1.  Icinyi Cinozwi Bhabhironi Guru

2.  Mesiya Waizoviya Rini?

3.  Malapirwe Anobatanija Kushandiswa ko Ngazi

4.  Kupalajana

5.  Maferiyadho no Mafesta

6.  Ndhendha Jinopairirwana

7.  Shwiro jo Zvokutengeserana no Kutongesana

 1. Icinyi Cinozwi Bhabhironi Guru

Tinozvizivisa kudini kuti “Bhabhironi Guru” rinoemerera maceci okunyepa? (Zvakazarurwa 17:5) Wonanyi zvinotevera:

• Irona ririkucengeja vandhu vakawanda. Bhaibheri rinobhuya kuti Bhabhironi Guru, lakagala pakati po cikwata ‘cikuru co vandhu uye no majinja’. Irona rino “umambo pamusoro po majimambo o pasi pano”. —Zvakazarurwa 17:15, 18.

• Irona ariemereri sangano lo zvomatongerwe o nyika uye no zvokutengeserana. Tinozviziva izvi ngokuti “majimambo o nyika” no ‘vatengesi vo zviro’ vanozopona parinonga resipalajwa.—Zvakazarurwa 18:9, 15.

• Irona rinoita kuti vandhu vasiye kunamata Mwari. Irona rinodanijwa kuti hure ngokuti rinoshanda no utongi wo vandhu kuti riwane mare no kubathwa zvakanaka. (Zvakazarurwa 17:1, 2) Irona ririkucengeja vandhu mu nyika yese. Irona riri kuita kuti vandhu vakawanda vafe.—Zvakazarurwa 18:23, 24.

Kuhwirijra ko cijijo 13 ndima 6

 2. Mesiya Waizoviya Rini?

Bhaibheri rainga lakabhuya kuti Mesiya waizoviya papera mavhiki anokwana kuita 69.—Verenganyi Dhanieri 9:25.

• Mavhiki 69 aizotanga rini? Akatanga mu gore la 455 Kristu Asati Aviya. Pa nguva iyi, Govhernadhori Nehemiya paakaguma Jerusarema ‘kuti avakezve’ thaundi.—Dhanieri 9:25; Nehemiya 2:1, 5-8.

• Mavhiki 69 aizotora nguva yakadini? Muzviphorofita zvimweni zvo Bhaibheri, zuva rimwe rinoemerera gore rimwe. (Numeri 14:34; Ezekieri 4:6) Ngokudaro vhiki rimwe rinoemerera makore 7. Pa uphorofita uwu, mavhiki 69 anoemerera makore anokwana kuita 483, (mavhiki 69 x mazuva 7).

• Mavhiki 69 aizopera rini? Tikaverenga makore 483 kuvhira mugore la 455 Kristu Asati Aviya, tinoguma mugore la 29 Kristu Aviya. a Mugore iri, Jesu wakabhabhatijwa, ova Mesiya!—Ruka 3:1, 2, 21, 22.

Kuhwirijra ko cijijo 15 ndima 5

 3. Malapirwe Anobatanija Kushandiswa ko Ngazi

Pano njira jakasiya-siyana jinoshandiswa pa kulapa vandhu. Imwe yakona ngo yo kushandisa ngazi yo mundhuwo kamare. Kunyenge kuno njira jimweni jo malapirwe jinoshandiswa ngazi jinotenderwa ngo Makristu, asi kuno jimweni jisingatenderwi ngo Makristu, jakadai inga kupa ngazi mundhu umweni kana kuvhiswa ngazi yovigwa kuitira kuti izoshandiswa pa kupera kuita operasawu.—Dheuteronomi 15:23.

Asi pano malapirwe amweni asito kushata. Izvo zvinobatanija kutorwa ngazi kuti ipoporwe dangani ino ndhendha, no njira jimweni jakadari inga hemodiálise, hemodiluição, recuperação intraoperatória de células kana uso da máquina coração-pulmão. Mukristu umwe nga umwe unodikana kukheta ega pacake kuti unoda kushandisisa kudini ngazi yake paanonga esicekwa operesau uye no paanonga esipoporwa kana kuizwa zvimweni. Mamedhiko anoshandisa njira iji, akasiyana-siyana. Asi asati atendera malapirwe anoda kuizwa, Mukristu unodikana kunasa kuziva kuti zvicinyi zvinozoizwa ngazi yake. Unodikana kuzviita muvhunjo jinotevera:

• Kudari ngazi yangu ikavhiswa mu muviri wangu, hana yangu inotendera kuti ndiiwonezve inga divi lo muviri wangu here? Aidikani ‘kudururirwa pasi here’?—Dheuteronomi 12:23, 24.

• Zvingaita pa mukuvo wo kulaphwa, ngazi yangu yotanga kuvhiswa, yodirwa pamutivi, yokumirijwa no mutombo, perepo yozohwijiswazve mu muviri wangu. Kubhuya kuti hana yangu yakajijiswa ngo Bhaibheri, yaizogara yesindinesa here?

Kuhwirijra ko cijijo 39 ndima 3

 4. Kupalajana

Bhaibheri rinovangisa vakarovorana kuti vagare vese. Rinobhuyazve kuti vaya vanopalajana avadikani kucadhazve. (1 VaKorinde 7:10, 11) Asi pano zviro zvimweni zvingaita kuti Makristu akhete kuda kupalajana.

• Kudai mwamuna paanolamba kusapota mbhuri yake: Izvo zvingaita kuti vo pa mbhuripo vatame kuwana zvo kurhya.—1 Timoti 5:8.

• Kudai vanoita basa lokutakana: Izvo zvingaita kuti upenyu wo mukaji kana wo mwamuna uve pa ngozi.—VaGaratiya 5:19-21.

