Skip to content

Skip to table of contents

Ngenanyi (opens new window)
Psakanyi JW.ORG

CIJIJO 08

Mungaita Shamwari ya Jehovha

Mungaita Shamwari ya Jehovha

Jehovha unoda kuti munase kuziva ngo zvake. Ngenyi? Ngokuti iyena unoda kuti muve shamwari yake. Ngo ndava yazvo, unoda kuti munase kuziva ngo zvo undhu wake, mabatire aanoita vandhu, no kuti muve no lamangwana lakanaka. Mukadaro munonga mesiengejera cido cenyu cokuva shamwari yake. Munolangarira kuti zvinoita here kuva shamwari ya Mwari? (Verenganyi Mapisarema 25:14.) Kuti muve shamwari ya Mwari, munodikana kuitenyi? Bhaibheri rinopingula muvhunjo iyi uye rinobhuyawo kuti Jehovha ndiyona shamwari yakanaka kudarika jese.

1. Jehovha arikumukumbira kuti muitenyi?

Bhaibheri rinoti: ‘Kwederanyi phedo na Mwari, iyena unozokwederawo phedo nemwi.’ (Jakobho 4:8) Izvi zvinoda kubhuyenyi? Izvi zvinoda kubhuya kuti Jehovha urikumukumbira kuti muite shamwari yake. Dangani vamweni vangalangarira kuti azviiti kuva shamwari ya Mwari ngokuti atikwanisi kumuwona. Mu Bhaibheri Jehovha anobhuya zvese zvatinodikana kuziva ngo zvo undhu wake kuti tive shamwari jake. Patinoverenga Bhaibheri, ushamwari wedu na Jehovha unokula kunyange tisati takambomuwona.

2. Ngenyi Jehovha ishamwari yakanaka kupinda jese?

Akuna anomuda maningi kupinda Jehovha. Iyena unoda kuti mudakare no kuti mumukumbire zvese zvamunonga mesida. Mungakwanisa ‘kukhandira kuzviha mweyo kwenyu kaari, ngokuti anomungwarira.’ (1 Petro 5:7) Jehovha wakanasirira kuti amubese, kumunyalaja no kuyaeya zvicemo zvo shamwari jake.—Verenganyi Mapisarema 94:18, 19.

3. Jehovha unoda kuti shamwari jake jiitenyi?

Jehovha unoda vandhu vese, ‘asi ishamwari yo phedo ya vaya vakagondeka.’ (Zvirevo 3:32) Jehovha unoda kuti shamwari jake jivangisire kuita zviro zvakanaka no kuvenga zviro zvaanovenga. Vamweni vanolangarira kuti avangazvikoni kutevejera zvinozwi ndi Jehovha zvakanaka kana kuti zvakashata. Asi Jehovha anotizwisisa. Vandhu vese vanomuda ngo mweyo wese, uye vanopsvaka kuita kuda kake vangava shamwari jake.—Mapisarema 147:11; Mabasa 10:34, 35.

JIJANYI ZVIZINJI

Wonanyi kuti mungaitenyi kuti muve shamwari ya Jehovha, wonanyizve kuti iyena angaitisa kudini shamwari yakanaka yamungava nayo.

4. Abrahama wainga shamwari ya Jehovha

Zvinobhuiwa mu Bhaibheri ngo pamusoro pa Abrahama, zvinotibesa kuzwisise kuti zvinobhuyenyi kuva shamwari ya Mwari. Verenganyi ngozva Abrahama pana Genesisi 12:1-4, mapeja bhuisananyi ngo muvhunjo jinotevera:

  • Zvicinyi zvaakakumbira Jehovha kuti Abrahama aite?

  • Zvicinyi zvakathembeswa Abrahama ndi Jehovha?

  • Abrahama wakaitenyi paakavhunjwa zvaaidikana kuita ndi Jehovha?

5. Jehovha unoda kuti shamwari jake jiitenyi?

Kakawanda, pano zvatinoda ku shamwari jedu.

  • Ngazvipi zvamunoda kuti shamwari jenyu jimuitire?

Verenganyi 1 Johani 5:3, mapeja bhuisananyi ngo muvhunjo unotevera:

  • Jehovha unoda kuti shamwari jake jiitenyi?

