Amosi 3:1-15
3 “Izwanyi soko iri rakabhuiwa ndi Jehovha ngo ndava yenyu, imwimwi vandhu vo Iziraeri, ngo pamusoro po mbhuri yese yandakabudisa mu nyika yo Ejipita.
2 ‘Pakati po mbhuri jese jo pa nyika, inini ndakaziva imwimwi basi.
Ngo kudaro, ndinozomutonga ngo ndava yo kuposa kwenyu kwese.
3 Kureva kuti vandhu vaviri vangaita vese hwendo vacikazivi kumbopangana* here?
4 Kureva kuti mbhondoro ingabhonga mushango* icikazivi kubata ciri cese here?
Kureva kuti cimbhondoro cingabhonga mu ndau yaco yacinogara cicina ciro?
5 Kureva kuti shiri ingabatwa ngo murau* pacina wauteya here?*
Kureva kuti murau ungasambhunyika* pacina cowabata?
6 Mbayapaya ikarira mudhorobha, vandhu avatetemeri?
Mudhorobha mukaitika dambujiko, asipi Jehovha anonga wariviisa?
7 Ngokuti Mambo Mukuru-kuru Jehovha, aazoiti ciri ceseAcizivi kuzivisa cakafisika ku vashandiri vake, vaporofeti.
8 Mbhondoro ikabhonga, ndiyani acingathyi?
Mambo Mukuru-kuru Jehovha akavereketa, ndiyani acikazoporofeti?’
9 ‘Zivisanyi izvi mu mupfimbiji jakavangiswa jo AshidhodhiNo mupfimbiji jakavangiswa jo nyika yo Ejipita.
Mecinanga kudari: “Ungananyi mu matundhu o Samariya;Vonanyi zviri kuitikemoMuno joweyowe no umbavha uri kuitikemo.
10 Ngokuti ivona avakwanisi kuziva kuita zvakarungama.” Izvi ndizvona zvinonanga Jehovha,“Ivona vari kuzaja mu mupfimbiji javo jakavangiswa ngo ugevenga no kuuraya vandhu.”’
11 Ngo kudaro, Mambo Mukuru-kuru Jehovha anonanga kudari:‘Nyika iyi inozotendenejwa ngo muvengi,Iyena anozokutorera simba rako,No mupfimbiji jako jakavangiswa, jinozotohwa.’
12 Jehovha anonanga kudari:‘Inga muhavisi anotorera mbhondoro pamuromo payo mutezo muviri no dimbu ro njeve,Ndizvona zvinozoitikavo no vandhu vo Iziraeri,Wari vari kugara mu Samariya, vakagara pakama javo jaushoni no zvigariro zvakanaka.’*
13 ‘Izwanyi no kuzivisa nyumba ya Jakobe.’ Izvi ndizvona zvinonanga Mambo Mukuru-kuru Jehovha, Mwari wo hondo.
14 ‘Ngokuti pa njiku yandinozotonga Vaiziraeri ngo ndava yo zviito zvavo zvokupanduka,Ndinozophwanyavo artari jo Bheteri;Nyanga jo artari jinozotemwa jowa pasi.
15 Ndinozophwanya nyumba jo mukuvo wokutondhora* no nyumba jo mukuvo wo cirimo.’*
‘Nyumba jakaizwa ngo nyanga jo njou, jinozophwanywa,Nyumba jakawanda, jinozongarangara.’ Izvi ndizvona zvinonanga Jehovha.”
Masoko o Pasi
^ Kana: “kumbozwanana.”
^ Kana: “mugwasha.”
^ Kana: “muravo.”
^ Kangaije: “pacina nyambo pamuraupo?”
^ Kana: “ungasvombhoka, ungasambanyuka.”
^ Kana: “zvigariro zvakanaka zvo Dhamasko.”
^ Kana: “wocipepo.”
^ Kana: “mayanga.”
