CIJIJO 19
Zvapupu zva Jehovha Vakristu Vocokwadi Here?
Yesu Zvapupu zva Jehovha, tinotenda kuti tiri Vakristu vocokwadi. Ngenyi tesidalo? Ngatimbowona kuti tinotora papi zvatinotenda, uye ngatiwonezve kuti takawana kupi zina lo kuti Zvapupu zva Jehovha, no kuti tinokhombijisa kudini kuti tinodanana.
1. Zvinotendwa ngo Zvapupu zva Jehovha zvinovhepi?
Jesu wakati: ‘Soko la Mwari icokwadi.’ (Johani 17:17) Zvapupu zva Jehovha nguva yese, zvazvinotenda zvinovha mu Soko la Mwari Bhaibheri inga zvaiita Jesu. Wonanyi kakavha sangano redu ririyo mazuva ano. Mugore la 1870, cikwata covajiji vo Bhaibheri cakanasa kupsakisisa zvaijijiswa ngo Bhaibheri, ivona vaida kunasa kuziva kuti Bhaibheri rinoti kudini. Vaitenda zvovaijija mu Bhaibheri pasinenyi no kuti zvaisiyana no zvaijijiswa mumaceci. Vakatangawo kuvhunja vamweni ngo zvovainga vawana mu Bhaibheri. a
2. Ngenyi tinozwi Zvapupu zva Jehovha?
Jehovha unodanija vandhu vanomunamata kuti, zvapupu zvake ngokuti vanobhuya cokwadi ngo pamusoro pake. (VaHebheru 11:4–12:1) Inga muezaniso, munguva yokare Mwari wakavhunja vanamati vake kuti: ‘Imwimwi muri zvapupu zvangu.’ (Verenganyi Isaya 43:10.) Jesu unozwi “Capupu Cakagondeka.” (Zvakazarurwa 1:5) Ngokudalo, mu gore la 1931 takatanga kudanijwa ngo zina rokuti Zvapupu zva Jehovha. Tinodakala maningi ngo kudanijwa ngo zina iri.
3. Zvapupu zva Jehovha zvinotevejeresa kudini Jesu pakukhombijirana rudo?
Jesu waida maningi vajiji vake zvokuti waivawona inga vandhu vomuukama wake. (Verenganyi Mako 3:35.) Izvi zvakatojanawo no zvinoizwa ngo Zvapupu zva Jehovha, vakabatana inga mbhuri imwe basi munyika yese. Ngo zvinotiita kuti tizwi hama no hambzaji. (Firimoni 1, 2) Yesu tinozwira mutemo wokuti: ‘Idanyi hama jo nyika yese.’ (1 Petro 2:17) Yesu tinokhombija rudo uwu ngo gwanja lakasiyana-siyana, kazinji kakhona nga paya pokuti hama jedu jinonga jesisongana no matambujiko.
JIJANYI ZVIZINJI
Jijanyi ndhorowondho yo kakavha Zvapupu zva Jehovha, kuti muwone kuti yesu tiri Vakristu vocokwadi.
Vakristu vocokwadi zvavanotenda zvinovha mu Bhaibheri, uye vanojijisawo vamweni zvavanotendaro
4. Zvatinotenda zvinovha mu Bhaibheri
Jehovha wakabhuya kuti kuzwisisa kedu Bhaibheri kaizoengejeka. Verenganyi Dhanieri 12:4, mapeja bhuisananyi ngo muvhunjo unotevera:
-
Vandhu va Mwari povaizolamba vesijija Bhaibheri icinyi ‘caizoengejeka’?
Wonanyi zvaiizwa ngo cikwata cimweni covandhu povaijija Bhaibheri, umweni wakona waizwi Charles Russell. Wonanyi VHIDHIYO, mapeja bhuisananyi ngo muvhunjo unotevera:
-
Mu vhidhiyo iyi, Charles Russell no vamweni vake vaijijisa kudini Bhaibheri?
Maizviziva here?
Nguva yimweni, yesu tinombocinja mazwisisire atinoita mavhesi amweni mu Bhaibheri. Zvicinyi zvinoita kuti tidalo? Inga zvinoita zuva rinojeka padoko ngo padoko, Mwari unojekesawo kuzwisisa katinoita Bhaibheri padoko ngo padoko. (Verenganyi Zvirevo 4:18.) Icokwadi kuti Bhaibheri aricinji, asi tinganasa kuzwisisa zvarinobhuya, tinocinja mazwisisiro otaiita.
5. Tiri Zvapupu zva Jehovha ngo kuti tinorarama mukuwirirana no zina redu
Ngenyi takakheta kudanijwa kuti Zvapupu zva Jehovha? Wonanyi VHIDHIYO, mapeja bhuisananyi ngo muvhunjo jinotevera:
-
Ngenyi zvakanaka kuti tizwi “Zvapupu zva Jehovha”?
