CIJIJO 41
Bhaibheri Rinoti Kudini ngo zvo Vatano?
Vandhu vakawanda avazvizwi vakasununguka kubhuya ngo zvo vatano. Bhaibheri arikhoni-khoni parinobhuya ngo zvo vatano, asi rinozvibhuya ngo nderemejo. Asi zvarinobhuya zvinotibesa maningi. Izvi zvino musoro ngokuti Jehovha ndiyena Musiki wedu, yena anoziva zvakatinakira. Yena anotivhunja zvatinodika kuita kuti timudakaje, no zvinozotibesa kuti tidakare nokusingaperi.
1. Jehovha unowona kudini ngo zvo vatano?
Kuvatana icipo cinovha kuna Jehovha. Vatano ciro cinoizwa basi ngo mwanarume no mwanakaji vakanyoresa mucato. Ruvatano ariizwi basi kuitira kubara vana, asi rinoizwawo kuitira kukhombijirana rudo wo vandhu vakacata. Soko la Mwari rinoti: ‘Dakajwayi ngo mukaji wo ujaha wako.’ (Zvirevo 5:18, 19) Jehovha unoda kuti mwamuna no mukaji vave vakagondeka ka umwe na umwe wavo, ngo ndava yazvo, Vakristu avadikani kuita upombwe.—Verenganyi VaHebheru 13:4.
2. Icinyi cinozwi uhure?
Bhaibheri rinotivhunja kuti ‘vaya vanoita uhure . . . avazogari utaka wo Umambo wa Mwari.’ (1 VaKorinde 6:9, 10) Soko lo Cigiriki rinoshandiswa mu Bhaibheri lokuti uhure, i por·neiʹa. Gama iri rinobatanija (1) kuvatana ko vandhu a vasito kuita mucato, (2) kuvatana ko mwanarume no mwanarume uye mwanakaji no mwanakaji, (3) kuvatana no cinyama kana kuti zvimweniwo. Kudai “tikaregera kuita uhure, tinodaja Jehovha uye no kuzvibesawo yesu pa cedu kamare.”—1 VaTesaronika 4:3.
JIJANYI ZVIZINJI
Jijanyi zvamungaita kuti musaita uhure no upombwe. Wonanyizve kuti zvakanakirenyi kuti tilambe tino tsika jakanaka.
3. Tizanyi kuita zvo uhure
Bhaibheri rinobhuya kuti mwanarume umweni wainga akagondeka anozwi Josefa, wakaita zvese zvaaikona kuti alambe ano tsika jakacena. Verenganyi Genesisi 39:1-12, mapeja bhuisananyi ngo muvhunjo jinotevera:
-
Icinyi cakaita kuti Josefa atize? —Wonanyi vhesi 9.
-
Munolangarira kuti zvakaizwa ndi Josefa zvakanaka here? Ngenyi madalo?
Majaha no vasikane vangatevejeresa kudini Josefa, votiza kuita zvo uhure? Wonanyi VHIDHIYO.
Jehovha unoda kuti tese tisaita uhure. Verenganyi 1 VaKorinde 6:18, mapeja bhuisananyi ngo muvhunjo jinotevera:
-
Zvicinyi zvingaita kuti mundhu aite uhure?
-
Iyemwi mungaitenyi kuti muregere kuita uhure?
4. Iyemwi munganyisa muejo
Zvicinyi zvingatinesa kuti tikunde muejo jokuita uhure? Wonanyi VHIDHIYO, mapeja bhuisananyi ngo muvhunjo unotevera:
-
Mu vhidhiyo iyi, hama imweni yakawona kuti mulangariro wayo no zviito, zvaizoita kuti isagondeka ku mukaji wayo. Zvicinyi zvoyakaita poyakazviwona?
Nguva imweni Vakristu vakagondeka vangatodika kurwisana no mulangariro yakashata. Zvicinyi zvingamubesa kuti musagala no mulangariro yakashata? Verenganyi VaFiripi 4:8, mapeja bhuisananyi ngo muvhunjo jinotevera:
-
Zviro zvipi zvatinodika kulangarira?
-
Kuverenga Bhaibheri no kubatikana mu basa lokuparijira, kungatibesesa kudini kuti tinyise muejo?
