CIJIJO 42
Bhaibheri Rinobhuenyi ngo Kurovora no Kutama Kurovora?
Vandhu vanolangarira kuti azviiti kuti mundhu adakare mu upenyu, asito kurovora kana kurovorwa. Asi, asi vese vakarovora vanodakala, uye asi vese vasito kurovorwa vasingadakari. Asi cokwadi nga ici, Bhaibheri rinobhuya kuti kuregera kurovora no kurovorwa zvese zvipo zvinovha kuna Jehovha.
1. Ngazvipi zvakanakira kuregera kurovora?
Bhaibheri rinoti: ‘Wiya anorovora unoita zvakanaka, asi wiya asingarovori unoita zvakanakisisa.’ (Verenganyi 1 VaKorinde 7:32, 33, 38.) Zvinobhuyenyi kuti mundhu asito kurovora kana kurovorwa unoita ‘zvakanakisisa’? Zvinoda kubhuya kuti, Vakristu vasito kurovora kana kurovorwa, avaneseki ngo ndava yo zviro zvinodiwa zvo mwamuna no zvinodiwa zvo mukaji. Ngo kudalo, ivona vano nguva yakawanda yo kuita zvavanoda, ivona vangashandisa nguva yavo kuti vaite zvakawanda mu basa rokuparijira. Pamweni paya, vangatoenda kunyika jimweni kuti vooparijira masoko akanaka. Cimwenizve ivona vano nguva yakawanda kuti vavangise ushamwari wavo na Jehovha.
2. Zvakanakirenyi kuti tirovorane zviri pamutemo?
Kurovora no kuregera kurovora zvese pano po zvakanakira. Bhaibheri rinoti ‘vaviri vari nane kupinda umwe.’ (Muparidzi 4:9) Ici icokwadi, maningi ningi ku Vakristu vanoshandisa ndhungamiriro jo Bhaibheri mu mucato yavo. Kudai mwamuna no mukaji vakanyoresa mucato wavo, ivona vanonga vaita mbhiko yo kuti, vanozodanana, kureremejana uye no kucengetana. Izvi zvinoita kuti vagare vakangwaririka kupinda vaya vanogara vese vasito kunyoresa mucato. Kunyoresa mucato kunoita kuti vana varerwe zvakanaka.
3. Jehovha unowona kudini rovorano?
Jehovha paakaitisa mucato wo vandhu vaviri vokutanga, iyena wakati: ‘Mwanarume unozosiya abake na amake iyena unozobatana no mukaji wake.’ (Genesisi 2:24) Jehovha unoda kuti mwamuna no mukaji vadanane uye vagare vese ko upenyu wavo wese. Jehovha unotendera kuti valambane kudai umwe wavo akaita upombwe. Pakadai Jehovha unopa mukana kuna wiya asito kuita upombwe kuti akhete kuti unoda kulambana kana kuti haiwa. a (Mateu 19:9) Jehovha aatenderi barika, iyena unoda kuti mwanarume ave no mukaji umwe, uye mwanakaji avewo no mwamuna umwe.—1 Timoti 3:2.
JIJANYI ZVIZINJI
Wonanyi kuti vandhu vasito kucata no vakacata vangaitenyi kuti vadakare uye vadakajise Jehovha.
4. Vakarovora no vasito kurovora vangaitenyi kuti vashandise zvakanaka upenyu wavo
Jesu waiwona kutama kurovora no kutama kurovorwa inga zvipo zvakanaka. (Mateu 19:11, 12) Verenganyi Mateu 4:23, mapeja bhuisananyi ngo muvhunjo unotevera:
-
Jesu wakashandisa kudini cipo caainga naco cokutama kurovora kuti aitire zvakawanda Abake, no kubesawo vamweni?
Vakristu vasito kurovora kana kurovorwa, vangaitawo zvakatojana no zvakaizwa ndi Jesu. Wonanyi VHIDHIYO, mapeja bhuisananyi ngo muvhunjo unotevera:
-
Mukristu asito kurovora kana kurovorwa ungashandisa kudini rusununguko lake kuti aitire Jehovha zviro zvakawanda?
Maizviziva here?
Bhaibheri aribhuyi kuti tinodikana kurovora kana kurovorwa taanomakore mangana. Asi rinotivhunja kuti tinodikana kuemera mbhera “nguva yo kuyaruka idarike.” Ngokuti inguva yokuti cido cokuda kuita zvo vatano cinonga cakakura maningi zvokuti cingaguma pakuita kuti mundhu asanasa kukheta wo kurovorana naye.—1 VaKorinde 7:36.
5. Nasanyi kukheta wamunoda kurovorana naye
Kukheta mundhu wokurovorana naye ciro cinokosha maningi mu upenyu. Verenganyi Mateu 19:4-6, 9, mapeja bhuisananyi ngo muvhunjo unotevera:
-
Ngenyi Mukristu aadikani kukasika kurovora kana kurovorwa?
