CIJIJO 59
Lambanyi Makagondeka Pamunotambujwa
Zvino kana muno lamangwana, Vakristu vese vanozotevererwa no kutambujwa. Kubhuya kuti tinodika kuthya here?
1. Ngenyi tingaemera kutambujwa?
Bhaibheri rinobhuya zvakajeka kuti: ‘Vese vanoda kurarama mukuzvipira kuna Mwari na Jesu Kristu, vanozotambujwa.’ (2 Timoti 3:12) Jesu wakatambujwa ngo kuti aasaiita divi lo nyika ino ya Sathana. Nesuwo atiripi vo nyika ino, ngo kudalo azvitishamisi kudai tikatambujwa ngo vatongi uye novo maceci o nyika ino.—Johani 15:18, 19.
2. Tingaitenyi kuti tizvinasirire kuitira kutambujwa?
Kuti tizvinasirire kuitira kutambujwa tinodikana kuvangisa kuthemba kedu Jehovha zvino. Wananyi nguva yo kuverenga Bhaibheri mazuva ese, kuita mukumbiro no kuenda kumusangano. Kuita zvese izvi, kunozomubesa kuti mulambe makavanga uye makacunga pamunonga mesitambujwa kunyange ngo vo mumbhuri. Mupostori Pauro wakatambujwawo maningi, iyena wakanyola kuti: ‘Jehovha ndiyena mubeseri wangu. Andizombothyi.’—VaHebheru 13:6.
Maitiro amweni angaengejera kucunga kedu ngo okuparijira masoko akanaka nguva yese. Kuparijira kunoengejera kuthemba kedu Jehovha uye kunotibesa kunyisa kuthya vandhu. (Zvirevo 29:25) Kudai tikacunga kuparijira zvino, zvinozotibesa kuti tilambe tesiparijira kunyange utongi paunotilambija.—1 VaTesaronika 2:2.
3. Ngenyi kucungirira patinotambujwa kunotibesa?
Apana anodakarira kutambujwa, asi kudai tikacungirira kutenda kedu kunovanga. Tinozova phedo na Jehovha ngo kuti tinozowona simba lake laanotipa paya patinowona kuti atisazvikoni. (Verenganyi Jakobho 1:2-4.) Zvinowaja mweyo wa Jehovha paanotiwona tesitambujika, asi iyena unodakala maningi paanotiwona tesicungirira. Bhaibheri rinobhuya kuti: ‘Kudai mukacungirira matambujiko ngo kuita zvakanaka, izvi zvinodakaja Mwari.’ (1 Petro 2:20) Jehovha unothembesa upenyu usingaperi no nyika isina kutambujika kuna vaya vanocungirira mbhera kumagumo.—Mateu 24:13.
JIJANYI ZVIZINJI
Wonanyi kuti ngenyi tingati zvinoita kulamba takagondeka kuna Jehovha pasinenti no kutevererwa. Wonanyizve kuti makomborero api atinozova nawo.
4. Munganyisa kutevererwa pa mbhuri
Jesu waizviziva kuti asipi vandhu vese vo pambhuri pedu vaizodakarira kuti tishandire Jehovha. Verenganyi Mateu 10:34-36, mapeja bhuisananyi ngo muvhunjo unotevera:
-
Zvicinyi zvingaitika kudai mundhu umwe wo pa mbhuri akakheta kunamata Jehovha?
Kuti muwone muezaniso wazvo, wonanyi VHIDHIYO, mapeja bhuisananyi ngo muvhunjo unotevera:
-
Zvicinyi zvamaizoita kudai mubereki kana kuti shamwari yenyu vasingadi kuti munamate Jehovha?
Verenganyi Mapisarema 27:10 na Mako 10:29, 30. Mapeja kuverenga vhesi imwe nga imwe, bhuisananyi ngo muvhunjo unotevera:
-
Cigondiso ici, cingamubesesa kudini kuti mucungirire kutevererwa ngo vo pambhuri kana shamwari?
5. Lambanyi mesinamata Jehovha kunyange mesitambujwa
Zvinoda kucunga kuti tinamate Jehovha kudai vamweni vakatilambisa. Wonanyi VHIDHIYO, mapeja bhuisananyi ngo muvhunjo unotevera:
-
Muezaniso iri muvhidhiyo iyi, yavangisa kudini kutenda kenyu?
Verenganyi Mabasa 5:27-29 na VaHebheru 10:24, 25. Mapeja kuverenga vhesi imwe nga imwe, bhuisananyi ngo muvhunjo unotevera:
-
Ngenyi zvinokosha maningi kulamba mesinamata Jehovha, kunyange basa lokuparijira no musangano zvalambiswa?
6. Jehovha unozomubesa kucungirira
Zvapupu zva Jehovha zvomupira wakasiyana-siyana uye zvo ndau yakasiyana zvakalamba zvesinamata Jehovha kunyange pozvaitambujwa. Kuti muwone kuti cicinyi cakavabesa, wonanyi VHIDHIYO. Mapeja bhuisananyi ngo muvhunjo unotevera:
-
Mu vhidhiyo iyi, zvicinyi zvakabesa Zvapupu izvi kuti zvicungirire?
Verenganyi VaRoma 8:35, 37-39 na VaFiripi 4:13. Mapeja kuverenga vhesi imwe nga imwe, bhuisananyi ngo muvhunjo unotevera:
-
Vhesi iyi, yavangisa kudini kuthemba kenyu kokuti zvinoita kunyisa muejo?
Verenganyi Mateu 5:10-12, mapeja bhuisananyi ngo muvhunjo unotevera:
-
Icinyi cingaita kuti mudakare pamunonga mesitambujwa?
Ma miliyau no ma miliyau o vanamati va Jehovha vakakona kucungirira kunyange pavaitevererwa. Yemwiwo mungazvikonawo!
VAMWENI VANOTI: “Inini kudai ndikatambujwa andingazvikoni kucunga.”
-
Mavhesi api angabesa mundhu uwu kuti ave akacunga?
TAJIJENYI
Tajija kuti Jehovha unokoshesa maningi kuvangisira katinoita kuti tilambe tesimunamata kunyange tesitambhujwa. Tesibeswa ndiyena, tinozokona kucungirira!
Muvhunjo Jokuhwirijira
-
Ngenyi Vakristu vangaemera kutambujwa?
-
Mungaitenyi kuti mugare makazvinasirira kuitira kutambujwa?
-
Ngenyi mungava no cokwadi cokuti zvinoita kunamata Jehovha kunyange mesitambujwa?
JIJANYI ZVIMWENI
Wonanyi kuti Jehovha wakabesesa kudini hama imweni, kuti ilamba yakacunga poyakakandhwa mujeri ngo kurega kutsigira zvo matongerwe o nyika.
Wonanyi kuti icinyi cakabesa mwanarume umweni no mukaji wake kuti vanamate Jehovha ko makore akawanda kunyange povaitevererwa.
Wonanyi kuti mungaitenyi kuti mulambe makacunga pamunonga mesitambujwa.
“Zvinasirirenyi Zvino Kuitira Kutambujwa’’ (Nharireyomurindi, ya Julho yo 2019)
Wonanyi kuti ngenyi atidikani kushamisika patinotevererwa ngo vo mumbhuri. Wonanyizve kuti mungaitenyi kuti muve no runyararo pamwepo no kugondeka kudai izvi zvikaitika?
“Cokwadi Aciviisi ‘Runyararo, asi Banga’” (Nharireyomurindi, ya Outubro yo 2017)