5. Mutemo ya Jehovha inotibesa
Jehovha unonasa kuziva zvakatinakira. Iyena unotijijisa kuti tilambe tino tsika jakanaka, uye kuita izvi kunotibesa kudini. Verenganyi Zvirevo 7:7-27 uye wonanyi VHIDHIYO, mapeja bhuisananyi ngo muvhunjo jinotevera:
-
Mujaha anobhuiwa mu mavhesi aya, wakazvikandisa kudini pamuejo?—Verenganyi Zvirevo 7:8, 9.
-
Maererano na Zvirevo 7:23, 26, uhure unoviisa matambujiko akawanda. Kugala tino tsika jakanaka kunotijivirira pamatambujiko api?
-
Kugala tino tsika jakanaka, kungatibesa kudini kuti tirarame nokusingaperi?
Vandhu vamweni vanolangarira kuti zvinobhuiwa ngo Bhaibheri ngo pamusoro pokuita uhure ko mwanarume no mwanarume, mwanakaji no mwanakaji azvikhombiji rudo. Asi Jehovha Mwari wo rudo unoda kuti tidakare nokusingaperi. Asi kuti tidakare nokusingaperi, tinodikana kurarama maererano no zvaanobhuya kuti ndizvona zvakanaka. Verenganyi 1 VaKorinde 6:9-11, mapeja bhuisananyi ngo muvhunjo unotevera:
-
Kubhuya kuti mawonero a Jehovha, ngo pamusoro po kuvatana kunoizwa ngo mwanarume no mwanarume, mwanakaji no mwanakaji ndicona cega cido cakashata catinodikana kusiya kuita here?
Kuti tidakaje Mwari tinodikana kuita cinjo mu upenyu. Kuvangisira kunokosha here? Verenganyi Mapisarema 19:8, 11, mapeja bhuisananyi ngo muvhunjo jinotevera:
-
Munolangarira kuti mutemo ya Jehovha ingatibesa here? Ngenyi madalo?
Jehovha wakabesa vandhu vakawanda kuti vazwire mutemo yake ngo pamusoro po tsika. Iyena ungamubesawo
VAMWENI VANOTI: “Kuvatana kunoizwa ngo vandhu vaviri vanodanana akuto kushata.”
-
Iyemwiwo munoti kudini?
TAJIJENYI
Tajija kuti kuvatana cipo cinovha kuna Jehovha, caanoda kuti ciizwe ngo vandhu vakacata.
Muvhunjo Jokuhwirijira
-
Kuita uhure kunobatanija cinyi no cinyi?
-
Zvicinyi zvingatibesa kuti tisaita uhure?
-
Ngenyi kuzwa mutemo ya Jehovha zvakatinakira?
JIJANYI ZVIMWENI
Wonanyi kuti ngenyi zvakanaka kuna Mwari kuti mwanarume no mwanakaji vanogala vese vave vandhu vakacata.
Kunyange Bhaibheri resibhuya ngo zvo kuvatana ko mwanarume no mwanarume, mwanakaji no mwanakaji kuti zvakashata. Wonanyi kuti azvidi kubhuya kuti yesu tinozonda vandhu ava.
‘Zvakashata Here Kurovorana ko Mwanarume no Mwanarume uye Mwanakaji no Mwanakaji?’ (Mu saiti jw.org)
Jijanyi ngo kujivirira kunoita mutemo ya Mwari ngo pamusoro po vatano.
“Kuvatana ngo Mukanwa Kungazwi Ivatano Here?” (Mu saiti jw.org)
Verenganyi shwiro inoti “Ivona Vakandibata ngo Nderemejo,” wonanyi kuti zvicinyi zvakabesa mwanarume umweni waivatana no mwanarume umweni, kuti acinje upenyu wake kuti adakajise Mwari.
“Bhaibheri Rinocinja Upenyu” (Nharireyomurindi, 1 ya Abril yo 2011)
a Izvi zvinobatanija maitire akawanda akashata, akadai inga kuita vatano kamare, kuita vatano ngo mukanwa, kuita vatano ngo kunobuda svina uye kubatana-batana ndhengo jokubala ndijona.