Kuti tizwire Jehovha, nguva jimweni tinodikana kucinja mararamiro edu no undhu wedu. Verenganyi Isaya 48:17, 18, mapeja bhuisananyi ngo muvhunjo unotevera:

  • Ngenyi Jehovha unoda kuti shamwari jake jicinje undhu no mararamire?

Shamwari yakanaka nga iya inotizivisa kuti tisapinda pa ngozi no kutibesa. Mukufananawo, Jehovha anoitawo zvimwezvo

6. Mabeserere anoita Jehovha shamwari jake

Jehovha unobesa shamwari jake kuti jirwisane no zvineso. Wonanyi VHIDHIYO, mapeja bhuisananyi ngo muvhunjo unotevera:

VHIDHIYO: Jehovha Wakandiitira Zvakawanda (3:20)

  • Jehovha wakabesesa kudini mwanakaji uwu kuti anyise zviro zvakashata zvaailangarira?

Verenganyi Isaya 41:10, 13, mapeja bhuisananyi ngo muvhunjo jinotevera:

  • Jehovha unothembesa kuti unozoitirenyi kuno shamwari jake jese?

  • Munolangarira kuti Jehovha ishamwari yakanaka here? Ngenyi madalo?

Shamwari yakanaka inomubesa pamunonga mesida kubeswa. Mukufananawo, Jehovha anozomubesa pamunonga mesida kubeswa

7. Kuti tive shamwari ya Jehovha tinodikana kubhuya naye no kutevejera zvaanobhuya

Vandhu vaviri vakagara vesibhuya vese ushamwari wavo unovanga. Verenganyi Mapisarema 86:6, 11, mapeja bhuisananyi ngo muvhunjo jinotevera:

  • Tingabhuisa kudini na Jehovha?

  • Jehovha unobhuisa kudini nesu?

Tinobhuya na Jehovha patinoita mukumbiro, iyena aunobhuya nesu esishandisa Bhaibheri

VAMWENI VANOTI:  “Azviiti kuita shamwari ya Mwari.”

  • Maizoshandisa vhesi ipi inokhombija kuti zvinoita kuti tive shamwari ya Mwari?

TAJIJENYI

Tajija kuti Jehovha unoda kuti tive shamwari jake, iyena unozotibesa kuti tive no ushamwari wo phedo naye.

Muvhunjo Jokuhwirijira

  • Jehovha anobesesa kudini shamwari jake?

  • Ngenyi Jehovha unoda kuti mundhu acinje undhu no mufambiro kudai esida kuita shamwari yake?

  • Mukuwona kenyu munolangarira kuti zvinonesa kuita shamwari ya Jehovha here? Ngenyi madalo?

Ejanyi Izvi

JIJANYI ZVIMWENI

Kuva shamwari ya Mwari kungacinjisa kudini upenyu wenyu?

“Jehovha Ndi Mwari Watinodikana Kuziva” (Nharireyomurindi, 15 ya Fevereiro yo 2003 Mucishona)

Jijanyi zvamungaita kuti muve shamwari ya Mwari.

“Ndingaitenyi Kuti Ndive Shamwari ya Mwari?” (Mibvunzo Inobvunza Vechidiki—Mhinduro Dzinoshanda, Bhuku 2, chitsauko 35, Mucishona)

Verenganyi ngo zvo mwanakaji umweni, muzwe kuti ushamwari wake na Jehovha wakamuponesa kudini.

“Ndainga Ndisingadi Kufa!” (Nharireyomurindi N.° 1 ya 2017)

Mu vhidhiyo iyi wonanyi kuti majaha no vasikane varikuzwa kudini ngokuva shamwari ja Jehovha.

Zvinoda Kubhuyenyi Kuva Shamwari ya Mwari? (1:46)

RARAMANYI NOKUSIKAPERI MESIDAKALA!— TANGANYI KUJIJA BHAIBHERI

Mungaita Shamwari ya Jehovha

Ndau (Western)
Mungaita Shamwari ya Jehovha
https://cms-imgp.jw-cdn.org/img/p/1102021208/univ/art/1102021208_univ_sqr_xl.jpg
lff cijijo 8
DOWNLOAD OPTIONS
Mungaita Shamwari ya Jehovha
Publication download options Raramanyi Nokusikaperi Mesidakala!—Tanganyi Kujija Bhaibheri
Audio download options Raramanyi Nokusikaperi Mesidakala!—Tanganyi Kujija Bhaibheri