CIJIJO 26
Ngenyi Panyika Pesiitika Zvakashata uye Vandhu Vesitambujika?
Kudai pakaitika ngozi vandhu vanozvivhunjisa kuti: Ngenyi zvakashata zvesiitika? Zvinodakaja ngo zvo kuti Bhaibheri rinopingula muvhunjo uwu zvakajeka!
1. Matambujiko akatangisa kudini panyika?
Sathana Dhiyabhu, wakapandukira Jehovha. Sathana waida kutonga vamweni, ngo ndava yazvo iyena wakacengeja vandhu vaviri vokutanga Adhamu na Evha, kuti vabatane naye pakupadukira Mwari. Sathana wakazviitisa kudini izvi? Iyena wakabhuya manyepo kuna Evha. (Genesisi 3:1-5) Sathana wakaita kuti Evha alangarire kuti Jehovha waimunyima zviro zvakanaka. Zvakaizwa ndi Sathana zvakaita kuti vandhu valangarire kuti vaizodakala kudai vakatama kuzwira Mwari. Sathana wakabhuya manyepo okutanga paakavhunja Evha kuti iyena aasaizofa. Ndizvona zvinoita kuti Bhaibheri riti Sathana ‘mubhuyi wo manyepo na baba wo manyepo.’—Johani 8:44.
2. Adhamu na Evha vakakheta kuitenyi?
Jehovha wakapa Adhamu na Evha zvese zvovaida. Iyena wainga akavavhunja kuti varhye mucero yo mumbuti yese yainga mu munda wo Edheni kunja ka wiya waainga akavalambisa. (Genesisi 2:15-17) Asi ivona vakakheta kurhya mucero womumbuti wovainga vakalambiswa. Evha ‘wakatora mucero wo mumbuti otanga kuurhya.’ Papera nguva doko, Adhamu ‘wakatangawo kurhya.’ (Genesisi 3:6) Ivona avato kuzwira Mwari. Adhamu na Evha vainga vandhu vainga vasina cishaishi, zvainga zvakareruka kuti vaite zvakanaka. Asi ivona vakakheta kutama kuzwira Jehovha. Povakaita izvi, ivona vakaita cishaishi uye vakalamba kutungamirirwa ngo Umambo wa Mwari. Zvovakakhetari kuita, zvakavaviisira matambujiko akawanda.—Genesisi 3:16-19.
3. Zvakakhethwa ndi Adhamu na Evha zvinotipsasisawo kudini?
Kushaisha kakaita Adhamu na Evha kakavaita kuti vave no cishaishi no vana vavo vavewo naco. Bhaibheri rinoti ngo zva Adhamu: ‘Cishaishi cakapinda munyika no mundhu umwe basi, uye rufu lakapindawo no cishaishi, rufu rikapararira ku vandhu vese.’—VaRoma 5:12.
Hino ngenyi tesitambujika? Nguva jimweni tinotambujika ngo ndava yo zviro zvakashata zvatinokheta kuita. Nguva jimweni tinotambujika ngo ndava yo zviro zvakashata zvinokhethwa kuizwa ngo vamweni. Nguva jimweni tinotambujikazve ngo ndava yo kuti tinonga tiri pandau yakashata no nguva yakashata.—Verenganyi Muparidzi 9:11.
JIJANYI ZVIZINJI
Jijanyi kuti ngenyi tesiti Mwari asiyena unoitisa zvakashata no matambujiko ari munyika mazuva ano. Wonanyizve kuti iyena unozwa kudini patinotambujika.
4. Ndiyani unoitisa matambujiko?
Vandhu vakawanda vanotenda kuti Mwari ndiyena arikutonga nyika. Kubhuya kuti izvi ndizvona here? Wonanyi VHIDHIYO.
Verenganyi Jakobho 1:13 na 1 Johani 5:19, mapeja bhuisananyi ngo muvhunjo unotevera:
-
Mwari ndiyena unoitisa zviro zvakashata no matambujiko here?
