CIJIJO 22

Mungaitenyi Kuti Muparijire Vamweni Masoko Akanaka?

PLAY

Pamunojija cokwadi ciri mu Bhaibheri, nguva yimweni mungalangarira kuti: ‘Mundhu wese anodikana kuzwa masoko aya!’ Icokwadi kuti mundhu wese anodikana kuzwa masoko aya, asi nguva imweni mungathya kuvhunja vamweni zvomuri kujijari. Mucijijo ici tinozobhuisana ngo zvamungaita kuti musathya, uye kuti muve no mudakalo ngo kuvhunja vamweni masoko akanaka ari mu Bhaibheri.

1. Mungaitenyi kuti muvhunjewo vamweni zviro zvamuri kujijari?

Vajiji va Jesu vakati: ‘Iyesu atingaregeri kubhuya ngo pamusoro zviro zvotakawona no zvotakazwa.’ (Mabasa 4:20) Ivona vaikoshesa maningi cokwadi zvokuti vaida kucivhunja mundhu wese wovaikona kubhuya naye. Munojizwawo kudalo here? Kudai zvakadalo, psakanyi mukana wokuvhunja hama no shamwari jenyu zviro zvomuri kujija, zviitenyi ngo rureremejo.—Verenganyi VaKorose 4:6.

Matangiro amungaita

Pamunonga mesibhuya novokumuzi kenyu, mungatanga mabhuyowo mesiti: “Pano zviro zvimweni zvandakajija vhiki rino zvakandidakaja maningi.”
Verengeranyi shamwari irikuwaja kana kuti ino zviri kuinesa, vhesi inokurujira.
Kudai vamunoshanda navo vakamuvhunjisa kuti maiitenyi mukupera ko vhiki, mungavavhunja zvakamudakaja pamaijija Bhaibheri, kana kuti zvamakajija kumusangano.
Khombijanyi shamwari jenyu saiti jw.org.
Kokanyi vamweni pamunonga mesijija Bhaibheri kana kuti vakhombijenyi zvavangaita kuti vakumbire kujija Bhaibheri mu saiti jw.org.

2. Ngenyi zvakanaka kuti muparijewo no vamweni vari mu ungano?

Vajiji va Jesu vainga vasingaparijiri masoko akanaka kuvandhu vovaiziva basi. Jesu ‘wakatuma vajiji vake mumathaundi ese vari vaviri vaviri’ kuti vooparijira. (Ruka 10:1) Izvi zvakapa vandhu vakawanda mukana wokuziva masoko akanaka. Kunja ka izvi, kuparijira pamwepo no vamweni zvaivaita kuti vadakare. (Ruka 10:17) Amungadiwo here kuti muzoparijira no vamweni vari mu ungano?

JIJANYI ZVIZINJI

Jijanyi kuti mungaitenyi kuti musathya pamunonga mesiparijira nokutizve mungaitenyi kuti mudakare pamunonga mesiita basa iri.

3. Jehovha unozomubesa

Vandhu vamweni vanoda kuparijira asi vanothya kuti vandhu vanozolangarirenyi, uye kuti vandhu vanozoashirisa kudini masoko aya.

Munothya kubhuya no vamweni ngo zvamuri kujija here? Ngenyi?

Wonanyi VHIDHIYO, mapeja bhuisananyi ngo muvhunjo unotevera:

VHIDHIYO: Ndakakumbira Jehovha Ushingi (4:05)

Zvicinyi zvakabesa majaha aya o Zvapupu zva Jehovha kuti asathya?

Verenganyi Isaya 41:10, mapeja bhuisananyi ngo muvhunjo unotevera:

Ngenyi munodikana kuita mukumbiro pamunonga mesithya kuparija?

Maizviziva here?

Zvapupu zva Jehovha zvakawanda zvaimbothya kuparijira masoko akanaka. Wonanyi muezaniso wo hama imweni inodainijwa kuti Sergiy yoku Rusiya, waijiwona inga asingabesi, waiwona basa lokuparijira inga ciro cinonesa maningi. Asi kuvhira apa iyena wakatanga kujija Bhaibheri. Iyena wakati: “Kunyange nokuthya kondainga nako ndakatangawo kubhuya no vamweni ngo zvo ndaijija mu Bhaibheri. Ndakashamisika maningi ngo kuti pondaibhuya no vamweni ngo zvo ndaijija, dambujiko langu lokujiwona inga ndisingabesi laipunguka. Izvi zvakaita kuti ndive nokutenda kakavanga.”

4. Reremejanyi vandhu

Pamunoparijira masoko akanaka, amudikani basi kulangarira zvamusabhuya, asi langariranyiwo kuti munozvibhuisa kudini. Verenganyi 2 Timoti 2:24 na 1 Petro 3:15, mapeja bhuisananyi ngo muvhunjo jinotevera:

Mungashandisa kudini mavhesi aya pamunonga mesibhuya no vandhu ngo zviri mu Bhaibheri?
Nguva jimweni hama no shamwari jenyu jingalamba zvamunonga mesibhuya, asi zvicinyi zvamunodikana kuita? Ngazvipi zvamusingadikani kuita?
Ngenyi zvakanaka kuti mubhuisane navo pano kuvabambirija?

5. Kuparijira masoko akanaka kuvamweni zvinotiita kuti tidakare

Jehovha wakapa Jesu basa lokuparijira masoko akanaka. Jesu wairiwonesa kudini basa iri? Verenganyi Johani 4:34, mapeja bhuisananyi ngo muvhunjo jinotevera:

Kurhya zvokurhya kunotiita kuti tipone, uye kunotiita kuti tidakare. Ngenyi Jesu wakaezanisa kuita kuda ka Mwari (kakadai inga kuparijira masoko akanaka) no zvokurhya?
Ngenyi mesilangarira kuti kuparijira masoko akanaka kunotiita kuti tidakare?

Itanyi izvi

Pamusangano unotevera wopakati po vhiki, jijanyi zvamungaita kuti mukwanise kutanga mabhuyo.
Bhuyanyi no mujijisi wenyu kuti maidawo kuzoita mativi o pamusangano wo pakati po vhiki. Kudai mungakwanisa kuita mativi o pamusangano wo pakati po vhiki, zvinozomubesa kuti mukwanise kuvhunja vamweni zvamunonga mesijija.
Shandisanyi divi rinoti “Vamweni Vanoti” no divi rimweni rinoti “Vandhu Vakamuvhunjisa Kuti,” kuti mukwanise kudavira muvhunjo no zvamunozobhuya kudai mundhu asingatendi zvamunonga mesibhuya.

VANDHU VAMWENI VAKAMUVHUNJISA KUTI: “Akadini masoko?” kana kuti “Wakadini upenyu?”

Maizoshandisisa kudini mukana uwu kuti mumuvhunje zvamuri kujija mu Bhaibheri?

TAJIJENYI

Tajija kuti kuparijira masoko akanaka kunoviisa mudakalo, tajijazve kuti kuita basa lokuparijira masoko akanaka kakareruka.

Muvhunjo Jokuhwirijira

Ngenyi tesibhuya no vamweni ngo pamusoro po masoko akanaka?
Mungaitenyi kuti muparijire ngo njira inoreremeja?
Ngazvipi zvamungaita kuti musathya pamunonga mesiparijira?

Ndapeja kujija cijijo ici mu zuva:

Ejanyi Izvi

Langariranyi ngo pamusoro po mundhu wamungada kubhuya naye ngo pamusoro pomasoko akanaka. Langariranyizve zvamunoda kuzobhuya no kuti mungazvibhuisa kudini no nguva yamunozozvibhuya.

Cimweni:

Your other goal