CIJIJO 33
Umambo wa Mwari Unozoitenyi
Umambo wa Mwari waakutonga kudenga. Kasara nguva doko kuti ucinje zviro zviri munyika. Ngatimbobhuya ngo zviro zvimweni zvakanaka zvatinoemera kuwona kudai Umambo wa Mwari waakutonga munyika.
1. Umambo wa Mwari unozoitenyi kuti kuve no runyararo no ururami?
Jesu, Mambo wo Umambo wa Mwari unozopalaja vandhu vese vanoita zvakashata, no utongi wo vandhu pa hondo yo Amagedhoni. (Zvakazarurwa 16:14, 16) Panozoitika izvi, ndipona panozozajika masoko akathembeswa ngo Bhaibheri okuti: ‘Kasala nguva doko uye vandhu vanoita zvakashata avazovipozve.’ (Mapisarema 37:10) Esishandisa Umambo wa Mwari, Jesu unozoviisa runyararo no ururami munyika yese.—Verenganyi Isaya 11:4.
2. Upenyu unozonga wakadini kudai kuda ka Mwari kukazoitika pasi pano?
Mukutonga ko Umambo wa Mwari ‘Vakarurama vanozogara utaka wo nyika, uye vanozogaremo nokusingaperi.’ (Mapisarema 37:29) Ambolangariranyi mesirarama munyika yokuti vandhu vese vanoda Jehovha, vakarurama uye vanoita zvakanaka! Apana anozowaja uye vandhu vese vanozorarama nokusingaperi.
3. Zvicinyi zvinozoizwa ngo Umambo wa Mwari vandhu vanoita zvakashata vapalajwa?
Panonga papera kupalajwa vandhu vanoita zvakashata, Jesu unozotonga inga Mambo komakore anokwana kuita 1.000. Mukati mo nguva iyi, iyena no vo 144.000 vanozotonga naye, vanozobesa vandhu vari munyika kuti vave vandhu vasina cishaishi. Mukupera ko makore 1.000, nyika yese inozova paradhiso yakanaka uye vandhu vese vanozodakala ngo kuti vanonga veizwira mutemo ya Mwari. Pejisire, Jesu unozohwijisa Umambo uwu kuna Baba vake, Jehovha. ‘Zina la Jehovha rinozoceneswa.’ (Mateu 6:9, 10) Apa ndipona panozonasa kujeka kuti Jehovha Mutongi wakanaka ano unyasha no vandhu vaanotonga. Jehovha unozopalaja Sathana, madhimoni no vandhu vese vanozokheta kulamba kutongwa ngo Umambo wake. (Zvakazarurwa 20:7-10) Zviro zvese zvakanaka zvinonga zvaviiswa ngo Umambo wa Mwari, zvinozolamba zviripo nokusingaperi.
JIJANYI ZVIZINJI
Wonanyi kuti ngenyi tesithemba kuti Mwari unozoshandisa Umambo wake kuti aite zvese zvakathembeswa ngo Bhaibheri ngo zvo lamangwana.
4. Umambo wa Mwari unozopalaja utongi wese wo vandhu
Bhaibheri rinoti: “Mundhu unotonga umweni kuti amutambuje.” (Muparidzi 8:9) Jehovha unozoshandisa Umambo wake kuti apeje zvese zvakashata.
Verenganyi Dhanieri 2:44 na 2 VaTesaronika 1:6-8, mapeja bhuisananyi ngo muvhunjo jinotevera:
-
Zvicinyi zvinozoizwa ndi Jehovha na Jesu ku utongi wo vandhu no vanobesera utongi uwu?
-
Kudai mukalangarira zvese zvomapera kujija ngo zva Jehovha na Jesu, ngenyi mungava no cokwadi cokuti kutonga kavo kunozova kakanaka?
5. Jesu ndi Mambo wakanaka
Ngo kuva kake Mambo wo Umambo wa Mwari, Jesu unozoita zvese zvakanaka kuti abese vandhu vese vari panyika. Wonanyi VHIDHIYO. Vhidhiyo iyi inozokhombija kuti Jesu unoda kubesa vandhu uye Mwari wakamupa simba lokuti azviite.
Zviro zvakaizwa ndi Jesu paainga ari pasi pano, muezaniso wo zviro zvaanozoita inga Mambo wo Umambo wa Mwari. Pamakomborero ese akanyorwa pasi apa, nga api amuri kuwona kuti amunonokera? Verenganyi mavhesi ese aripo anobhuya ngo zvo makomborero akhona.
|
JESU, PAAINGA ARI PASI PANO: |
JESU ARI KUDENGA: |
|---|---|
|
|
|
|
|
|
|
|
6. Umambo wa Mwari unozoviisa lamangwana lakanaka
Umambo wa Mwari unozoita kuti vandhu vave no upenyu wakanakisisa wo vaida kupuwa ndi Jehovha pakutanga. Vandhu vanozorarama nokusingaperi mu paradhiso pasi pano. Wonanyi VHIDHIYO kuti muwone zviri kuizwa ndi Jehovha kuti azajise cinangwa cake esishandisa Mwana wake Jesu.
Verenganyi Mapisarema 145:16, mapeja bhuisananyi ngo muvhunjo unotevera:
-
Munozwa kudini ngo kuziva kuti Jehovha “unozogutisa zvido zvo zviro zvese zvinopona”?
VAMWENI VANOTI: “Kudai tese tikakanda mulangariro yedu pandau imwe, tinozokona kupeja matambujiko ari munyika.”
-
Matambujiko api ari munyika anozopejwa ngo Umambo wa Mwari, asingakoniwi kupejwa ngo utongi wo vandhu?
TAJIJENYI
Tajija kuti Umambo wa Mwari unozoita zvese zvinodiwa ndi Jehovha. Unozocinja nyika yese kuti ive paradhiso yakazara ngo vandhu vanoita zvakanaka, vanonamata Jehovha nokusingaperi.
Muvhunjo Jokuhwirijira
-
Ngazvipi zvinozoizwa ngo Umambo wa Mwari kuti ucenese zina la Jehovha?
-
Zvicinyi zvinotithembesa kuti Umambo wa Mwari unozozajisa zvinothembeswa ngo Bhaibheri?
-
Ngazvipi zvinozoizwa ngo Umambo wa Mwari, zvamuri kulangarira kuti zvamunonokera?
JIJANYI ZVIMWENI
Wonanyi kuti icinyi cinozwi Amagedhoni.
Jijanyi zvinozoitika mu makore 1.000 o kutonga ka Jesu uye paanoperera.
“Zvicinyi Zvinozoitika Pazuva Rokutongwa?” (Nharireyomurindi, 1 ya Setembro yo 2012)
Wonanyi kuti mbhuri jingalangarijisa kudini ngo makomborero anozoviiswa ngo Umambo.
Verenganyi shwiro inoti, “Ndainga no muvhunjo yakawanda yaindinesa” kuti muwone ngo zvo mwanarume umweni waipandukira utongi, wakazoziva gwanja raaizopeja ndirona matambujiko aaiwona.
“Bhaibheri Rinocinja Upenyu” (Nharireyomurindi, 1 ya Janeiro yo 2012)