5. Wonanyi zvakaviiswa ngo utongi wa Sathana
Verenganyi Genesisi 3:1-6, mapeja bhuisananyi ngo muvhunjo jinotevera:
-
Sathana wakabhuya manyepo okuti kudini? —Wonanyi mavhesi 4 na 5.
-
Sathana wakabhuisa kudini kuti Jehovha urikunyima vandhu zviro zvakanaka?
-
Mukuzwirana no zvakabhuiwa ndi Sathana, kuti vandhu vadakare vanodikana kutungamirirwa ndi Jehovha here?
Verenganyi Muparidzi 8:9, mapeja bhuisananyi ngo muvhunjo unotevera:
-
Zvicinyi zviri kuitika kuvandhu ngo ndava yo kutama kutungamirirwa ndi Jehovha?
-
Adhamu na Evha vainga vandhu vasina cishaishi, uye vairarama mumunda wo Edheni. Asi ivona vakazwira Sathana vopandukira Jehovha.
-
Cishaishi, matambujiko no rufu zvakapararira munyika yese
-
Jehovha unozopeja matambujiko uye cishaishi no rufu. Vandhu vanozovazve vasisina cishaishi, vozorarama Muparadhiso.
6. Jehovha unohwajihwa maningi patinotambujika
Mwari unozwa kudini patinotambujika? Ngatizwe zvakabhuiwa ndi Mambo Dhavhidhi no mupostori Petro. Verenganyi Mapisarema 31:7 na 1 Petro 5:7, mapeja bhuisananyi ngo muvhunjo unotevera:
-
Mavhesi aya anokhombija kuti Jehovha urikuwona matambujiko edu uye unoda kutibesa. Ngenyi zvakanaka kuziva kuti Jehovha unozopeja matambujiko edu?
7. Mwari unozopeja matambujiko ese
Verenganyi Isaya 65:17 na Zvakazarurwa 21:3, 4, mapeja bhuisananyi ngo muvhunjo unotevera:
-
Munozwa kudini ngo kuziva kuti Jehovha unozovhisa zviro zvese zvakashata zviri kuitika munyika?
Maizviziva here?
Sathana paakabhuya manyepo okutanga wakasvipisa zina la Jehovha. Iyena wakaita izvi ngo kubhuya kuti Jehovha asipi mutongi wakanaka ano rudo. Ngo kukasika, Jehovha unozopeja matambujiko ese nokuwonesa kuti Umambo wake ndiwona wakanaka kudarika wese. Izvi pazvisaitika, unozocenesa zina lake kumanyepo ese. Ici ndicona ciro cinokosha kudenga no pasi.—Mateu 6:9, 10.
VAMWENI VANOTI: “Matambujiko muejo jinovha kuna Mwari.”
-
Munotiwo kudini ndizvona?
TAJIJENYI
Tajija kuti Sathana no vandhu vaviri vokutanga Adhamu na Evha, ndivona vakaitisa kuti vandhu vatambujike munyika. Uye tawonawo kuti Jehovha unotida maningi, ngo kukasika unozovhisa matambujiko ese ari munyika.
Muvhunjo Jokuhwirijira
-
Sathana wakabhuya manyepo api kuna Evha?
-
Zvakakhethwa ndi Adhamu na Evha, zvinopsasisawo kudini upenyu wedu?
-
Tinozvizivisa kudini kuti Jehovha unowajiwa patinotambujika?
JIJANYI ZVIMWENI
Bhaibheri rinoti cishaishi icinyi.
Verenganyi ngo zvo shwiro yakamuswa ndi Sathana mu munda wo Edheni.
“Ngenyi Mwari Esitendera Kuti Vandhu Vatambujike?” (Nharireyomurindi,1 ya Janeiro yo 2014)
Wonanyi mupingulo unonyalaja wo muvhunjo unonesa.
Wonanyi kuti mwanarume umweni wakajijenyi ngo matambujiko aaiwona esiitika.