Bhaibheri ringamubesa kuti muzive zvamunodika kuwona pa mundhu wamunoda kurovorana naye. Asi cinonyanya kukosha pa zviro zvamunodika kuwona, ngo cokuti unoda Jehovha here kana kuti haiwa. b Verenganyi 1 VaKorinde 7:39 na 2 VaKorinde 6:14. Mapeja bhuisananyi ngo muvhunjo jinotevera:
-
Ngenyi tinodikana kurovorana no mundhu anonamata Jehovha basi?
-
Kudai tikarovorana no mundhu asinganamati Jehovha, munolangarira kuti Jehovha unozwa kudini?
Kana zvinyama zviviri zvakasiyana zvikasungwa pamwepo, izvona zvinowajiwa. Mukufanawo, kudai Mukristu akarovorana no mundhu asikanamati Jehovha iyena unozosangana no matambujiko akawanda maningi
6. Wonanyi mucato inga mawonerwe aunoizwa ndi Jehovha
Mu nguva yokare, Vaisraeri vamweni vailamba vakaji vavo pasina ndava iripo, asi vaida basi zvakavanakira. Verenganyi Maraki 2:13, 14, 16, mapeja bhuisananyi ngo muvhunjo unotevera:
-
Ngenyi Jehovha unonyenya vandhu vanolambana ngo zvikonzero zvisimo mu Bhaibheri?
Upombwe no kulambana zvinowajisa mundhu anonga ashaishirwa kubatanijawo no vana
Wonanyi VHIDHIYO, mapeja bhuisananyi ngo muvhunjo unotevera:
-
Kudai makarovora kana kurovorwa ngo mundhu asikanamati Jehovha, zvicinyi zvamungaita kuti mudakare mu mucato wenyu?
7. Shandisanyi zvinobhuiwa ndi Jehovha ngo pamusoro po mucato
Vandhu vamweni vangatoda kushanda ngo simba kuti vashandise ndhungamiriro ja Jehovha ngo pamusoro po mucato. c Asi Jehovha unokomborera vanoita izvi. Wonanyi VHIDHIYO.
Verenganyi VaHebheru 13:4, mapeja bhuisananyi ngo muvhunjo jinotevera:
-
Mukuwona kenyu, munolangrira kuti zvinoita here kushandisa ndhungamiriro ja Jehovha ngo pamusoro po mucato? Ngenyi madalo?
Mu nyika jakawanda vatongi vanoda kuti vandhu vanyorese mucato povanorovorana, uye vapfutise povanolambana. Jehovha unoda kuti Vakristu vazwire mutemo yake. Verenganyi Tito 3:1, mapeja bhuisananyi ngo muvhunjo unotevera:
-
Kudai makarovora kana kurovorwa, muno cokwadi cokuti rovorano yenyu yakanyoreswa kana kuti inozihwa ngo vatongi here?
KUDAI VANDHU VAMWENI VAKAMUVHUNJISA KUTI: “Ngenyi tinodikana koonyoresa mucato? Atingagari hedu tese zvakadaro?”
-
Maizovadavirisa kudini?
TAJIJENYI
Tajija kuti kurovora no kutama kurovora zvese zvipo zvinovha kuna Mwari. Tajijazve kuti vakarovora no vasito kurovora vese vangadakara kudai vakararama mukuzwirana no kuda ka Jehovha.
Muvhunjo Jokuhwirijira
-
Mundhu ungashandisa kudini nguva yake zvakanaka asati arovora kana kurovorwa?
-
Ngenyi Bhaibheri resibhuya kuti tinodikana kurovorana no mundhu anonamata Jehovha?
-
Cikonzero cipi cinobhuiwa mu Bhaibheri cingaita kuti vandhu valambane?
JIJANYI ZVIMWENI
Zvinoda kubhuyenyi kuti kurovora kana kurovorwa “munaShe basi”?
“Muvhunjo Inovha Kuvaverengi” (Nharireyomurindi, 1 ya Julho yo 2004)
Wonanyi vhidhiyo mbiri doko jino mazano anomubesa kukheta wokudisana naye uye kakucata.
Wonanyi kuti ngenyi hama imweni inolangarira kuti Jehovha wakaipa zviro zvakanaka maningi kupinda zvoyakasiya sure.
Kudai mundhu esilangarira kulambana kana kusiyana, zvicinyi zvaanodikana kuziva?
“Reremejanyi Zvakasungwa ndi Mwari” (Nharireyomurindi, ya Dezembro yo 2018)
a Wonanyi: Nasanyi kuzwisisa 4 panobhuya ngo zvo kulambana ko mwamuna no mukaji pasina upombwe.
b Mu nyika jimweni, vabereki ndivona vanokhetera mwana wavo mundhu wokurovorana naye. Pakadai vabereki vano rudo vanodikana kusotesesa mundhuwo kuti unoda Jehovha kana kuti haiwa. Kusiripi kusotesesa kuti uno mare here kana kuti uno nduma.
c Kudai makarovorana no mundhu wokuti amuto kunyoresa mucato naye, zviri kamuri kuti munoda kulambana here kana kuti munoda kunyoresa naye mucato.
