Jesu wakabhuya kuti Vakristu vanodikana kubhabhatijwa. (Verenganyi Mateu 28:19, 20.) Asi icinyi cinozwi kubhabhatijwa? Mundhu anodikana kuitenyi kuti abhabhatijwe?

1. Icinyi cinozwi kubhabhatijwa?

Soko lokuti “kubhabhatijwa” rinovha pa gama ro Cigiriki rinobhuya kuti “kunyikwa kana kumbvonywa” mukumwa. Ndizvona zvakaitikavo na Jesu paakabhabhatijwa mu murambo wo Jordhani. Muviri wake wese wakambvonywa kana kuti kunyikwa mukumwa. Tinozviziva izvi zvese ngo kuti Jesu paakapera kubhabhatijwa, iyena wakabuda kunja ‘esivha mukumwa.’ (Mako 1:9, 10) Kudaiwo inga ndi Jesu, Mukristu wocokwadi paanobhabhatijwa muviri wake wese unodikana kumbvonywa kana kuti kunyikwa mukumwa.

2. Mundhu paanobhabhatijwa unonga esikhombijenyi?

Mundhu paanonga esibhabhatijwa, unonga esikhombija pambhene kuti wajipira upenyu wake wese kuna Jehovha Mwari. Izvi ungazviitisa kudini? Mundhu paanonga asati abhabhatijwa, unodikana kuita mukumbiro ari ega, esivhunja Jehovha Mwari kuti wapira upenyu wake kaari kuti amunamate nokusingaperi. Unothembesazve Jehovha kuti unozonamata iyena basi ega nokuti anozokoshesa kunamata Mwari, kudarika zviro zvese mu upenyu wake. Iyena anokheta ‘kuzvilamba, uye kulamba esitevejera zvaakajijiswa’ ndi Jesu no muezaniso wake. (Mateu 16:24) Mundhu paanojipira obhabhatijwa, zvinoita kuti ushamwari wake na Jehovha uvange, kubatanija vaya vaanonamata navo.

3. Mundhu ungaitenyi kuti azoguma pakubhabhatijwa?

Musati mabhabhatijwa, munodikana kujija ngo zva Jehovha no kuvangisa kutenda kenyu kaari. (Verenganyi VaHebheru 11:6.) Ruzivo renyu no rutendo pazvinoengejeka, rudo wenyu kuna Jehovha rinokura. Izvi zvinozomuita kuti mudewo kuparijira vamweni ngo zvake nokurarama maererano no zvaanobhuya kuti zvakanaka uye zvakashata. (2 Timoti 4:2; 1 Johani 5:3) Mundhu paanokhombija kuti arikuda kurarama ‘maererano no zvinoda Jehovha,’ ungakwanisa kupira upenyu wake kuna Mwari obhabhatijwa.—VaKorose 1:9, 10. a

 JIJANYI ZVIZINJI

4. Tinojija zvakawanda ngo zvo rubhabhatijo la Jesu

Verenganyi Mateu 3:13-17 kuti mujije zvakawanda ngo zvo rubhabhatijo la Jesu. Mapeja bhuisananyi ngo muvhunjo jinotevera:

• Jesu wainga ari cimwana here paakabhabhatijwa?

• Jesu wakabhabhatijiswa kudini? Kubhuya kuti wakaita zvokudururirwa zvikumwa mu musoro make here?

Pasure pokubhabhatijwa, Jesu wakatanga kuita basa rinokosha raakatumwa ndi Mwari kuti aite. Verenganyi Ruka 3:21-23 na Johani 6:38, mapeja bhuisananyi ngo muvhunjo unotevera:

• Jesu paakapera kubhabhatijwa, ibasa ripi rinokosha raakakanda pandau yokutanga mu upenyu wake?

5. Kubhabhatijwa cinangwa cakanaka camungava naco

Vamweni pavanozwa masoko okuti kujipira kuna Jehovha kakubhabhatijwa vanotanga kuthya maningi. Asi pamunojija zvakawanda ngo zva Jehovha uye moshandisa zvaanobhuya, munozova no ushingi wokuzvipira kakubhabhatijwa. Wonanyi muezaniso wo vandhu vamweni vakaita izvi. Wonanyi VHIDHIYO.

Verenganyi Johani 17:3 na Jakobho 1:5, mapeja bhuisananyi ngo muvhunjo unotevera:

• Mundhu anganasirisa kudini kuti azobhabhatijwa?

1. Kuzvipira kuvhunja Jehovha kuti tinozoramba tesimunamata nokusingaperi

2. Patinobhabhatijwa, tinonga tesikhombija vamweni vanonga varipo kuti takajipira kuna Mwari

 6. Patinobhabhatijwa tinova divi lo mbhuri ya Jehovha

Patinobhabhatijwa, tinova divi lo mbhuri yakabatana yo nyika yese. Zvatinotenda nga zvimwezvo uye tinozwira mutemo imweyo ya Mwari, pasinenyi nokuti tinogara kupi kana kuti tinovhepi. Verenganyi Mapisarema 25:14 na 1 Petro 2:17, mapeja bhuisananyi ngo muvhunjo unotevera:

• Mundhu paanobhabhatijwa, unonga aano ushamwari wakadini na Jehovha uye na vaya vaanonamata navo?

 TAJIJENYI

Tajija kuti Jesu wakajijisa kuti Vakristu vese vanodikana kubhabhatijwa. Tawonazve kuti mundhu azoguma pakubhabhatijwa, anodikana kuva no kutenda kakavanga na Jehovha, ararame mukuzwirana no zvaanobhuya kuti zvakanaka uye kuzvipira kuna Jehovha.

Muvhunjo Jokuhwirijira

• Icinyi cinozwi rubhabhatijo uye ngenyi resikosha?

• Kujipira kunobatana papi nokubhabhatijwa?

• Zvicinyi zvinodikana kuizwa ngo mundhu, asati ajipira kuna Jehovha uye asati abhabhatijwa?