CIJIJO 37
Bhaibheri rinoti kudini ngo pamusoro po basa uye mare
Makamboneseka ngo ndava yo basa uye mare here? Azvisi nyore kuwana zvokurarama ndizvona apa tesinamata Jehovha ngo njira yaanoda kuti tinamate. Asi Bhaibheri rinotipa mazano angatibesa.
1. Bhaibheri rinoti kudini ngo pamusoro po basa?
Mwari unoda kuti tidakajwe ngo basa ratinoita. Bhaibheri rinoti ‘apana ciri nane kupinda kuti mundhu adakajwe ngo kushanda kake ngo simba.’ (Muparidzi 2:24) Jehovha unoshanda ngo simba. Tinoda kutevejera Jehovha ngo kuva vashandi vakanaka, tikaita izvi tinodakajisa Jehovha uye nesuwo tinodakalawo.
Kushanda kakanaka. Asi atidikani kusiya kuti basa rinyanye kukosha kupinda kunamata kedu Jehovha. (Johani 6:27) Jehovha unotithembesa kuti, kudai tikaita kuti kunamata kuve pa ndau yokutanga iyena unozotipa zvese zvatinoda kuti tirarame.
2. Bhaibheri rinoti kudini ngo pamusoro po mare?
Bhaibheri rinobhuya kuti ‘mare inotijivirira,’ asi rinotingwajawo kuti mare andiyopi inotiita kuti tive no mudakalo. (Muparidzi 7:12) Ngo zvinoita kuti Bhaibheri ritingwaje kuti tisanyanya kuda mare, asi rinoti ‘dakalanyi ngo zvamunazvo.’ (Verenganyi VaHebheru 13:5.) Kudai tikaita izvi atizoneseki ngo kuti atina zvakawanda zvinotikwanira uye atizovi no magava asina basa. (Zvirevo 22:7) Kunja ka izvi, atizovi no matambujiko anoviiswa ngo kutamba cabutha uye no kupsaka maningi upfumi.
3. Tingashandisa kudini mare kuti tibeserewo vamweni?
Jehovha ndi Mwari anokova, uye tingamutevejerawo ngo ‘kupavo vamweni zvatinazvo.’ (1 Timoti 6:18) Tingaita izvi, ngo kubesa ungano uye no kupawo vanoda kubeswa, asi maningi ningi hama jedu jatinonamata najo. Jehovha aana basa no kuwanda ko zviro zvatinopa, asi cikonzero cinotiita kuti tipe. Kudai tikava vandhu vanopa ngo mweyo wese tinozodakala uye tinodakajisawo Jehovha.—Verenganyi Mabasa 20:35.
JIJANYI ZVIZINJI
Wonanyi kuti ngenyi zvakanaka kuti tikande basa pa ndau yaro uye tikugutsikana ngo zvatinazvo.
4. Ngenyi zvinokosha kuti tive vashandi vakanaka
Ushamwari wedu na Jehovha unotiita kuti tiwone basa inga mawonero aanoriita. Wonanyi VHIDHIYO, mapeja bhuisananyi ngo muvhunjo jinotevera:
-
Mu vhidhiyo iyi, ngazvipi zvamushamisa maningi pa mawonero aiita Jason basa lake?
-
Ngazvipi zvaakaita kuti akande basa pa ndau paro?
Verenganyi VaKorose 3:23, 24, mapeja bhuisananyi ngo muvhunjo unotevera:
-
Ngenyi zvakanaka kuti tive mushandi wakanaka?
Kushanda kakanaka. Asi atidikani kusiya kuti basa rinyanye kukosha kupinda kunamata kedu Jehovha.
5. Kugutsikana ngo zvatinazvo kunotipa mudakalo
Vandhu vakawanda vanoeja kuunganija mare yakawanda. Asi Bhaibheri rinotikurujira kuti tiite zviro zvakasiyana. Verenganyi 1 Timoti 6:6-8, mapeja bhuisananyi ngo muvhunjo unotevera:
-
Bhaibheri rinotikurujira kuti tiitenyi?
Kunyange tino zviro zvishoma, asi tingava vandhu vanodakala. Wonanyi VHIDHIYO, mapeja bhuisananyi ngo muvhunjo unotevera:
-
Icinyi caiita kuti mbhuri iyi idakare, kunyange yainga isina mare yakawanda?
Zvakadini kudai tino mare yakawanda asi tesidazve kuengejera imweni? Jesu wakapa muezaniso wazvo, esibhuya ngo ngozi inozovepo. Verenganyi Ruka 12:15-21, mapeja bhuisananyi ngo muvhunjo unotevera:
-
Majijenyi ngo muezaniso wakabhuiwa ndi Jesu? —Wonanyi vhesi 15.
Verenganyi Zvirevo 10:22 na 1 Timoti 6:10. Mapeja bhuisananyi ngo muvhunjo jinotevera:
-
Ngacipi cinokosha kamuri kudarika cimweni: Kuva no ushamwari na Jehovha kana kuti kuva no mare yakawanda? Ngenyi madalo?
-
Matambujiko api angasangana no mundhu anoda maningi mare?
6. Jehovha unozotipa zvese zvatinoda kuti tirarame
Kuneseka ngo ndava yo mare uye basa, zvingaeja rutendo wedu kuna Jehovha. Wonanyi VHIDHIYO kuti muwone zvamungaita kudai muno zvineso izvi, mapeja bhuisananyi ngo muvhunjo jinotevera:
-
Mu vhidhiyo iyi, idambujiko ripi laisangana no hama iyi?
-
Ngazvipi zvoyakaita kuti inyise dambujiko iri?
Verenganyi Mateu 6:25-34, mapeja bhuisananyi ngo muvhunjo unotevera:
-
Bhaibheri rinothembesenyi kuna vaya vanokanda kunamata pa ndau yokutanga?
VAMWENI VANOTI: “Ndinodikana kushanda ngo simba kuti ndisapote mbhuri yangu. Andingazvikoni kuyenda kumusangano ma vhiki ese.”
-
Ivhesi ipi iri mu Bhaibheri inomuthembesa kuti kukanda pa ndau yokutanga kunamata Jehovha ciro cakanaka?
TAJIJENYI
Tajija kuti basa no mare zviro zvinokosha mu upenyu, asi zviro izvi azvidikani kutikangaija kunamata katinoita Jehovha.
Muvhunjo Jokuhwirijira
-
Zvicinyi zvingamubesa kuti muve no mawonero akanaka ngo pamusoro po basa?
-
Ngenyi tinodikana kudakala ngo zvatinazvo?
-
Mungakhombijisa kudini kuti munothemba zvinobhuiwa ndi Jehovha zvo kuti, unosapota vanamati vake?
JIJANYI ZVIMWENI
Bhaibheri rinobhuya kuti mare ciro cakashata here?
‘Mare Ndiyona Inoviisa Zviro Zvese Zvakashata Here?’ (Mu saiti jw.org)
Wonanyi kuti tingakhombijisa kudini kuti tinokova kuti tidakaje Mwari.
Kutamba cabutha, andori mabungaijo hawo here?
‘Zvinobhuiwa ngo Bhaibheri—Kutamba Cabutha’ (Mukai! wa Março wo 2015)
Wonanyi zvakabesa mwanarume umweni kuti asiye kutamba cabutha no kuba.
‘Ndaidakarira Maningi Mutambo yo Kugogoma ngo Mabhiza’ (Nharireyomurindi, 1 ya Novembro yo 2011)
