CIJIJO 38
Koshesanyi Cipo co Upenyu
Upenyu wakazala ngo zviro zvinodakaja. Kunyange tesisangana no matambujiko, zvinoita kuti tive no mudakalo. Tingakhombijisa kudini kuti tinokoshesa cipo co upenyu? Icinyi cinotiita kuti tikoshese upenyu?
1. Ngenyi tinodikana kukoshesa upenyu?
Tinodikana kukoshesa upenyu, ngokuti iwona cipo catakapuwa ndi Baba vedu vano rudo Jehovha. ‘Kaari ndikona kunovha upenyu’ ngokuti ndiyena wakasika zviro zvese. (Mapisarema 36:9) ‘Jehovha ndiyena unopa vandhu upenyu no mweya wokufema ku zviro zvese.’ (Mabasa 17:25, 28) Mavhesi aya anokhombija kuti Jehovha unotipa zvese zvatinoda kuti tilambe tesirarama. Asi iyena unoita zvakawanda kudarika izvi, iyena unotipa zvese zvatinoda kuti tidakajwe ngo upenyu.—Verenganyi Mabasa 14:17.
2. Tingakhombijisa kudini kuti tinokoshesa cipo catakapuwa ndi Jehovha co upenyu?
Zuva rimweni munamati wa Mwari wo cokwadi anozwi Dhavhidhi, wakaita mukumbiro kuna Jehovha esiti: ‘Majiso enyu akandiwona pondakatanga kururwa.’ (Mapisarema 139:16) Izvi zvinokhombija kuti Jehovha unomukoshesa maningi kuvhira amenyu povakatanga kuva no mimba kuti vabare imwimwi. (Verenganyi Mateu 10:29-31.) Jehovha unokoshesa maningi upenyu zvokuti unowajiwa maningi mundhu paanoulaya umweni wake kana kuzviulaya iyena kamare. a (Eksodho 20:13) Jehovha unowajiwa maningi kudai tikakanda upenyu wedu no upenyu wo vamweni pangozi. Kudai tikangwarira upenyu wedu no kureremeja upenyu wo vamweni, tinonga tesikhombija kuti tinokoshesa cipo ici cakanaka co upenyu.
JIJANYI ZVIZINJI
Wonanyi zvimweni zvamungaita kuti mukhombije kuti munokoshesa cipo ici co upenyu.
3. Ngwariranyi utano wenyu
Inga vanamati va Jehovha, takathembesa kuti taizopira upenyu wedu wese kaari kuti timunamate. Zvakaita inga kuti takatopira muviri wedu inga muripo kuna Mwari. Verenganyi VaRoma 12:1, 2, mapeja bhuisananyi ngo muvhunjo jinotevera:
-
Mukuzwirana no mavhesi aya, zvicinyi zvingamuita kuti mungwarire utano wenyu?
-
Ngazvipi zvimweni zvamungaita kuti mungwarire utano wenyu?
4. Ngwariranyi zviro zvingamuremaza kana kuuraisa vamweni
Bhaibheri rinotivhunja kuti tisaita zviro zvingatikanda pa ngozi. Wonanyi VHIDHIYO kuti muwone kuti ngazvipi zvamungaita kuti muzvingwarire.
Verenganyi Zvirevo 22:3, mapeja bhuisananyi ngo zvamungaita kuti muzvijivirire . . .
-
pa muzi.
-
ku basa.
-
pamunoita mutambo.
-
pamunonga mesicovha karu kana kuti zvifambiso zvimweniwo.
5. Koshesanyi upenyu wo mwana ari mundani
Dhavhidhi wakanyola kuti Jehovha unoziva zvese zvinoitika ku mwana asati abarwa. Verenganyi Mapisarema 139:13-17, mapeja bhuisananyi ngo muvhunjo unotevera:
-
Kuna Jehovha upenyu wo mundhu unotanga paanobarwa mwana here kana kuti amai pavanonga vaano mimba?
Mutemo ya Jehovha yaakapa Vaisraeri kare, yaingwarira amai kubatanijawo no mwana wainga asiri mundani. Verenganyi Eksodho 21:22, 23, mapeja bhuisananyi ngo muvhunjo jinotevera:
-
Jehovha unowona kudini ngo pamusoro po mundhu unovha mimba ngo ndava yo ngozi?
-
Jehovha unozwa kudini mundhu paanovhisa mimba ngo kuda kake? b
-
Iyemwiwo munoti kudini ngo mawonero anoita Jehovha shwiro iyi?
Kunyange mwanakaji unotozviziva kamare kuti upenyu unokosha maningi kuna Mwari, ungatoguma pa kulangarira kuti kuvhisa mimba kuri nane. Verenganyi Isaya 41:10, mapeja bhuisananyi ngo muvhunjo jinotevera:
-
Kudai mwanakaji esivangirijwa kuti avhise mimba, unodikana kupsaka besero kunaani? Ngenyi madalo?
VAMWENI VANOTI: “Mwanakaji wese unotenderwa kuvhisa mimba ngokuti muviri ngo wake.”
-
Zvicinyi zvinoita kuti mutende kuti Jehovha unokoshesa upenyu wa amai pamwepo no wo mwana asiri mundani?
TAJIJENYI
Tajija kuti Bhaibheri rinotijijisa kuti tide, tikoshese uye tireremeje upenyu, ngokuti iwona cipo cinokosha cotakapuwa ndi Jehovha, izvi zvinobatanija upenyu wedu no upenyu wo vamweni.
Muvhunjo Jokuhwirijira
-
Ngenyi upenyu wo vandhu unokosha maningi kuna Jehovha?
-
Jehovha unozwa kudini kudai mundhu akazviulaya kana kuulaya mundhu umweni?
-
Ngenyi iyemwi mesikoshesa cipo ici co upenyu?
JIJANYI ZVIMWENI
Tingakhombijisa kudini kuti tinotenda Jehovha ngo cipo caakatipa co upenyu?
Wonanyi mupingulo wo muvhunjo unoti, Mwari unoregerera mwanakaji wakambovhisa mimba here?
‘Bhaibheri Rinoti Kudini ngo zvo Kuvhisa Mimba?’ (Mu saiti jw.org)
Wonanyi kuti mawonero anoita Jehovha upenyu angamubesa kudini pa kukheta mabungaijo.
“‘Mungakanda Upenyu Wenyu Pangozi ngo Ndava yo Mutambo Here?” (Mukai! 8 wa Outubro wo 2000)
Kudai imwimwi mesilangarira kuzviulaya, wonanyi kuti Bhaibheri ringamubesa kudini.
‘Ndiri Kulangarira Kuzviulaya—Bhaibheri Ringandibesa Here?’ (Mu saiti jw.org)
a Jehovha unozwisisa kuwajiwa kunonga kesiita mundhu anonga esida kuzviulaya uye iyena unoda kumubesa. (Mapisarema 34:18) Jehovha unokoshesa maningi vaya vakavora mweyo. Kuti muwone kubesa kunoita Jehovha kuna vaya vanomulangariro wokuda kuzviulaya verenganyi pakazwi: “Ndiri Kulangarira Kuzviulaya—Bhaibheri Ringandibesa here?” Pa divi rinoti jijanyi zvimweni.
b Mwanakaji wakambovhisa mimba aadikani kugara akanyangajwa ngo ndava yo cishaishi caakaita kare ngokuti Jehovha unokona kumuregerera. Kuti muzive masoko akawanda verenganyi divi rinoti jijanyi zvimweni, pa musoro unoti: “Bhaibheri rinoti kudini ngo zvo kuvhisa mimba?”
