Makamboneseka ngo kulangarira zvamajija here? Izvi zvinoitika katiri tese nguva yese. Zvicinyi zvingamubesa? Kuhwirijira mafundo anokosha.

Pamunojija nguva yese, emanyi mesilangarijisisa kuti muwone mafundo anokosha. Wonanyi kuti mupostori Pauro wakabesesa kudini vaya vaizolangarijisisa ngo pamusoro po tsamba yake paakati: “Iri ndirona fundo guru.” (VaH. 8:1) Ngokunyora izvi, mafundo aaiijijisa akabesa vayaeyi vake, uye kuzwisisa fundo rimwe nga rimwe kuti ramubesesa kudini.

Mungapeja 10 minutu pamunonga mapeja kujija kuti mulangarijisise mafundo anokosha. Kudai musingazvikoni, kulangarijisisa zvamajija mungasota zvimusoro zvokusimujira, no mafundo makuru omundima imwe nga imwe kuti zvimuitire nyore kuejurira. Kulangarijisisa mafundo anokosha azvimubesi basi kuti muzvilangarire, asi zvinomubesawo kuti mujekerwe maningi ngo masoko akona, kuti anoenderana papi no upenyu usingaperi.