CIJIJO 02
Bhaibheri Rinotipa Tarisiro Yakanaka
Munyika yese, vandhu vari kusangana no matambujiko akasiyana-siyana, ngo ndava yazvo zviri kuvaita kuti vagare vakanyangajwa, kuneseka no kuwajiwa. Pano zvamakambosangana nazvo zvakamuita kuti mujizwevo kudalo here? Dangani munondhendha yamunayo, kana kuti makatovha kutofirwa ngo mundhu wamunoda. Nguva jimweni mungatoguma pakulangarira kuti: ‘Matambujiko anozombopera here?’ Imwimwi munozodakala maningi ngo kuziva mupingulo wo muvhunjo uwu mu Bhaibheri.
1. Bhaibheri rinotipa tarisiro Yakadini?
Bhaibheri rinobhuya kuti ngenyi munyika muno matambujiko akawanda kudai, irona rino masoko akanaka okuti pasara nguva doko kuti matambujiko ese apere. Bhaibheri rinotithembesa kuva no ‘tarisiro yo ramangwana lakanaka.’ (Verenganyi Jeremiya 29:11, 12.) Zvarinotithembesa zvinotibesa maningi kuti tisaora mweyo patinosangana no matambujiko, irona rinotibesazve kuti tive no mudakalo zvino, no kusingaperi.
2. Bhaibheri rinotithembesenyi ngo ramangwana?
Bhaibheri rinotithembesa kuti ‘kunonga kusinazve kufa, nee kucema, nee kurija mbhere, nee kuwajiwa.’ (Verenganyi Zvakazarurwa 21:4.) Pasi pano, panonga pasisinazve zviro zvese zvakashata zvinoita kuti vandhu vatambujike, zvakadai inga—ulombo, kutama kuitirwa zvakanaka, kuwaja no kufa. Bhaibheri rinotithembesa kuti vandhu vanozodakala maningi ngo kurarama nokusingaperi mu paradhiso pasi pano.
3. Tingaitenyi kuti tithembe kuti zvese zvinobhuiwa ngo Bhaibheri zvinozoitika?
Vandhu vazinji vano tarisiro yo kuti zviro zvisazonaka mu nyika, asi avana cokwadi cokuti zvavanotarisiraro zvinozoitika. Asi zvinothembeswa ngo Bhaibheri zvinozoitika kamare. Tingaengejera kuthemba kedu kudai tikanasa ‘kujija Zvinyorwa zviri mu Bhaibheri.’ (Mabasa 17:11) Pamunonga mesijija Bhaibheri, munozovona zvarinobhuya ngo zvo ramangwana, ngokudaro zvaa kamuri kuti mungazvithemba kana kuti haiwa.
JIJANYI ZVIZINJI
Vonanyi zviro zvimweni zvinobuiwa ngo Bhaibheri kuti zvinozoitika muno ramangwana. Vonanyizve kuti tarisiro inobhuiwa mu Bhaibheri, ngo zvo ramangwana iri kubesera kudini vandhu mazuva ano.
4. Bhaibheri riri kupa vandhu tarisiro yo kuzorarama no kusingaperi vasikatambujiki
Vonanyi zviro zvinotevera zvinothembeswa ngo Bhaibheri. Nga zvipi zvigondiso zvamanyanya kudakarira? Ngenyi madalo?
Verenganyi mavhesi anotevera o zviro zvinothembeswa ngo Bhaibheri, mapeja bhuisananyi ngo muvhunjo jinotevera:
-
Mavhesi aya angakwanisa kumubesa kuti muve no tarisiro here? Munolangarira kuti mavhesi aya angapawo tarisiro hama no shamwari jenyu here?
Ambolangariranyi mesirarama munyika
|
ISINA MUNDHU . . . |
VANDHU VESE . . . |
|---|---|
|
|
|
|
|
|
|
|
|
|
5. Zvinothembeswa ngo Bhaibheri, zvingamubesera mu upenyu
Mazuva ano, vandhu vazinji vari kuora mweyo no kunyangajiswa ngo ndava yo matambujiko ari munyika. Vamweni vari kuita zvese zvavanokona kuti vacinje nyika kuti ive yakanaka. Vonanyi pa vhidhiyo inozari kuti zvigondiso zvinobhuiwa mu Bhaibheri zviri kubeseresa kudini vandhu vazinji mazuva ano. Vonanyi VHIDHIYO, mapeja bhuisananyi ngo muvhunjo jinotevera:
-
Mu vhidhiyo iyi, idambujiko ripi raisangana na Rafika?
-
Kunyati hazvo dambujiko iri arito kupera, Rafika wakabesereswa kudini ngo Bhaibheri?
Tarisiro iri mu Bhaibheri yo ramangwana ingatibesera kuti tisaora mweyo, no kuti tidakare pasinenyi no matambujiko atiri kusangana nawo. Verenganyi Zvirevo 17:22 na VaRoma 12:12, mapeja bhuisananyi ngo muvhunjo jinotevera:
-
Munolangarira kuti masoko o tarisiro ari mu Bhaibheri, angamubesera kuti muve no upenyu wakanaka mazuva ano here? Ngenyi madalo?
VAMWENI VANOTI: “Zvinothembeswa ngo Bhaibheri ngo zvo ramangwana zvakanaka, asi azviitiki.”
-
Ngenyi zvakanaka kuti muzvipsake mega kuti zvinothembeswa ngo Bhaibheri ngo zvokadi here kana kuti haiwa?
TAJIJENYI?
Tajija kuti Bhaibheri rinotipa tarisiro yo ramangwana lakanaka, tawonazve kuti rinotibesa kucungirira matambujiko ese atiri kusangana nawo patinonga tesilangarira ngo ramangwana lakanaka.
Muvhunjo jo Kuhwirijira
-
Ngenyi vandhu veida tarisiro?
-
Bhaibheri rinoti kudini ngo zvo ramangwana?
-
Tarisiro yo mu Bhaibheri ingamubesera kudini mazuva ano?
JIJANYI ZVIMWENI
Jijanyi zvimweni zvingamubesa kuti muve no tarisiro yo ramangwana lakanaka
“Tarisiro Ingatibesera Here?” (Mukai!, 8 ya Maio yo 2004, Mucishona)
Vonanyi kuti tarisiro yo ramangwana iri kubeseresa kudini vandhu vano ndhendha jisikarapiki.
“Bhaibheri Rinokwanisa Kumubesera Here Kudai Muno Dambujiko Routano?” (Iri mu saiti jw.org)
Pamunonga mesivona vhidhiyo iyi yo ngoma, rangariranyi muno mbhuri yenyu mesidakala muri mu paradhiso inothembeswa ngo Bhaibheri.
Vonanyi kuti mwanarume umweni, wairwira rugarisiko wo vandhu munyika, wakacinjisa kudini upenyu wake paakatanga kujija ngo zvotarisiro iri mu Bhaibheri yo ramangwana.
“Andisalangariri Kuti Ndinodikanazve Kucinja Nyika” (Nharireyomurindi, 1 ya Julho yo 2013)
