CIJIJO 60
Lambanyi mesivangisa ushamwari wenyu na Mwari
Kuvhira pomakatanga kujija Bhaibheri, makajija zvakawanda maningi ngo zva Jehovha. Uye zvese zvomakajija zvakaengejera rudo wenyu kaari, nguva imweni makapira upenyu wenyu kuna Jehovha mobhabhatijwa. Kudai musati mabhabhatijwa nguva jimweni muri kulangarira kuzviita ngo kukasika. Asi kubhabhatijwa asikona kega kamunodikana kuita. Munodikana kulamba mesivangisa ushamwari wenyu na Jehovha nokusingaperi. Mungazviitisa kudini?
1. Ngenyi munodikana kulamba mesivangisa ushamwari wenyu na Jehovha?
Tinodikana kulamba tesishanda ngo simba kuti tivangise ushamwari wedu na Jehovha. Ngenyi? Kuitira kuti ‘tisazopauka padoko ngo padoko’ tesivha kaari. (VaHebheru 2:1) Icinyi cinozotibesa kuti tilambe tesinamata Jehovha takagondeka? Tinodikana kulamba tesibuda mubasa lokuparijira no kupsaka kuita zvakawanda mu basa la Jehovha. (Verenganyi VaFiripi 3:16.) Kunamata Jehovha ciro cakanaka maningi catingaita mu upenyu!—Mapisarema 84:10.
2. Ngazvipi zvimweni zvatinodikana kulamba tesiita?
Kunyange hazvo maakupeja jijo iyi yo Bhaibheri, asi upenyu wenyu inga munamati wa Jehovha usiri kutanga. Bhaibheri rinotivhunja kuti tinodikana ‘kulamba tesisimira undhu upsa.’ Kana kuti tinodikana kuita zvese zvatinokona kuti titevejere undhu wa Jehovha. (VaEfeso 4:23, 24) Kuti izvi zviitike, tinodikana kulamba tesijija Bhaibheri uye no kupinda musangano. Kudai tikalamba tesijija zviro zvipsa ngo pamusoro pa Jehovha uye no mugariro yake no kulamba tesiita cinjo jinodikana mu upenyu, tinozodakaja mweyo wa baba vedu Jehovha.
3. Jehovha unozomubesesa kudini kuti mulambe muri shamwari yake?
Bhaibheri rinoti: ‘Mwari unozopejisa kumujijisa. Iyena unozomuvangisa, unozomupa simba uye unozomupa maambo akavanga.’ (1 Petro 5:10) Tese hedu tinosangana no muejo. Asi Jehovha unotipa simba latinoda kuti tilambe takagondeka kaari. (Mapisarema 139:23, 24) Iyena unotigondesa kuti unozotipa cido no simba lokuti timunamate takagondeka.—Verenganyi VaFiripi 2:13.
JIJANYI ZVIZINJI
Wonanyi kuti mungaitenyi kuti mulambe mesivangisa ushamwari wenyu na Jehovha kuti muwane makomborero mu upenyu wenyu.
4. Lambanyi mesibhuya no shamwari yenyu Jehovha
Kuita mukumbiro no kujija Bhaibheri kunomubesa kuti muve shamwari ya Jehovha. Asi izvi zvingamubesesa kudini kuti muve no ushamwari wakavanga na Jehovha?
Verenganyi Mapisarema 62:8, mapeja bhuisananyi ngo muvhunjo unotevera:
-
Ngazvipi zvatinodikana kuita kuti tivangise ushamwari wedu na Jehovha?
Verenganyi Mapisarema 1:2, mapeja bhuisananyi ngo muvhunjo unotevera:
-
Pamunonga mesivangisa ushamwari wenyu na Jehovha, mungaitenyi kuti muitise nane kuverenga kenyu Bhaibheri?
Mungaitenyi kuti munase kubeswa ngo jijo yenyu yo Bhaibheri muri mega? Kuti muwone mazano amweni, wonanyi VHIDHIYO, mapeja bhuisananyi ngo muvhunjo jinotevera:
-
Mazano api ari mu vhidhiyo iyi, omaidakarira kushandisa?
-
Maidakarira kujija ngo zvo shwiro ipi?
5. Ivanyi no zvinangwa zvo kunamata
Kuva no zvinangwa mu basa la Jehovha kunozomubesa kuti muvangise ushamwari wenyu naye. Wonanyi VHIDHIYO, mapeja bhuisananyi ngo muvhunjo unotevera:
-
Mu vhidhiyo iyi, Kameroni wakabeswa kudini ngo kuva no zvinangwa mu basa la Jehovha?
Avasi vandhu vese vanokwanisa kuenda ku nyika jo kunja kuti vaite basa lokuparijira. Asi tese tingava no zvinangwa. Verenganyi Zvirevo 21:5, mapeja bhuisananyi kuti zvinangwa zvipi zvomaidakarira kuva nazvo mu . . .
-
ungano.
-
basa lokuparijira.
Vhesi iyi ingamubesa kudini kuti muzajise zvinangwa zvenyu?
Zvinangwa zvamungava nazvo
-
Kuitisa nane mukumbiro yenyu.
-
Kuverenga Bhaibheri rese.
-
Kuzivana no vandhu vese mu ungano.
-
kutangisa jijo yo Bhaibheri.
-
Kuva piyona wo besero kana wo nguva yese.
-
Kudai muri hama, shandanyi ngo simba kuti muve mubeseri wo ungano.
6. Raramanyi nokusingaperi mesidakala!
Verenganyi Mapisarema 22:26, mapeja bhuisananyi ngo muvhunjo unotevera:
-
Mungaitenyi kuti muve no mudakalo zvinezvi uye nokusingaperi?
TAJIJENYI
Tajija kuti tinodikana kulamba tesivangisa ushamwari wedu na Jehovha uye tova no zvinangwa zvo kunamata. Tikaita izvi, tinozorarama nokusingaperi tesidakala!
Muvhunjo Jokuhwirijira
-
Zvicinyi zvinomuthembesa kuti Jehovha unozomubesa kuti mumunamate makagondeka?
-
Mungaitenyi kuti muvangise ushamwari wenyu na Jehovha?
-
Ngenyi kuva no zvinangwa zvo kunamata zvingavangisa ushamwari wenyu na Jehovha?
JIJANYI ZVIMWENI
Ngazvipi zvinodiwa ndi Jehovha, kuita ciro cinomushamisa kana kuti kurarama takagondeka kaari?
Kunyange munamati wa Jehovha wakagondeka ungaruza mudakalo. Wonanyi kuti mungaitenyi kuti muwanezve mudakalo.
Ivanyizve no Mudakalo ngo Kujija Bhaibheri uye Kulangarijisisa (5:25)
Mungaitenyi kuti muve no zvinangwa zvo kunamata?
“Ivanyi no Zvinangwa zvo Kunamata Zvinokuja Musiki Wenyu” (Nharireyomurindi, 15 ya Julho yo 2004)
Ngenyi zvinokosha kuva mu Kristu wakavanga muno zvo kunamata uye tingazviitisa kudini?
