CIJIJO 49
Mungaitenyi Kuti Muve no Mbhuri Yakadakala?—Divi 1
Vandhu vanonga vavha kucadha, vanoemera kuti mudakalo wavo wo vainga nawo pa zuva lokucadha ulambe uripo nokusingaperi. Icokwadi kuti vangakwanisa kudakala nokusingaperi. Vakristu vaanomakore akawanda vakarovora kana kurovorwa, vari kushanda ngo simba kuti vatevejere zvinobhuiwa ngo Bhaibheri, vanozviziva kuti izvi zvinokwanisika.
1. Bhaibheri rinopa mazano api kuvanarume vakalovola?
Jehovha wakakheta mwanarume kuti ave musoro wo mbhuri. (Verenganyi VaEfeso 5:23.) Jehovha unoda kuti zviro zvinokhetwa ngo mwamuna zvibese mbhuri yese. Bhaibheri rinovhunja vamuna kuti: ‘lambanyi mesida vakaji venyu.’ (VaEfeso 5:25) Izvi zvinoda kurevenyi? Zvinoreva kuti, mwamuna anorudo anobata mukaji wake zvakanaka, azvinenyi kuti vari vega kana kuti pano vandhu vamweni. Iyena anomusapota no kuita zvese zvaanokona kuti amupe zvinodiwa zvake zvokunyama uye no kuwana nguva yokugara naye. (1 Timoti 5:8) Cinokosha pazvese, iyena unotungamirira mbhuri yake kuti inamate Jehovha. (Mateu 4:4) Inga muezaniso, iyena angaita mukumbiro no kuverenga Bhaibheri pamwepo no mukaji wake. Mwamuna anosapota mukaji wake ngo rudo, unolamaba esivangisa ushamwari wake na Jehovha.—Verenganyi 1 Petro 3:7.
2. Bhaibheri rinopa mazano api kuvanakaji vakalovorwa?
Soko la Mwari Bhaibheri rinobhuya kuti mukaji ‘ngaareremeje maningi mwamunake.’ (VaEfeso 5:33) Iyena angazviitisa kudini izvi? Iyena angalangarira zviro zvakanaka zvinoizwa ngo mwamunake uye kushanda ngo simba kaanoita kuti asapote mbhuri yake. Iyena angakhombija nderemejo ngo kutsigira zvinokhetwa ngo mwamunake. Iyena unodikana kubhuya naye ngo mweyo wakanaka azvinenyi nokuti asimunamati wa Jehovha. Mukaji aadikani kubhuya zvakashata ngo pamusoro po mwamunake kuno vandhu vamweni.
3. Mwamuna no mukaji vangavangisa kudini mucato wavo?
Bhaibheri rinobhuya kudai ngo pamusoro po vakacadha: ‘Vovaviri vanozoita nyama imwe.’ (Mateu 19:5) Izvi zvinobhuya kuti ivona vanodikana kushanda ngo simba kuti rudo lavo riregere kupera. Ivona vangaita izvi ngo kugara vesipsaka nguva yo kugara vese uye umwe nga umwe esibhuya zviri mukati mo mweyo wake. Mwamuna no mukaji ava, avana ciro kana mundhu wavanokoshesa maningi kupinda Jehovha. Ivona vanongwarira maningi kuti varegere kuemurira mundhu wavasito kucadha naye.
JIJANYI ZVIZINJI
Wonanyi kuti mazano ari mu Bhaibheri angavangisa kudini mucato wenyu.
4. Vamuna, idanyi vakaji venyu no kuvasapota
Bhaibheri rinobhuya kuti ‘vamuna vanodikana kuda vakaji vavo inga madire ovanoita muviri wavo.’ (VaEfeso 5:28, 29) Izvi zvinoda kubhuyenyi? Wonanyi VHIDHIYO, mapeja bhuisananyi ngo muvhunjo unotevera:
-
Mwamuna ungakhombijisa kudini kuti unoda mukaji wake no kumusapota?
Verenganyi VaKorose 3:12, mapeja bhuisananyi ngo muvhunjo unotevera:
-
Mwamuna ungashandisisa kudini zviri mu vhesi iyi?
