Mungada kuwana zvakawanda mujijo yenyu yo mundhu ega here? Imwimwi mungaeja mazano aya kuti mungava no ndau inobesera yo kujija:

• Khetanyi ndau yakanaka. Kudai zvesiita, psakanyi ndau yakarongeka uye yakajeka. Yemwi mungagala henyu pa cituru mumba, kana kuti mungagala henyu pa ndau yakanaka kunja.

• Psakanyi pakafishika. Jesu wakakheta kuita “mukumbiro mangwanani maningi” ari mu “ndau isina vandhu.” (Mak 1:35) Asi kudai zvakafishika zvenyu zvisikaiti, yemwi mungakona kuzivisa mbhuri yenyu kana vamweni vamunogala navo ngo pamusoro po ulongwa wenyu wo jijo no kukumbira mawonero avo.

• Mulangariro wenyu ngaugare pamwepo. Lambanyi zvinovhiringija. Kudai imwimwi mesishandisa foni kana kuti thabhreti pa kujija, mungazvikanda mumugariro wokuti zvitame kumuvhiringija. Kana mukalangarira zviro zvamunodikana kuita, mungapsaka po kuzvinyola kuti muzozviita mapeja kujija. Kana mesizvizwa maremba, ambozoloranyi mombohamba-hamba kuitira kuthwasanura makumbo.