CIJIJO 18
Tingazivisa Kudini va Kristu Vocokwadi
Munyika yese vandhu vakawanda vanozviti tiri Vakristu. Asi zvovanotenda, azvipindirani pashwiro yokuzvibata no mararamire. Tingazivisa kudini Vakristu vocokwadi?
1. Zvinoda kubhuyenyi kuzwi Mukristu?
Mukristu, mujiji kana kuti muteveri wa Jesu kristu. (Verenganyi Mabasa 11:26.) Ngazvipi zvinokhombija kuti iyena mujiji wa Jesu? Jesu wakati: ‘Kudai mungalamba muri musoko langu, muri vajiji vangu kamare.’ (Johani 8:31) Izvi zvinoda kubhuya kuti, Mukristu wocokwadi unodikana kutevejera zvakajijiswa ndi Jesu Kristu. Zvese zvaijijiswa ndi Jesu no zvaaita zvaipindirana no Soko la Mwari. Mukutojanawo, zvese zvinobhuiwa ngo Vakristu no zvovanoita zvinodikana kupindirana no zvinobhuiwa ngo Bhaibheri.—Verenganyi Ruka 24:27.
2. Vakristu vocokwadi vanokhombijisa kudini rudo?
Jesu wakati kuvateveri vake: ‘Danananyi inga madire ondakamuita.’ (Johani 15:12) Jesu wakakhombijisa kudini kuti waida vajiji vake? Iyena waipeja nguva yakawanda navo, esivavangisa uye esivabesera. Iyena wakatopira upenyu wake ngokuti waivada. (1 Johani 3:16) Mukutojanawo, Vakristu vocokwadi vanoitawo zvakawanda kupinda kuvereketa basi kuti vanodanana. Maitire avo no zvo vanobhuya, zvinokhombija kuti vanokhombija rudo kuvamweni vavo.
3. Ibasa ripi rinodikana kuizwa ngo Vakristu vocokwadi?
Jesu unobasa rinokosha maningi laakapa vajiji vake. ‘Iyena wakavatuma kooparijira ngo zvo Umambo wa Mwari.’ (Ruka 9:2) Vakristu vopakutanga, avasaiparijira mu ndau jokunamatira basi, asi vaiparijirawo mu ndau jaiwanika vandhu vakawanda, nokuparijirazve muzi ngo muzi. (Verenganyi Mabasa 5:42; 17:17.) Mazuva ano, Vakristu vocokwadi vanoparija cokwadi ciri mu Bhaibheri kese kunowanika vandhu. Ivona vanoda maningi vandhu, izvi ndizvona zvinoita kuti vadakare ngo kushandisa simba lavo no nguva yavo kuti vaparijire masoko anonyalaja uye anopa soterero ari mu Bhaibheri.—Mako 12:31.
JIJANYI ZVIZINJI
Jijanyi musiyano uripo pakati po Vakristu vocokwadi no vandhu vasikatevejeri zvaiizwa ndi Jesu no zvaakajijisa.
4. Ivona vanopsaka cokwadi ciri mu Bhaibheri
Vakristu vopakutanga vaikoshesa Soko la Mwari, vaiparijira vamweni uye vaikhombijirana rudo
Asi vese vanozviti Vakristu, vanolangarira kuti zvinokosha kuziva cokwadi ciri mu Bhaibheri. Wonanyi VHIDHIYO, mapeja bhuisananyi ngo muvhunjo unotevera:
-
Maceci amweni anozviti ngo o Cikristu, akajijisenyi zvakasiyana no zvakajijiswa ndi Jesu?
Jesu wakajijisa cokwadi ciri mu Soko la Mwari. Verenganyi Johani 18:37, mapeja bhuisananyi ngo muvhunjo unotevera:
-
Jesu wakati tingazivisa kudini Vakristu vari ‘kudivi lo cokwadi’?
