CIJIJO 56
Itanyi Kuti Ungano Ilambe Yakabatana
Patinonga tino hama no hanzvaji, tinozvizwa inga ndi Mambo Dhavhidhi paakati: ‘Wonanyi kunaka kazvo uye kudakaja kazvinoita kudai hama jikagara pamwepo jakabatana!’ (Mapisarema 133:1) Asi kubatana uku akuitiki kega. Umwe nga umwe wedu pano zvaanodika kuita kuti tilambe takabatana.
1. Icinyi cinoshamisa pa vandhu va Mwari?
Kudai mukaenda kopinda musangano ku nyika imweni, kunyange musikazwi zvavanonga vesibhuya, munozvizwa muri pakati po hama no hanzvaji. Ngenyi? Ngo kuti tinojija Bhaibheri tesishandisa mabhuku amwewo mu nyika yese. Yesu tinovangisira kuti tinoitirana rudo. Pasinenyi no katinogala ‘tese tinoshandisa zina la Jehovha, no kumunamata takabatana.’—Zefaniya 3:9, masoko opasi.
2. Mungaitenyi kuti ungano ilambe yakabatana?
‘Danananyi ngo mweyo wese.’ (1 Petro 1:22) Izvi tingazviitisa kudini? Ngo kurega kusotesesa zvakashata zvinoizwa ngo vamweni, asi tobatikana pakusotesesa zvakanaka zvovanoita. Musashamwarijana basi no vandhu vanodakarira zvamunodakarirawo, asi ejanyi kuzivana no hama jinovha ku ndau jakasiyana-siyana. Uye tinoda kurwisa mulangariro wo kunyenya vandhu vo majinja amweni.—Verenganyi 1 Petro 2:17. a
3. Zvicinyi zvamungaita kudai mukatama kuzwirana no hama?
Yesu tiri vandhu vakabatana, asi tino cishaishi. Nguva imweni tinganyangajisa vamweni. Izvi ndizvona zvinoita kuti Bhaibheri ribhuye kuti, ‘lambanyi . . . mesiregererana,’ uye irona rinobhuyazve kuti: ‘Inga ndi Jehovha wakamuregerera ngo mweyo wese, yewiwo itirananyiwo zvimwezvo.’ (Verenganyi VaKorose 3:13.) Yesu tinonyangajisa Jehovha kakawanda maningi zvokuti akuverengeki. Kunyange zvakadalo iyena unotiregerera. Ngo kudalo, Jehovha unoda kuti tiregerere hama jedu. Kudai mukaziva kuti pano mundhu wamanyangajisa, tanganyi yemwi kamare kobhuisana naye kuti pave no runyararo.—Verenganyi Mateu 5:23, 24. b
JIJANYI ZVIZINJI
Wonanyi zvamungaita kuti ungano ilambe yakabatana, uye inorunyararo.
Mungaitenyi kuti mulambe munorunyararo?
4. Nyisanyi mukheto
Tinodikana kuda hama jedu jese. Asi nguva imweni zvinganesa kuda mundhu wakasiyana nesu. Icinyi cingatibesa? Verenganyi Mabasa 10:34, 35, mapeja bhuisananyi ngo muvhunjo jinotevera:
-
Jehovha aana mukheto, mundhu wese ungatomunamata. Kuziva izvi kunotiita kuti tiwone kudini vandhu vakasiyana nesu?
-
Mamunogarari vandhu vanonyanya kuitira mukheto vandhu vakadini? Ngenyi yemwi munodikana kuzvingwarira?
Verenganyi 2 VaKorinde 6:11-13, mapeja bhuisananyi ngo muvhunjo unotevera:
-
Mungaitenyi kuti muve no ushamwari no hama no hanzvaji jakasiyana nemwi?
5. Regereranyi ngo mweyo wese uye itanyi runyararo
Jehovha unotiregerera ngo mweyo wese, asi apana paanozombodawo kuti timuregerere. Verenganyi Mapisarema 86:5, mapeja bhuisananyi ngo muvhunjo jinotevera:
-
Tinojijenyi mu vhesi iyi ngo kuregerera ka Jehovha?