•   Kudai mwamuna kana mukaji asikatendi nee padoko kuti umwe wavo ashandire Jehovha: Izvi zvinokanda pa ngozi ushamwari wo mundhuwo na Mwari.—Mabasa 5:29.

Kuhwirijra ko cijijo 42 ndima 3

 5. Maferiyadho no Mafesta

Makristu aiiti zvo maferiyadho ngokuti anonyangajisa Jehovha. Asi pangava no mugariro, yokuti Makristu anodikana kushandisa hana yawo yakajijiswa ngo Bhaibheri kuti akhete zvokuita. Wonanyi muezaniso inotevera.

• Kudai mundhu akamuvhunja mabofesta. Yemwi mungabhuya henyu kuti “Mashuma.” Kudai mundhuwo akada kuziva kuti ngenyi musikapembereri mafesta no khisimuso kana maferiyadho amweni hawo, mungamusanangurira zvakawanda.

• Mwamuna kana mukaji wenyu asiripi Capupu, akamukoka kuti muende korhya ku ukama pa zuva lo feriyadho. Kudai hana yenyu ikamutendera kuti muende, mungavhunja mwamuna wenyu kana mukaji wenyu kuti, kudai kukava no zviro zvinobatanija jijiso ja maceci okunyepa imwimwi amuzoendi.

• Patarau wenyu akamuengejera mare kumbhiri ko gore. Kubhuya kuti zvaizova zvakashata kuiashira? Pakadai zvinofira kamuri. Kudai patarau wenyu akamupa mare kuitira kuti mupemberere festa yokugura gore? Kana kuti urikumubonga ngo ndava yo basa renyu?

• Kudai mundhu akamupa cipo mu mafesta o kumbhiri ko gore. Dangani mundhuwo akamuvhunja kudai: “Ndinozviziva kuti amupembereri mafesta aya, asi ndinoda hangu kumupa ici basi.” Zvingaita kuti mundhuwo urikuda kuva wakanaka mweyo basi. Zvaizova zvaushoni kuzvivhunjisa kuti, kubhuya kuti unoda kueja rutendo wangu kana kuti urikuda kuti ndipembererewo mafesta aya? Mukapera kuzviita muvhunjo uwu, zviri kamuri kutendera kuashira kana kulamba cipoco. Pa zvisungo zvedu zvese tinoda kuva no hana yakacena no kuva takagondeka kuna Jehovha​.—Mabasa 23:1.

Kuhwirijra ko cijijo 44 ndima 1

 6. Ndhendha Jinopairirwana

Yesu tinoda maningi vamweni, ngokudalo tinodikana kungwarira maningi kuti titame kupairira vamweni ndhendha. Kudai tikaziva kuti taanondhendha inopairirwana kana kuziva kuti takontaminarwi ngo vamweni, tinobhasopa kuti titame kukontaminari vamweni vadu. Tinoita izvi ngokuti Bhaibheri rinotivhunja kuti: ‘Idai mudoni wako inga madire aunozviita.’—VaRoma 13:8-10.

Kuzwira mutemo uwu zvinoda kubhuyenyi? Mundhu ano ndhendha inopairirwana aadikani kucungamija vandhu ngo kuvakumbatira no kubhejhari. Aadikani kusuwa kudai ariwese akatama kumukoka kumuzi kwake, ngo kuda kujivirira vo pa mbhuri yake. Asito abhabhatijwa unodikana kuzivisa mutungamiriri wo dare ro vakuru, kuti vaite nasiriro kuitira kujivirira vamweni vari kubhabhatijwa. Kudai mundhu wainga no ndhendha iri yese inopairirwana kareko esida kunamorari, zvaizova zvo ungwaru asito watanga woamba kuenda kozemenwa ku cipitari. Mukaita izvi, munonga mesikhombija kuti ‘amupsaki zvinomudakajisa basi, asi munopsaka zvinodakajisavo vamweni.’​—VaFiripi 2:4.

Kuhwirijra ko cijijo 56 ndima 2

 7. Shwiro jo Zvokutengeserana no Kutongesana

Kuti titame kuva no zvineso patinoita negoso no mundhu ari wese, zvaizova zvakanaka kusaina phepha lo citenderano no mundhuwo, azvinenyi kuti ihama kana kuti haiwa. (Jeremiya 32:9-12) Nguva imweni zvingaita kuti, Mukristu ano zvineso zviri zvese ngo pamusoro po mare no Mukristu umweni. Ivona vanodikana kutongesana zvinesozvo ngo kukasika ngo runyararo pamwe ngocavo basi.

Tingatongesa kudini shwiro jakadai inga kudyekerana no magumbu? (Verenganyi Mateu 18:15-17.) Jesu wakatijijisa kuti tinodikana kuita zviro zvitatu izvi:

Kumangara hama yedu ku tribhunari, izvi zvingaita kuti vandhu varangarire zvakashata, ngo pamusoro pa Jehovha no ungano. (1 VaKorinde 6:1-8) Asi kungava no mugariro imweni ingatodikana kuenda kutribhunari kuti itongwe. Mugariro jakhona jakadai inga kurambana, kuda kugara no vana vandhu povanorambana no mare yokusapota vana. Mukristu anoenda ku tribhunari kuti atonge shwiro jakadari inga iji kuti aite runyararo, aaripi kuphwanya ndhungamiriro jo mu Bhaibheri ari kuita zvaushoni.

Kudai kaitika shwiro jakakura maningi jakadari inga, kujipa, kuvatana no vana vadoko, kutakana, kubirana no kuurayana keni? Pa mugariro iji, Mukristu anoenda koomangara ku utongi, aaripi kushaisha iyena ari kuzwira mutemo jo mu Bhaibheri.

Kuhwirijra ko cijijo 56 ndima 3