CIJIJO 39
Mawonero a Mwari ngo zvo Ngaz
Ngazi inokosha maningi. Notainga tisina ngazi atisaida kurarama. Mwari ndiyena unodika kutivhunja kuti tingashandisa kudini ngazi ngokuti ndiyena akatisika. Jehovha unoti kudini ngo pamusoro po ngazi? Kubhuya kuti tinodika kurhya ngazi kana kuti kuengejerwa ngazi patinonga tesirapwa? Tingaitenyi kuti tikhete kuita zvakanaka pa shwiro iyi?
1. Jehovha unowona kudini ngazi?
Jehovha wakavhunja vanamati vake vo kare kuti: ‘Upenyu wo zvinyama zvese uri pa ngazi.’ (Revhitiko 17:14) Kuna Jehovha, ngazi inoemerera upenyu. Kudai upenyu wesikosha ngazi inokoshawo.
2. Mashandisirwe api o ngazi anolambijwa ndi Mwari?
Isati yaumbwa ungano yo Cikristu, Jehovha wakavhunja vanamati vake kuti vasarhya ngazi. (Verenganyi Genesisi 9:4 na Revhitiko 17:10.) Yapera kuumbwa ungano yo Cikristu, Jehovha wakaphindazve mutemo wonawo ku Vakristu. Dare Rinotungamirira lakapa ndhungamiriro inoti ‘lambanyi mesiregera ngazi.’ Verenganyi Mabasa 15:28, 29.
Zvinoda kubhuyenyi kuregera ngazi kana kuti kulamba ngazi? Kudai medhiko akamuvhunja kuti musiye kumwa doro, iyemwi maizosiya kurimwa asi zvona! Zvaizonga zvakanaka here kurhya zviro zvino doro kana kukandhwa doro mu mujira? Kunasa kubhuya azvisaizova zvakanaka ngokuti muviyo waizova umwewo. Mukutojanawo, mutemo wa Mwari wokuti lambanyi mesiregera ngazi, unobhuya kuti atidikani kumwa ngazi kana kurhya nyama isito kuvhiswa ngazi. Uye atidikani kurhya ciro cese cakabikwa no ngazi.
Tingati kudini ngo pamusoro po mutombo yo kulapwa ndiyona inoshandisa ngazi? Mutombo imweni yokulapa aipindirani no mutemo wa Mwari. Mashandisirwe aya o ngazi, anobatanija kukandhwa ngazi yese kana kuti mativi ayo amweni, mativi aya anobatanija ma serura okupsuka, ma serura okucena, ma paraketa no ma plasma. Asi malapirwe amweni aato kunasa kujeka kuti, tinophwanya mutemo wa Mwari kana kuti haiwa. Inga muezaniso, nguva imweni panoshandiswa mativi madoko o ngazi anovhiswa pa zviro zvidoko zvinoumba ngazi. Malapirwe amweni ngo okushandisa ngazi yoarikuwajalo. Patinokheta zvokuita, umwe nga umwe unodikana kuzvikhetera ega. a VaGaratiya 6:5.
JIJANYI ZVIZINJI
Wonanyi kuti mungakhetesa kudini malapirwe amungaizwa kudai pakada kushandiswa ngazi.
3. Khetanyi malapirwe anodakaja Jehovha
Mungaitenyi kuti mukhete malapirwe anoenderana no mawonero a Mwari ngo pamusoro po ngazi? Wonanyi VHIDHIYO, mapeja bhuisananyi ngo zvo kukosha kokushandisa mafundo anotevera:
-
Itanyi mukumbiro mesikumbira ruzivo. —Jakobho 1:5.
-
Psakisisanyi mazano o mu Bhaibheri uye wonanyi kuti mungamashandisisa kudini.—Zvirevo 13:16.
-
Psakanyi kuziva malapirwe anonyanya kushandiswa kamunogararo.
-
Wonanyi kuti nga api malapirwe amusikadi.
-
Khetanyi zvinosiya hana yenyu yakacena.—Mabasa 24:16. b
-
Zivanyi kuti apana unodikana kumukhetera zvokuita ngo pamusoro po hana yenyu, izvi zvinobatanijawo, mwamuna wenyu, mukaji wenyu, mukuru wo ungano kana kuti mundhu ari kumujijisa Bhaibheri, aadikani kumukhetera zvokuita.—VaRoma 14:12.
-
Nyoreranyi zvamunonga makheta.
