CIJIJO 43
Vakristu Vanowonesa Kudini Doro?
Kutenderera pasi pese, vandhu vano mawonero akasiyana pashwiro yokumwa doro. Vamweni vanodakarira kumwa doro pavanonga vano shamwari javo. Asi vamweni vanokheta kuregera kumwa doro. Kuvamweni vanomwa mbhera pakudhakwa. Asi Bhaibheri rinobhuyenyi ngo pamusoro po doro?
1. Kumwa doro kakashata here?
Bhaibheri aribhuyi kuti kumwa kakashata. Asi ilona rinobhuya kuti: ‘Doro rinodakaja mweyo wo vandhu.’ Doro rinobatanijwa pa zvipo zvakawanda zvotakapuwa ndi Mwari. (Mapisarema 104:14, 15) Vanarume no vanakaji vakagondeka vanobhuiwa mu Bhaibheri vaimwawo doro.—1 Timoti 5:23.
2. Mazano api anobhuiwa mu Bhaibheri kuna vaya vanokheta kumwa doro?
Jehovha anoshora kumwa maningi doro uye kudhakwa. (VaGaratiya 5:21) Bhaibheri rinoti: ‘Usabatana na vaya vanomwa maningi doro.’ (Zvirevo 23:20) Ngo kudalo, kudai tikakheta kumwa doro, tinodikana kurimwa ngo gwanja lakanaka kunyange patinonga tiri tega. Kumwa maningi doro kunoita kuti mundhu asalangarira zvakanaka, asalanagarira zvaanoda kubhuya no zvanoda kuita, uyezve doro ringakanganisa mararamire edu. Kudai tisikakoni kuzvibata pakumwa doro, zviri nane kuregera kurimwa.
3. Tingareremejesa kudini zvinokheta vamweni ngo pamusoro po doro?
Mundhu umwe nga umwe ngaanokheta ega kuti unoda kumwa doro kana kuti haiwa. Atidikani kutonga mundhu anoda hake kumwa doro zviri pakati no pakati uye atidikaniwo kuvangirija mundhu kuti amwewo doro iyena asingadi hake. (VaRoma 14:10) Tingakheta kuregera kumwa doro, kudai kumwa kedu kesikanganisa vamweni. (Verenganyi VaRoma 14:21.) Yesu atipsaki ‘zvakatinakira basi, asi tinopsakawo zvakanakira vamweni.’—Verenganyi 1 VaKorinde 10:23, 24.
JIJANYI ZVIZINJI
Wonanyi mazano ari mu Bhaibheri angamubesa kuti mukhete kumwa doro kana kuregera kurimwa. Wonanyizve zvamungaita kudai muno cineso cokumwa maningi doro.
4. Khetanyi kuti munoda kumwa doro here kana kuti kuregera
Jesu waiwonesa kudini shwiro yokumwa doro? Mushamiso wa Jesu wokutanga unotibesa kuwana mupingulo. Verenganyi Johani 2:1-11, mapeja bhuisananyi ngo muvhunjo jinotevera:
-
Mushamiso uwu, unotibesa kudini kuziva mawonere a Jesu ngo pamusoro po kumwa doro uye na wiya anokheta kurimwa?
-
Jesu aato kubhuya kuti kumwa doro kakashata, Mukristu anodika kulangarirenyi ngo pamusoro po mundhu anokheta kumwa doro?
Sezvo doro arirambijwi, izvi azvibhuyi kuti Mukristu anodika kundorimwa. Verenganyi Zvirevo 22:3, mapeja bhuisananyi ngo mafundo anotevera kuti angabatana papi no zvamunokheta:
-
Munoda kucovha karu here kana munoda kushanda no mucini unoremaza.
-
Muno mimba here.
-
Medhiko wakamuvhunja kuti musamwa doro here.
-
Zvinomunesa kuziva mudida wokumwa doro here.
-
Mutemo wo munyika ya munogalaro unomutendera kuti mumwe doro here.
-
Muri kugara no mundhu wokuti wakakheta kuregera kumwa doro ngo kuti wakambosangana no zvineso ngo kurimwa here.
Pamucato kana pamutambo wenyu munoda kuti pave no doro here? Kuti mukhete kuita zvakanaka, wonanyi VHIDHIYO.
Verenganyi VaRoma 13:13 na 1 VaKorinde 10:31, 32. Mapeja kuverenga vhesi imwe nga imwe bhuisananyi ngo muvhunjo uwu:
-
Kushandisa mazano aya kungamubesa kudini kuti mukhete zvinodakaja Jehovha?