5. Vakaji, idanyi vamuna venyu no kuvareremeja
Bhaibheri rinobhuya kuti mukaji unodikana kureremeja mwamunake azvinenyi hazvo nokuti mwamunewo munamati wa Jehovha here kana kuti haiwa. Verenganyi 1 Petro 3:1, 2, mapeja bhuisananyi ngo muvhunjo jinotevera:
-
Kudai mwamunenyu asiri munamati wa Jehovha, nguva imweni munoda kuti azoguma pakuva munamati wa Jehovha. Zvicinyi zvamunolangarira kuti zvaizomubesa kuti mwamunenyu atange kunamata Jehovha: Kugala mesimuparijira here kana kuva mukaji wakanaka anonderemejo? Ngenyi madalo?
Mwamuna no mukaji vanokheta kuita zvakanaka vari pamwepo. Asi, nguva imweni mukaji angatama kutenderana no zvakhetwa ngo mwamunake. Mukaji ungabhuya mulangariro wake wakanaka, asi esiziva kuti mwamuna ndiyena wakapuwa basa ndi Jehovha lo kukheta kuita zviro zvakanakira mbhuri. Iyena unodikana kuita zvese zvaanokona kuti atsigire zvinokhetwa ngo mwamunake. Akaita kudalo, unonga esiita divi lake kuti mbhuri ive yakadakala. Verenganyi 1 Petro 3:3-5, mapeja bhuisananyi ngo muvhunjo unotevera:
-
Jehovha unozwa kudini mukaji paanoreremeja mwamunake?
6. Zviri nyore kunyisa zvineso mumucadho
Apana mwamuna no mukaji vanogara vasingashaishirani. Ngo kudalo, kuti varovorani vakone kunyisa zvineso zvavo zvinofira kuvangisira kavanoita. Wonanyi VHIDHIYO, mapeja bhuisananyi ngo muvhunjo jinotevera:
-
Mu vhidhiyo iyi, zvicinyi zvinokhombija kuti rudo lo varovorani ava lainga resipera?
-
Zvicinyi zvavakaita kuti vavangise mucato wavo?
Verenganyi 1 VaKorinde 10:24 na VaKorose 3:13. Mapeja kuverenga mavhesi aya, bhuisananyi ngo muvhunjo unotevera:
-
Mazano aya anovangisa kudini mucato?
Bhaibheri rinobhuya kuti tinodikana kureremeja vandhu vamweni. Kureremeja uku kunobatanija kubata mundhu zvakanaka ngo nderemejo. Verenganyi VaRoma 12:10, mapeja bhuisananyi ngo muvhunjo jinotevera:
-
Mwamuna kana mukaji unodikana kutanga kureremeja kudai akatanga kureremejwa here? Ngenyi madalo?
VAMWENI VANOTI: “Mumba medu amusisina rudo laimbongemo pakutanga.”
-
Mungasanangurisa kudini kumundhu wakadalo kuti Bhaibheri rinokona kumubesa?
TAJIJENYI
Tajija kuti mwamuna no mukaji vangava vakadakala kudai vakadisana, vakareremejana no kushandisa mazano ari mu Bhaibheri.
Muvhunjo Jokuhwirijira
-
Zvicinyi zvinodikana kuizwa ngo mwamuna kuti ave no mbhuri yakadakala?
-
Zvicinyi zvinodikana kuizwa ngo mukaji kuti ave no mbhuri yakadakala?
-
Kudai makacata, mazano api ari mu Bhaibheri angamubesa kuti muvangise mucato wenyu?
JIJANYI ZVIMWENI
Wonanyi mazano amweni angamubesa kuti muve no mbhuri yakadakala.
Wonanyi vhidhiyo yo ngoma inowonesa makomborero anoviya ngo kushandisa mazano a Mwari mu mucato.
Wonanyi kuti zvinobhuyenyi kureremeja mutwaro wo mwmuna wokutungamirira mbhuri.
“Ngenyi, Vanakaji Vanodikana Kuzviisa Pasi po Vamuna vavo?” (Nharireyomurindi, 15 ya Maio yo 2010)
Wonanyi kuti mazano ari mu Bhaibheri ngo pamusoro po mucato angabesesa kudini varovorani vano zvineso.