4. Zvapupu zva Jehovha zvinoda malapirwe akanaka
Zvinoita kuti mundhu azive mutemo ya Mwari, ngo pamusoro po ngazi, uye olapwa zvakanaka pasingashandiswi ngazi. Wonanyi VHIDHIYO.
Verenganyi Tito 3:2, mapeja bhuisananyi ngo muvhunjo unotevera:
-
Ngenyi tinodikana kubhuya zvino nderemejo uye no kuva vandhu vakapfava patinobhuya no ma medhiko?
|
Zvisingatendwi ngo Vakristu |
Zvinokhethwa ngo Mukristu umwe nga umwe |
|---|---|
|
Ma plasma. |
Zvimativi zvidoko zvinovhiswa pa plasma |
|
Ma serura okucena. |
Zvimativi zvidoko zvinovhiswa pa ma serura okucena |
|
Ma paraketa. |
Zvimativi zvidoko zvinovhiswa pa ma paraketa |
|
Ma serura okupsuka. |
Zvimativi zvidoko zvinovhiswa pa ma serura okupsuka |
5. Kudai iri shwiro yo mativi madoko o ngazi zvikheterenyi
Ngazi inomativi malongomuna anoti: Ma serura okupsuka, ma serura okucena, ma paraketa no ma plasma. Mativi malongomuna aya akapaurwa paurwa kuva mativi madoko, anodanijwa kuti zvimativi zvidoko zvo ngazi. c Mativi amweni o zvimativi zvidoko zvo ngazi angashandiswa inga mutombo wo kulapa ndhendha kana kuemesa ngazi iri kubuda.
Kudai iri shwiro yo zvimativi zvidoko zvo ngazi, Mukristu umwe nga umwe, unodikana kuzvikhetera ega, zvinoenderana no zvakajijiswa hana yake ngo Bhaibheri. Nguva imweni, vamweni vangalamba malapirwe amweni angada kushandisa zvimativi zvidoko zvo ngazi, asi vamweni hana javo jinovatendera.
Pamunonga mesikheta kuti moita zvipi, langariranyi ngo zvo muvhunjo unotevera:
-
Ndingaitisa kudini kuti medhiko ajekerwe ngo cikonzero cinondiita kuti nditende kana kulamba zvimativi zvimweni zvidoko zvo ngazi?
VANDHU VAMWENI VANGAMUVHUNJISA KUTI: “Zvakashatira papi kuengejerwa ngazi?”
-
Maizovadavirisa kudini?
TAJIJENYI
Tajija kuti Jehovha unoda kuti tikoshese ngazi.
Muvhunjo Jokuhwirijira
-
Ngenyi ngazi inokosha kuna Jehovha?
-
Tinozvizivisa kudini kuti mutemo wa Mwari wokuti tisiye kushandisa ngazi, unobatanijawo kuregera kukandhwa ngazi?
-
Tingakhetesa kudini zvakanaka, pa shwiro yo kulapwa kudai pangada kushandiswa ngazi?
JIJANYI ZVIMWENI
Ngazvipi zvamunodikana kulangarira musati makheta kuti munotendera kulapwa pesishandiswa ngazi yenyu here?
“Muvhunjo Inovha ku Vaverengi” (Nharireyomurindi, 15 ya Outubro yo 2000)
Ngazvipi zvamunodikana kutanga malangarira musati makheta kuti mungatenda zvimativi zvidoko zvo ngazi here kana kuti haiwa?
“Muvhunjo Inovha ku Vaverengi” (Nharireyomurindi, 15 ya Junho yo 2004)
Zvicinyi zvakaita kuti medhiko umweni atende mutemo ya Jehovha pa shwiro yo ngazi?
“Ndakatendera Mawonero a Mwari ngo zvo Ngazi” (Mukai! 8 wa Dezembro wo 2003)
Wonanyi kuti vakuru vanoshanda mu Dare Rakabatana no Cipitari, vanobesera kudini hama no hanzvaji.
b Wonanyi ndima 5, panobhuya kuti “Mashandisirwe o zvimativi zvidoko zvo ngazi.” Nasanyi Kuzwisisa 3, panobhuya ngo “Malapirwe angadikana kudai pakada kushandiswa ngazi.”
c Ma medhiko amweni anoshandisa soko lokuti zvimativi zvidoko zvo ngazi, vesibhuira mativi malongomuna makuru o ngazi. Ngo ndava yazvo, munodika kuva no cokwadi cokuti medhiko wenyu, unonasa kuzwisisa kuti iyemwi amutendi ngaziyo kamare no mativi malongomuna akadai inga: Ma serura okupsuka, ma serura okucena, ma paraketa no ma plasma.
