJO 06
Upenyu Wakatangisa Kudini?
Bhaibheri rinoti Mwari ndiyena ‘wakasika upenyu.’ (Mapisarema 36:9) Munotenderana nazvo here? Vandhu vakawanda vanolangarira kuti upenyu auto kusikwa. Kudai zviri zvo cokwadi, kubhuya kuti iyesu takazowoneka taapo here. Kudai ari Jehovha akatisika kubhuya kuti anocinangwa caakatisikira andizvopi? a Ngatiwone kuti Bhaibheri rinobhuyenyi ngo matangire akaita upenyu, no kuti ngenyi tingazvitenda.
1. Ndiyani wakasika denga no nyika?
Bhaibheri rinobhuya kuti: “Pakutanga Mwari wakasika denga no nyika.” (Genesisi 1:1) Masiyentista akawanda anotenda kuti denga no nyika zvakaizwa ngo kusikwa. Mwari wakazvisikisa kudini? Wakashandisa “mweya mutsvene” kana kuti simba lake laanoshandisa kuti asike zviro zvese, zvakadai inga magalakisiya, nyereji no maplaneta.—Genesisi 1:2.
2. Mwari wakasikirenyi nyika?
Jehovha aato kusika nyika ‘pasina cinangwa, asi wakaisika kuti igarwe.’ (Isaya 45:18) Mwari wakasika nyika no cinangwa, iyena waida kuti nyika ive muzi wakanaka wo kuti vandhu vagaremo no kusingaperi. (Varenganyi Isaya 40:28; 42:5.) Masiyentista anotenda kuti nyika yakanaka maningi, iyona yakasiyana no maplaneta amweni. Ndiyona planeta yega inoita kuti vandhu vakwanise kurarama.
3. Vandhu vakasiyana papi no zvinyama?
Paakapeja kusika nyika, Jehovha wakasika zviro zvinorarama. Pakutanga wakasika nyika, tevere wakasika mambuti no zvinyama. Pakupejisira, ‘Mwari wakasika mundhu ngo mufananijo wake.’ (Verenganyi Genesisi 1:27.) Icinyi cinoita kuti vandhu vave vakasiyana no zvinyama? Ngokuti takasikwa gno mufananijo wa Mwari, ngo kudalo tinokwanisa kutevejera hundhu wa Mwari, wakadai inga rudo no kururama. Mwari wakatisika tesikwanisa kujijijra ndimi jimweni, kushamiswa ngo zviro zvinodakaja, no kudakajwa ngo ngoma. Cimweni cinotiita kuti tisiyane no zvinyama, ngo cokuti iyesu tinokwanisa kunamata Musiki wedu.
JIJANYI ZVIZINJI
Wonanyi zviro zvitatu: Cokutanga, cinokhombija kuti upenyu wakaizwa ngo kusikwa. Cocipiri, cinotithembesa kuti zvinojijiswa ngo Bhaibheri ngo pamusoro po kusikwa ko nyika ngo zvo cokwadi. Cocitatu, zvatinokwanisa kuita iyesu vandhu, zvinotijijisenyi ngo zva Mwari.
4. Mwari ndiyena wakasika zviro zvese zvinorarama
Vandhu vanokujwa kudai vakanasirira ciro vesitevejera zviro zvakasikwa. Hino ndiyani anodikana kuashira rukujo ngo pamusoro po zviro zvakasikwa? Wonanyi VHIDHIYO, mapeja bhuisananyi ngo muvhunjo unotevera:
-
Vandhu vakanasirirenyi vesitevejera zviro zvakasikwa?
Nyumba imwe nga imwe yakavakwa ngo mundhu. Asi ndiyani akasika zviro zvese zviri munyika? Verenganyi VaHebheru 3:4, mapeja bhuisananyi ngo muvhunjo jinotevera:
-
Zvisikwa zvipi zviri munyika zvisito kunasirirwa ngo vandhu zvokuti mukazvisota zvinomushamisa?
-
Zvinomusoro here kuti zviro zvese zviri pa nyika no kudenga zvakaizwa ngo kusikwa? Ngenyi madalo?
