NGOMA jaikosha maningi mu tsika yo Israeri yokare. Bhaibheri rinobhuya zvakajeka ngo pamusoro po vandhu vairija zvirijwa vesiemba. Divi rimweni lo Bhaibheri lakaumbwa ngo ngoma. Inga muezaniso bhuku ramapisarema, Rwiyo Rwasoromoni uye Mariro. Bhuku rimweni rinobhuya ngo pamusoro po upenyu wo munguva jo Bhaibheri rinokhombija zvakajeka kuti “vaisraeri vaishandisa ngoma pazvese zvavaiita muupenyu wavo wese.”

Ngoma jo zuva ngo zuva. VaIsraeri vairija ngoma kuti vakhombije mazwiro avo. (Isaya 30:29) Vanakaji vairija Zvingoma vesiemba ngoma jinodakaja vesitamba pambhemberero, Inga muezaniso paigajwa mambo, masoca paiiwina kuhondo kana kuti mutambo jo kunamata. (Vatongi 11:34; 1 Sam. 18:6, 7) VaIsraeri vaiembazve vesikhombija kuwajiwa panofa ari wese. (2 Mak. 35:25) Pasina kukaya-kaya, “Vahebheru vainga mbhuri yaiemba,” inga zvinobhuiwa mumabhuku aya anozwi states McClintock uye Strong’s Cyclopedia.

Ngoma jo Umabo. Majimambo o Israeri aidakarira maningi ngoma. Inga muezaniso mambo Sauro wakatora Dhavhidhi kuti aende naye kaaitongera kuti oomurijira mbhaya paya. (1 Sam. 16:18, 23) Nguva yakazotevera Dhavhidhi paakava mambo, Iyena wakaumba mathurusi okuzorija ndiwona ngoma, wakanyora zviro zvinodakaja uye wakaronga kuti vaembi vazoemba pa themberi ya Jehovha. (2 Mak. 7:6; Amo 6:5) Mambo Soromoni wainga no vaembi vo vanarume no vanakaji maiitongera.—Pis 2:8.

Ngoma jokunamata. Zvinokosha ngozvokuti vaIsraeri vaishandisa ngoma iji kuitira kuti vanamate Jehovha, Kuti tizvizwisise zvakajeka, vanarume vanokwana kuita 4.000 vairija ngoma muthemberi ku Jerusarema. (1 Mak. 23:5) Ivona vairija zvirijwa zvakanasirirwa ngo simbi uye mbhaya paya. (2 Mak. 5:12) Asi ivona avasainga vega vainamata Jehovha vesiemba ngoma. VaIsraeri vakawanda vaiemba ngoma vesienda ku Jerusarema kumutambo uri wese. (Pis 120-134) Jimweni jakona jaidanijwa kuti ngoma jakakwirira, maererano no mabhuku amweni, Vaisraeri vaiemba mapisarema o Hallel a kana kuti ngoma jinokuja Jehovha panguva yo Phasika.

Ngoma jinoenderera mberi jesikosheswa ngo mbhuri ya Mwari. (Jos. 5:13) Kuemba kunoita divi mukunamata kedu. (VaE. 5:19) Yesu tinova phedo no hama no hanzvaji jedu paya patinoemberaya ngoma Jehovha tiri pamwepo. (VaK. 3:16) Izvi zvinotivangisa maningi paya patinosangana no mugariro unonesa. (Mab 16:25) Pasina kukaya-kaya, ngoma maitire akanaka atingakhomija ndiwona kutenda kedu kuna Jehovha no rudo latinalo kaari.