1 Vatesaronika 3:1-13
3 Patainga ticikakwanisi kucijikira, takavona kuti zviri nane kugara tega ku Atena.
2 Itusu takatuma Timoti hama yedu no mushandiri wa Mwari pakutokotesa masoko akanaka ngo pamusoro pa Kristu, kuti amuvangise no kumutondhoja ngo pamusoro po rutendo hwenyu,
3 kuti patame anozungunyiswa ngo ndava yo matambujiko aya. Ngokuti imwimwi kamare munonasa kuziva kuti itusu atikwanisi kumbzenga matambujiko aya.
4 Ngokuti patainga na imwimwi, taimuvhunja kuti tinozotambujika, izvi ndizvona zviri kuitika inga zvamunoziva.
5 Ngo ndava yazvo, pandainga ndicikakwanisi kucijikira, ndakamutuma kuti ndizwe ngo pamusoro po kugondeka kwenyu, ngokuti ndaithya kuti Mueji waizomueja, kushanda kwedu ngo simba koita kwa mahara.
6 Asi Timoti wavha kuguma wari ecivha kondhoyo, wotivhunja masoko akanaka ngo pamusoro po kugondeka kwenyu no rudo hwenyu, wonangazve kuti mukuvo wese muri kuenderera mberi meciticeuja, mecida maningi kutivona inga zvatinoda maningi kumuvona.
7 Hama jinodiwa, kugondeka kwenyu kwaitinyaraja pa zvineso zvedu no matambujiko edu.
8 Ngokuti itusu tinodakajihwa kudari mukagara makavanga inga vateveri va Mambo.
9 Tingatatijisa kudini kubonga kwedu kuna Mwari, ngo kukura ko mudakaro watinawo pamberi pa Mwari ngo pamusoro penyu?
10 Usiku no masikati, tinoita mukumbiro tecideketera ngo mwoyo wese kuna Mwari, kuti tize kuzomuvona kudari zvikakwanisika no kuzajisa zviri kukaraira pa rutendo hwenyu.
11 Mwari wedu na Baba wedu pamwepo na Mambo Jesu, ngavatifunungurire gwanja kuti tiviyeyo.
12 Kusiyapo izvo, Mambo ngaaengejere rudo hwenyu, ngaaite kuti rudo hwenyu hufashukire ku umwe no umweni no ku vese, inga zvahunoitavo rudo hwedu kwamuri,
13 kuti avangise mwoyo yenyu, muve mucina ndava, muno uceni pamberi pa Mwari wedu na Baba, pakuvepo kwa Mambo wedu Jesu no vandhu vake vakacena.
