Zvakanaka maningi kuva no shamwari jokuvalaija najo, ngokuti shamwari iji, jinozotibesa patinosangana no matambujiko. Asi Bhaibheri rinotivhunja kuti asi vandhu vese vangava shamwari jakanaka. Hino tingakhetesa kudini shamwari jakanaka? Langarisisanyi ngo muvhunjo jinotevera.

1. Shamwari jamunokheta jinomukwevera kuti muitenyi?

Patinopeja nguva yakawanda tesibhuisana no mundhu tinopejisira taakutoita zviro zvinoizwa ngo mundhuwo, azvinenyi kuti tiri kubhuisana naye mu interneti kana meso ngo meso. Mungatoguma pakutevejera zviro zvakanaka kana zvakashata zvaanoita. Inga zvinobhuiwa ngo Bhaibheri, ‘mundhu anohamba no mundhu akangwara usava akangwara, asi wiya anoshamwarijana no mapenji kana kuti vasingadi Jehovha zvisamushatira.’ (Zvirevo 13:20) Shamwari jinoda Jehovha no kumunamata jingamubesa kuti muve no ushamwari wakavanga naye no kukheta kuita zviro zvakanaka. Asi shamwari jisingadi Jehovha jingatiita kuti tigare ndhambo naye. Ngo kudalo, Bhaibheri rinotivhunja kuti tinodikana kukheta shamwari ngo ungwaru! Kudai shamwari jedu jesida Jehovha, jinozotibesa uye yesu tinozojibesawo. Ngo kudalo tinozokwanisa ‘kugala tesivangisana no kubesana’.—1 VaTesaronika 5:11.

2. Jehovha unozwa kudini ngo makhetero amunoita shamwari jenyu?

Jehovha unonasa kukheta zvakanaka shamwari jake. ‘Iyena unoita ushamwari wo phedo no vakarurama.’ (Zvirevo 3:32) Jehovha unozwa kudini kudai tingakheta kutamba no vandhu vasingamudi? Izvi zvinomuwaja maningi! (Verenganyi Jakobho 4:4.) Asi kudai tingalamba kutamba no vandhu vanoita zvakashata, tova no ushamwari na Jehovha no vandhu vanomuda. Iyena unozodakala tisu uye unozotikheta kuti tive shamwari jake.—Mapisarema 15:1-4.

 JIJANYI ZVIZINJI

4. Shamwari jedu ajidikani kuva jo mupira wedu basi

Bhaibheri rinobhuya ngo zvo vanarume vaviri vo mu Iziraeri, Jonatani na Dhavhidhi. Jonatani wainga mwana wa Mambo uye wainga musharuka kupinda Dhavhidhi. Kunyange zvakadalo, ivona vainga no ushamwari wakavanga. Verenganyi 1 Samueri 18:1, mapeja bhuisananyi ngo muvhunjo unotevera:

• Ngenyi shamwari jedu ajidikani kuva jo mupira wedu basi kana kuti vakajijawo inga tisu?

Verenganyi VaRoma 1:11, 12, mapeja bhuisananyi ngo muvhunjo unotevera:

• Kuitisa kudini shamwari jinoda Jehovha jinovangisana?

Mu vhidhiyo inotevera, wonanyi kuti hama imweni yo mujaha yakawanisa kudini shamwari yakanaka. Wonanyi VHIDHIYO, mapeja bhuisananyi ngo muvhunjo jinotevera:

• Mu vhidhiyo iyi, ngenyi vabereki va Akiri vaineseka ngo shamwari jaainga najo kucikora?

• Ngenyi Akiri wakatanga kushamwarijana no majaha o nyika?

• Akiri wakanyisisa kudini mazwiro okuzvizwa ari ega?

 5. Mawanire amungaita shamwari jakanaka

 TAJIJENYI

Tajija kuti kudai tikakheta shamwari jedu ngo ungwaru tinozodakaja Jehovha uye yesu tinozobeswawo.

Muvhunjo Jokuhwirijira

• Ngenyi makhetere edu shamwari anokosha kuna Jehovha?

• Tinodikana kusiya kutamba no vandhu vakadini?

• Mungaitenyi kuti muve no ushamwari wakavanga no vandhu vakanaka?