Mukristu umwe nga umwe ungakheta ega kuti unoda kumwa doro here kana kuti haiwa. Azvinenyi kuti nguva imweni waimbomwa, asi nguva imweni ungakheta kuregera kumwazve
5. Khetanyi kumwa zvino mudida
Kudai mukakheta kumwa doro, langariranyi kuti: Jehovha aarambiji kumwa doro asi iyena anorambija kumwa mbhera pakudhakwa. Ngenyi? Verenganyi Hosiya 4:11, 18, mapeja bhuisananyi ngo muvhunjo unotevera:
-
Zvicinyi zvingaitika kudai mundhu akamwa mbhera pakudhakwa?
Zvicinyi zvingatibesa kuti titame kumwa maningi doro? Tinodikana kuva vari pakati no pakati. Verenganyi Zvirevo 11:2, mapeja bhuisananyi ngo muvhunjo unotevera:
-
Ngenyi zvakanaka kugara malangarira kuti munozogumira papi kudai mukakheta kumwa doro?
6. Mazano kuna vaya vanomwa maningi doro
Wonanyi kuti zvicinyi zvakabesa mwanarume umweni kuti asiye mugariro wokumwa maningi doro. wonanyi VHIDHIYO, mapeja bhuisananyi ngo muvhunjo jinotevera:
-
Muvhidhiyo iyi, Dimitri waiitenyi paipeja kumwa doro?
-
Pakutanga zvakava zvakareruka here kuna Dimitri kusiya kumwa doro?
-
Wakazoitenyi kuti asiye kumwa doro?
Verenganyi 1 VaKorinde 6:10, 11, mapeja bhuisananyi ngo muvhunjo jinotevera:
-
Icinyi cinokhombija kuti udhakwa cishaishi cakakura?
-
Icinyi cinokhombija kuti mundhu unomwa maningi doro ungakona kucinja?
Verenganyi Mateu 5:30, mapeja bhuisananyi ngo muvhunjo unotevera:
-
Mufananijo wa Jesu wo kugura muhoko waida kubhuya kuti tinodikana kuita zvese zvatinokona kuti tidakaje Jehovha. Zvicinyi zvamungaita kuti mukurire dambujiko lo kudhakwa? a
Verenganyi 1 VaKorinde 15:33, mapeja bhuisananyi ngo muvhunjo unotevera:
-
Zvicinyi zvamunodikana kuita kudai muno ushamwari no mundhu unomwa maningi doro?
KUDAI MUNDHU AKAMUVHUNJISA KUTI: “Zvakashata here kumwa doro?”
-
Maizomudavirisa kudini?
TAJIJENYI
Tajija kuti doro rinobatanijwa pa zvipo zvakawanda zvotakapuwa ndi Jehovha, asi iyena unolambija kumwa maningi doro no kuita cidhakwa.
Muvhunjo Jokuhwirijira
-
Bhaibheri rinobhuyenyi ngo pamusoro pokumwa doro?
-
Udhakwa wakashatira papi?
-
Tingakhombijisa kudini kuti tinoreremeja zvinokheta vamweni pashwiro yokumwa doro?
JIJANYI ZVIMWENI
Vocidoko vangakhetesa kudini ngo ungwaru pashwiro yokumwa doro?
Wonanyi kuti zvicinyi zvamungaita kuti munyise dambujiko lo kumwa doro.
“Kumwa Doro Zviri Pakati no Pakati” (Nharireyomurindi, 1 ya Janeiro yo 2010)
Mukristu unotenderwa here kutakanisana kopo paanonga esimwa doro?
“Muvhunjo Jinovha Kuvaverengi” (Nharireyomurindi, 15 ya Fevereiro yo 2007)
Verenganyi zviitiko zvo mwanarume umweni pa musoro unoti: “Ndainga Amusiya Jasukwa,” kuti muwone kuti zvicinyi zvakamubesa kuti asiye kuva cidhakwa.
“Bhaibheri Rinocinja Upenyu” (Nharireyomurindi, 1 Maio yo 2012)
a Vaya vano dambujiko lo kumwa maningi doro, nguva imweni vanodikana kubeswa ngo vandhu vano uzivi wazvo. Mamedhiko akawanda anobhuya kuti vaya vano dambujiko lakadaro vanodikana kutosiya kamare kumwazve doro.
