CIJIJO 36
Ivanyi Mundhu akagondeka pa Zviro Zvese
Apana mundhu asingadi shamwari yakagondeka. Jehovha anodawo shamwari jakagondeka. Asi zvinonesa ngokuti tiri kurarama mu nyika yakazara ngo matambujiko. Ngenyi zvakanaka kuva mundhu akagondeka pa zviro zvese?
1. Cikonzero cipi cinotiita kuti tive vandhu vakagondeka?
Tikava mundhu akagondeka, tinokhombija kuti tinoda Jehovha uye tinoreremeja. Ambolangariranyi basi: Jehovha unoziva zvese zvatinolangarira no zvatinoita. (VaHebheru 4:13) Iyena anowona patinokheta kuva vakagondeka uye zvinomudakaja. Bhaibheri rinoti: ‘Jehovha unonyenya mundhu unonyepera zvaari, asi ishamwari yo phedo yo vakagondeka.’—Zvirevo 3:32.
2. Tingaitenyi kuti tive vandhu vakagondeka zuva ngo zuva?
Jehovha unoda kuti ‘tibhuye cokwadi kuna umwe nga umwe wedu.’ (Zekariya 8:16, 17) Izvi zvinoda kubhuyenyi? Izvi zvinoda kubhuya kuti, tinodikana kubhuya cokwadi kuno votinoshanda navo, vabereki vedu no hama no hanzvaji jo mu ungano uye no vatongi. Mundhu akagondeka aabi uye aatsotsi vamweni. (Verenganyi Zvirevo 24:28 na VaEfeso 4:28.) Mundhu akagondeka unobhadhara muthero. (VaRoma 13:5-7) Yesu tinodikana kuva vandhu ‘vakagondeka pa zviro zvese.’—VaHebheru 13:18.
3. Ngenyi zvakanaka kuva mundhu akagondeka?
Patinova mundhu akagondeka, tinozothembhwa ngo vamweni. Tikaita izvi, tinozoita kuti vandhu vathembane mu ungano inga mbhuri imwe yo cokwadi. Cimwenizve, tinozova no hana yakacena. Kugondeka kedu, kunoitawo kuti ‘jijiso yo muponesi wedu Mwari ikujwe’ uye zvoitawo kuti vandhu vamweni vade kujija ngo zva Jehovha.—Tito 2:10.
JIJANYI ZVIZINJI
Wonanyi kuti mungabeseswa kudini ngo kuva mundhu akagondeka uye zvingabesa kudini ushamwari wenyu na Jehovha. Wonanyizve kuti mungaitenyi kuti muve mundhu akagondeka pa zviro zvakasiyana siyana mu upenyu.
4. Kuva mundhu akagondeka kunodakaja Jehovha
Verenganyi Mapisarema 44:21 na Maraki 3:16, mapeja bhuisananyi ngo muvhunjo jinotevera:
-
Mukuwona kenyu, munolangarira kuti zvinokwanisika kufishira Jehovha zviro here? Ngenyi madalo?
-
Jehovha unozwa kudini patinokheta kubhuya cokwadi, kunyange zvesinesa?
Vana povanobhuya cokwadi zvinoita kuti majibaba adakare. Patinobhuyawo cokwadi zvinoita kuti Jehovha adakare
5. Ivanyi mundhu akagondeka nguva yese
Vandhu vakawanda vanolangarira kuti azviiti kuva mundhu akagondeka nguva yese. Asi wonanyi kuti ngenyi tinodikana kulamba takagondeka nguva yese. Wonanyi VHIDHIYO.
Verenganyi VaHebheru 13:18, mapeja bhuisananyi kuti tingaitenyi kuti tilambe takagondeka . . .
-
ku mbhuri.
-
ku basa kana kucikora.
-
mu mugariro jimweni.
6. Kugondeka kunotibesa
Nguva imweni kugondeka kunotiita kuti tisangane no matambujiko. Asi kuva mundhu akagondeka ciro cakanaka maningi. Verenganyi Mapisarema 34:12-16, mapeja bhuisananyi ngo muvhunjo unotevera:
-
Kuva mundhu akagondeka kungamubesa kudini?
-
Mwamuna no mukaji vakava vandhu vakagondeka vanovangisa muzi wavo
-
Vashandi vakagondeka vanothembhwa ngo vovanoshandira
-
Vandhu vakagondeka vanoreremejwa ngo vatongi
VAMWENI VANOTI: “Kunyepa padoko nguva imweni akuto kushata.”
-
Ngenyi mesitenda kuti Jehovha unonyenya manyepo ese?
TAJIJENYI
Tajija kuti Jehovha unoda kuti shamwari jake jive jakagondeka pa zviro zvese zvajinobhuya no zvajinoita.
Muvhunjo Jokuhwirijira
-
Tingakhombijisa kudini kuti takagondeka?
-
Ngenyi tisikadiki kulangarira kuti tingakona kufishira Jehovha ciro?
-
Ngenyi munoda kuva akagondeka nguva yese?
JIJANYI ZVIMWENI
Vabereki vangajijisa kudini vana vavo kuti vave vandhu vakagondeka?
Ngenyi zvakanaka kuita zvatinonga tathembesa?
Wonanyi kuti ngenyi tinodikana kubhadhara muthero kunyange isikashandiswi zvakanaka.
‘Ngenyi Tesidika Kubhadhara Muthero?’ (Nharireyomurindi, 1 ya setembro yo 2011)
Zvicinyi zvakaita kuti mwanarume umweni wainga asito kugondeka acinje upenyu wake?
‘Ndakajija Kuti Jehovha Wakanaka Mweyo uye Unoregerera’ (Nharireyomurindi, 1 ya Maio yo 2015)
