Nguva imweni vamweni vedu, mungawona zvesinesa kulanagarira zviya zvamunojija. Asi zvakareruka kulangarira zvakawanda zvakajijiswa ndi Jesu ngokuti iyena waishandisa muezaniso. Imwimwi mungalangarijisisa zvakabhuiwa ndi Jesu. Kuita kudalo kunozomubea kuti mulangarire zvaakajijisa. Mukutojanawo, imwimwi mungalangarira zvamunonga majija ngokuita madhezenyo amunowona. Mungazviitisa kudini izvi? Ngo kudhezenyari mafoto pamunonga mecijija.

Vandhu vanoita madhezenyo o zviro zvipsa zvavanonga vajija kakawanda vanonasa kulangarira ngo pamusoro pazvo. Kudhezenyari mafoto kunovabesa kunasa kuzwisisa haiwa basi magama asi mafundo anokosha o zviro zvavari kujija. Madhezenyo avanoitari asipi o basa riri rese, asi akareruka no kukasika kuzwisisa. Zviri kuwoneka inga kuti vasharuka vari kubesereka maningi.

Pamunozojija, imwimwi mungaeja kuita madhezenyo manganani o zviro zvamunonga mesijija. Imwimwi munozoshamiswa maningi ngo maitire amunozokwanisa kulangarira zvamunonga majija!