Ngenyi Jehovha wakakheta kuti vandhu vave Zvapupu zvake? Ngo ndava yokuti zvapupu izvi zvaizojivirira zina la Mwari kumasoko o kunyepa aizobhuiwa ngo vandhu ngo ndava yake. Ngatiwone zviro zviviri zvakaitika.
Maceci amweni anojijisa kuti Mwari unoda kuti vandhu vashandise mufananijo pakumunamata. Kubhuya kuti ngo zvo cokwadi here? Verenganyi Revhitiko 26:1, mapeja bhuisananyi ngo muvhunjo jinotevera:
-
Pakunamata kedu, Mwari unoda kuti tishandise mufananijo here? Jehovha unozwa kudini vandhu pavanoshandisa mufananijo?
Maceci amweni anojijisa kuti Jesu ndi Mwari. Kubhuya kuti ngo zvo cokwadi here? Verenganyi Johani 20:17, mapeja bhuisananyi ngo muvhunjo jinotevera:
-
Ngo zvo cokwadi kuti Jesu ndi Mwari here? Jesu na Mwari mundhu umwe basi here?
-
Mwari wakakheta Zvapupu zvake kuti zvijijise vandhu cokwadi ngo pamusoro pake na Jesu. Munozwa kudini ngo kuziva izvi?
6. Yesu tinodanana
Bhaibheri rinofananijira Vakristu no mativi omuviri womundhu akasiyana-siyana. Verenganyi 1 VaKorinde 12:25, 26, mapeja bhuisananyi ngo muvhunjo jinotevera:
-
Ngazvipi zvinodikana kuizwa ngo Mukristu wo cokwadi paanowona Mukristu umweni esitambujika?
-
Ngazvipi zvamawona ngo ndava yo rudo unokhombijwa ngo Zvapupu zva Jehovha?
Zvapupu zva Jehovha zvo nyika jimweni pazvinosangana no matambujiko, Zvapupu zvo nyika jimweni zvinoenda koobesa ngo kukasika. Ngatiwone zvakamboitika: Wonanyi VHIDHIYO. Mapeja bhuisananyi ngo muvhunjo unotevera:
-
Tawona kuti kudai pakaitika ngozi, Zvapupu zva Jehovha zvinobesa ngo kukasika. Izvi zvinokhombijisa kudini kuti vanodanana?
Vakristu vocokwadi vanokhombijira rudo ku kuvarombo
VAMWENI VANOTI: “Zvapupu zva Jehovha iceci ipsa yabuda zvino.”
-
Jehovha wakatanga rini kudanija vanamati vake kuti Zvapupu zvake?
TAJIJENYI
Tajija kuti Zvapupu zva Jehovha Vakristu vocokwadi. Tiri mbhuri imwe basi yakabatana, kutenderera pasi pese yo vanamati va Mwari. Uye zvatinotenda zvinovha mu Bhaibheri, tinojijisavo vamweni cokwadi ngo pamusoro pa Jehovha.
Muvhunjo Jokuhwirijira
-
Ngenyi takakheta kuzwi “Zvapupu zva Jehovha”?
-
Tinokhombijisa kudini rudo kuvamweni vedu?
-
Munolangarira kuti Zvapupu zva Jehovha Vakristu vocokwadi here?
JIJANYI ZVIMWENI
Jijanyi zvakawanda ngo kakavha sangano lo Zvapupu zva Jehovha.
Zvapupu zva Jehovha —Kutenda Kuno Mabasa, Divi 1: Kuvha mu Cidima Kwenda Kuruvheneko (1:00:53)
Wonanyi zvakaizwa ngo Zvapupu zva Jehovha kuti vabudise jijiso jokunyepa pambhene.
Wonanyi muvhunjo jinonyanya kuvhunjiswa ngo pamusoro po Zvapupu zva Jehovha.
“Muvhunjo Inonyanya Kuvhunjiswa ngo Pamusoro po Zvapupu zva Jehovha” (Mu saiti jw.org)
Stephen wainyenya vandhu vainga vasiri vo jinja lake. Zvokuti waiguma pa kuvarwisa. Verenganyi muwone kuti zvicinyi zvakamubesa.
“Upenyu Wangu Waivha Pakushata Wesienda Pakushatisisa” (Nharireyomurindi, 1 ya Julho yo 2015)
a Kuvhira mu gore la 1879, Zvapupu zva Jehovha zviri kubudisa revhista inozwi Nharireyomurindi, irikubesa vandhu kuzwisisa cokwadi ciri mu Bhaibheri.