Maizviziva here?
Kuti mungawana musoro jimweni no mavhidhiyo ngo pamusoro po shwiro iyi mu saiti jw.org, pa zvijijo zvinoti “Zvakangoitika Zvega Here?” “Mawonere Ovamwe Ekwakavha Upenyu.”
Nyumba yese ino mundhu akaivaka, asi akaita zviro zvese ndi Mwari
5. Zviro zvese zvino bhuiwa ngo Bhaibheri ngo pamusoro po kusikwa ngo zvo cokwadi
Genesisi 1, ino bhuya ngo zvo kusikwa ko nyika no zviro zvinorarama. Iyemwi mungathemba zvino bhuyiwari ngo Bhaibheri, kana kuti jitori ndhorowondhowo hajo? Wonanyi VHIDHIYO, mapeja bhuisananyi ngo muvhunjo jinotevera:
-
Kubhuya kuti Bhaibheri rino jijisa kuti, nyika yakasikwa ko mazuva 6 o 24-ora here?
-
Iyemwi munothemba zvinojijiswari ngo Bhaibheri ngo pamusoro po kusikwa ko zviro here? Ngenyi madalo?
Verenganyi Genesisi 1:1, mapeja bhuisananyi ngo muvhunjo unotevera:
-
Masiyentista anobhuya kuti denga no nyika pano pozvakatangira. Izvi zvinozwirana papi no zvamaperari kuverenga mu Bhaibheri?
Vandhu vanolangarira kuti Mwari pano zvaakasika pakutanga, zvozo pinduka-pinduka zvega kuita zviro zvimweni ngo kufamba ko nguva. Verenganyi Genesisi 1:21, 25, 27, mapeja bhuisananyi ngo muvhunjo jinotevera:
-
Tingati here Bhaibheri rinojijisa kuti Mwari wakasika ciro cimwe, co pinduka-pinduka kuita hove, zvinyama no vandhu? Kana kuti Mwari wakasika cimwe nga cimwe kuzwirana no “mushovo” waco? b
6. Vandhu vakasiyana no zvinyama zvakasikwa ndi Mwari
Vandhu vakasiyana no zvinyama zvakasikwa ndi Mwari. Verenganyi Genesisi 1:26, mapeja bhuisananyi ngo muvhunjo unotevera:
-
Kukona kedu kukhombijira rudo no usizi, zvinokhombija kamare kuti takasikwa ngo mufananijo wa Mwari. Ngo kukona kuita izvi zvinotijijisenyi ngo pamusoro po undhu hwa Mwari?
VAMWENI VANOTI: “Zvinojijiswa ngo Bhaibheri zvokuti zviro zvakasikwa, ingano.”
-
Iyemwiwo munoti kudini? Ngenyi madalo?
TAJIJENYI
Tajija kuti Jehovha wakasika denga no nyika, kubatanijawo no zviro zvese zvinorarama.
Muvhunjo Jokuhwirijira
-
Bhaibheri rinojijisenyi ngo zvo matangire akaita denga no nyika?
-
Kubhuya kuti Mwari wakasika ciro cimwe copinduka-pinduka here, kana kuti wakasika cimwe nga cimwe?
-
Vandhu vakasiyana papi no zvinyama?
JIJANYI ZVIMWENI
Wonanyi muezaniso inokhombija kuti musiki uriyo kamare.
“Zviro Zvakasikwa Zvinotijijisenyi?” (Mukai! wa Setembro wo 2006)
Wonanyi kuti vabereki vangasanangurisa kudini kuvana vavo, zvinobhuiwa ngo Bhaibheri ngo masikirwe akaizwa zviro.
Wonanyi kuti jijiso yo kupinduka-pinduka inowirirana no zvinojijiswa ngo Bhaibheri here kana kuti haiwa.
Ongororanyi kuti zvinyorwa zvokare no siyensiya zvinokhombija kuti upenyu wakaita zvo kusikwa here kana kuti wakawoneka waapo.
A Origem da Vida—Cinco Perguntas Que Merecem Resposta (bhurushura)