5. Ivona vanoparijira cokwadi ciri mu Bhaibheri
Makristu okutanga ari kujijisa vamweni
Jesu asati ahwirira kudenga, iyena wakapa vateveri vake basa ririkuizwa mbhera zvino. Verenganyi Mateu 28:19, 20 na Mabasa 1:8, mapeja bhuisananyi ngo muvhunjo jinotevera:
-
Kubhuya kuti masoko akanaka aidikana kuparijirwa munyika nganani here? Masoko akanaka aya, aizoparijirwa ko nguva yakadini?
6. Ivona vanotevejera zvovanojijisa
Icinyi cakaitisa kuti mwanarume umweni anodanijwa Tom agonde kuti wainga awana Vakristu vocokwadi? Wonanyi VHIDHIYO, mapeja bhuisananyi ngo muvhunjo jinotevera:
-
Mu vhidhiyo iyi, zvicinyi zvakaita kuti Tom apejisire asingasadi kuzwa ngo zvo maceci?
-
Zvicinyi zvakaita kuti iyena agonde kuti wainga azowana cokwadi?
Zvatinoita zvinokosha maningi kudarika zvatinovereketa. Verenganyi Mateu 7:21, mapeja bhuisananyi ngo muvhunjo unotevera:
-
Ngazvipi zvinokosha maningi kuna Jesu: Zvatinobhuya kuti ngo zvatinotenda here kana kuti zvatinoita?
7. Ivona vanokhombijirana rudo lo cokwadi
Vakristu Vopakutanga vari kukhombijirana rudo
Kubhuya kuti Vakristu vanokanda upenyu wavo pangozi kuitira kuponesa vamweni vavo here? Wonanyi VHIDHIYO, mapeja bhuisananyi ngo muvhunjo jinotevera:
-
Zvicinyi zvakaita kuti Lloyd akande upenyu wake pangozi kuti ajivirire Hama Johansson?
-
Munolangarira kuti zvakaitari Lloyd ndizvona zvinodikana kuizwa ngo Mukristu wocokwadi here?
Verenganyi Johani 13:34, 35, mapeja bhuisananyi ngo muvhunjo jinotevera:
-
Vakristu vocokwadi kana kuti vajiji va Jesu, vaizobatisa kudini vandhu vonyika jimweni no vojinja rimweni?
-
Ivona vaizokhombijisa kudini rudo uwu kunyange panguva yo hondo?
VAMWENI VANOTI: “Azvina basa no ceci yaunonamata, cinodiwa kutenda muna Jesu.”
-
Maizoshandisa vhesi ipi kuti mukhombije kuti Mukristu wocokwadi unoita zvakawanda kusiripi kutenda basi muna Jesu?
TAJIJENYI
Tajija kuti Vakristu vocokwadi vanotevejera zvinojijiswa ngo Bhaibheri, vanokhombijira rudo lo cokwadi ngo kuparijira cokwadi ciri mu Bhaibheri.
Muvhunjo Jokuhwirijira
-
Zvinoizwa ngo Vakristu vocokwadi no zvovanojijisa zvinovhepi?
-
Undhu upi wovanawo unokhombija kuti Vakristu ava ngo vocokwadi?
-
Vakristu vocokwadi vanoita basa renyi?
JIJANYI ZVIMWENI
Jijanyi zvakawanda ngo zvo vandhu vanoita zvovanokwanisa kuti vatevejere zvakaizwa ndi Jesu Kristu uye zvaakajijisa.
Verenganyi muwone kuti mwanakaji umweni wainga akapika muceci yo Katolika wakawanisa kudini cokwadi.
“Vaidavira Muvhunjo Jese Vesishandisa Bhaibheri!” (Nharireyomurindi, 1 ya Abril yo 2014)
Wonanyi kuti Vakristu vocokwadi vanokhombijisa kudini rudo lo cokwadi kuno vovanonamata navo kudai pakaitika ngozi.
Kubesera Vatinonamata Navo Panoitika Ngozi—Yokufupika (3:57)
Verenganyi muwone kuti Vakristu vocokwadi mazuva ano, vanoitisa kudini zvakaizwa ngo Vakristu vokare zvakazwi ndi Jesu kuti ndizvona zvovanodikana kuti vaite.
“Tingazivisa Kudini Vakristu Vocokwadi?” (Nharireyomurindi, 1 ya Março yo 2012)