-
Icinyi cinomuita kuti mutende Jehovha ngo kuregerera kaanoita?
-
Tinoda kuva no runyararo no vamweni vedu. Asi zvicinyi zvingaita kuti parege kuva no runyararo?
Tingatevejeresa kudini Jehovha, kuti tilambe tino rubatano no hama no hanzvaji jedu? Verenganyi Zvirevo 19:11, mapeja bhuisananyi ngo muvhunjo unotevera:
-
Kudai mundhu akamunyangajisa, mungaitenyi kuti mupeje shwiro iyi?
Nguva imweni tinonyangajisawo vamweni. Asi kudai izvi zvikaitika tinodikana kuitenyi? Wonanyi VHIDHIYO, mapeja bhuisananyi ngo muvhunjo unotevera:
-
Mu vhidhiyo, hanzvaji iyi yakaitenyi kuti izwirane no hanzvaji imweni?
6. Kandanyi mulangariro wenyu pa zviro zvakanaka zvinoizwa ngo hama no hanzvaji
Patinoita ushamwari no hama no hanzvaji jedu, tinokona kuwona zvakanaka zvovanoita no zvovanoshaisha. Tingaitenyi kuti tigare tesilangarira mugariro yakanaka yo hama no hanzvaji jedu? Wonanyi VHIDHIYO, mapeja bhuisananyi ngo muvhunjo unotevera:
-
Ngazvipi zvingamubesa kuti muwone mugariro yakanaka yo hama no hanzvaji?
Jehovha unopsaka zviro zvakanaka zvatinoita. Verenganyi 2 Makoronike 16:9a, mapeja bhuisananyi ngo muvhunjo unotevera:
-
Jehovha unopsaka zviro zvakanaka zvatinoita. Muri kuzvizwa kudini ngo kuziva izvi?
Dhiyamanti lakaseja ringava rino porakabhenda, asi irona rinokosha maningi. Mukutojanawo, hama jedu jino cishaishi, asi ijona jinokosha maningi kuna Jehovha
VAMWENI VANOTI: “Kuti ndiregerere mundhu anonga andishaishira, iyena unodikana kutanga aviya koondikumbira ruregerero.”
-
Ngenyi tisingadikani kulangarira kudai?
TAJIJENYI
Tajija kuti tingabesa ungano kuti ilambe yakabatana, ngo kuva vandhu vanoregererana uye vanokhombija rudo ku hama jese.
Muvhunjo Jokuhwirijira
-
Mungaitenyi kuti murege kuva no mukheto?
-
Mungaitenyi kudai mukashaishirana no mukristu doni?
-
Ngenyi tesidikana kutevejera muezaniso wa Jehovha pa shwiro yo kuregerera vamweni?
JIJANYI ZVIMWENI
Jijanyi kuti muezaniso wa Jesu ungatibesesa kudini kuti tirege kutonga vamweni.
Kubhuya kuti tinodikana kukumbira kuregererwa kunyange tisito kuita cakashata here?
‘Kukumbira Ruregerero —Kunokosha Kuti Tive no Runyararo’ (Nharireyomurindi, 1 ya Novembro yo 2002)
Wonanyi kuti vanarume vaviri vakakurira mu nyika yainga no mukheto wo ganda, vakawanisa kudini rubatano wo cokwadi.
Johny na Gideon: Vaimbozondana asi Zvino va Hama no Hama (6:42)
Wonanyi zvamungaita kuti mupeje kurega kuzwana no hama musati mapeja runyararo mu ungano.
‘Pejanyi Mapope ngo Rudo’ (Nharireyomurindi, ya Maio yo2016)
a Jijanyi Zvimweni 6 inobhuya kuti rudo rinobesa Vakristu kuti vakoshese utano wo vamweni, izvi zvinobatanija kungwarira kupa vamweni ndhendha inopairirwana.
b Jijanyi Zvimweni 7 panobhuya ngo pamusoro pokutonga shwiro inobuda ngo ndava yo zvokutengeserana uye no shwiro jinobuda pakati po hama no hanzvaji.
