Vakristu vo cokwadi, vano cido co kurega kusiya ciro cipi haco kana mundhu upi hake esivapausa kuna Jehovha. Ngo zvo cokwadi kuti yemwi munozwawo kudalo. Jehovha unoreremeja maningi kugondeka kenyu. (Verenganyi 1 Makoronike 28:9.) Mugariro ipi ingaeja kugondeka kenyu? Yemwi mungajinyisisa kudini?

1. Vamweni vangatiejesa kudini kuti tisiye kugondeka kedu kuna Jehovha?

Vandhu vamweni vangatieja kuti tisiye kushandira Jehovha. Asi ngovanaani vangaita zvakadalo? Vandhu vamweni vakasiya cokwadi vanobhuya zvokunyepa ngo pamusoro po sangano la Mwari kuti varembese kutenda kedu. Vandhu ava vakapandukira sangano la Jehovha. Kozoitawo vatungamiriri vo maceci, vanohama vesibhuya manyepo ngo pamusoro pedu, no cinangwa cokuti vandhu vasiye cokwadi. Azvito kunaka kuita ushamwari no vapanduki ava, kuverenga mabhuku avo, kungena mu saiti javo no kuwona ma vhidhiyo avo ngo kuti zvingatirembesa pakunamata. Jesu wakabhuya kudai kuna vaya vanoeja vamweni kuti vasiye kushandira Jehovha: ‘Varegerenyi vakadalo. Iwona mapofu, angatungamirirana here. Kudai bofu rikatungamirira bofu rimweni, ese ari maviri anowira mugomba.’—Mateu 15:14.

Zvakadini kudai mundhu umweni watinoziva akakheta kuti aasadi kuva umwe wo Zvapupu zva Jehovha? Kudai ari mundhu wo phedo zvinotiwaja maningi. Tinonga tesidikana kukheta kuti totsigira ani iyena kana kuti Jehovha. Tinodikana kukheta kulamba takagondeka kuna Jehovha kupinda zviri zvese hazvo. (Mateu 10:37) Ngo kudalo, tinozwira mutemo wa Jehovha ngo kurega kubhuya no vandhu vakadalo.—Verenganyi 1 VaKorinde 5:11.

2. Zvatinokheta zvingakhombijisa kudini kuti takagondeka kuna Jehovha?

Kuda katinoita Jehovha kunotiita kuti tirege kubatana no maceci okunyepa. Izvi zvinoda kubhuya kuti tinodikana kuregera kuva no divi lo sangano rakabatana no maceci okunyepa. Izvi zvinobatanijazve basa redu uye no zvimweni zvatinoita. Jehovha unotivhunja kudai: ‘Budanyi mu Bhabhironi Guru, vandhu vangu.’—Zvakazarurwa 18:2, 4.

 JIJANYI ZVIZINJI

3. Ngwariranyi jijiso jo kunyepa

Tingaitenyi kudai tikazwa zvakashata ngo pamusoro po sangano la Jehovha? Verenganyi Zvirevo 14:15, mapeja bhuisananyi ngo muvhunjo unotevera:

• Ngenyi tinodikana kungwarira kutendera zvese zvatinozwa?

Verenganyi 2 Johani 10, mapeja bhuisananyi ngo muvhunjo jinotevera:

• Tinodikana kuitenyi ku vandhu vakapandukira sangano?

• Tinozviziva kuti azvito kunaka kushamwarijana no vapanduki. Asi tingagumisa kudini pakukweverwa ngo mulangariro yavo?

• Mumawonero enyu, Jehovha unozwa kudini kudai mundhu akagala esizwa zviro zvakashata zvinobhuiwa ngo pamusoro pake no sangano lake?

4. Lambanyi makagondeka kuna Mwari azvinenyi nokuti mukristu doni waita cishaishi

Kudai tikaziva kuti hama mu ungano yaita cishaishi cakakura, zvicinyi zvatinodikana kuita? Izwanyi zvakabhuiwa ngo mutemo wa Mwari waakapa Vaiziraeri. Verenganyi Revhitiko 5:1.

Inga zviri kubhuiwa muvhesi iyi, kudai tikaziva kuti pano mundhu waita cishaishi, tinodikana kuenda koovhunja vakuru zvatinonga tesiziva. Asi tisati tadalo, zvakanaka maningi kuti tivhunje mundhu washaisharo kuti aende kuvakuru kuti apupure ega cishaishi cake. Asi kudai akalamba koovavhunja, yesu tinokhombija kuti takagondeka kuna Jehovha ngo kuenda koovhunja vakuru zvatinoziva. Kuita izvi kunokhombijisa kudini kuti tinoda . . .

• Jehovha Mwari?

• mundhu washaisharo?

• vamweni vari mu ungano?

 5. Budanyi mu Bhabhiloni Guru

 TAJIJENYI

Tajija kuti tinodikana kulamba takagondeka kuna Jehovha. Ngo ndava yazvo atidikani kubhuya no vandhu vasito kugondeka kaari. Ngo kudalo tinodikana kupalajana no maceci okunyepa.

Muvhunjo Jokuhwirijira

• Ngenyi tisikadikani kuwona, kuverenga kana kuzwa zvinobhuiwa ngo vandhu vakapandukira sangano la Jehovha?

• Tinodikana kuwonesa kudini vandhu vakasiya sangano la Jehovha?

• Tinokhombijisa kudini kuti tiri kuzwira ngwajo yo kubuda mu maceci okunyepa?