Amosi 8:1-14
8 Mambo Mukuru-kuru Jehovha wakandikhombija izvi: Inini ndakavona citengu co* mucero yo mukuvo wo cirimo.*
2 Iyena wakandivhunjisa kuti: “Uri kuvonenyi, Amosi?” Inini ndakamudavira kudari: “Ndiri kuvona citengu co* mucero yo mukuvo wo cirimo.”* Ngo kudaro, Jehovha wakati: “Njiku iri kuguma yokuti vandhu vangu Vaiziraeri vanozopanicwa. Andizovaregererizve.
3 ‘Mu njiku yondhoyo, ndumbo jo mu themberi jinozocinja jova macumbiro.’ Izvi ndizvona zvinonanga Mambo Mukuru-kuru Jehovha. ‘Kunozova no mutembo* jakawanda, jakandhandhanika pasi pese zvokuti kunozosara kwakati, zii!’
4 Izwanyi izvi imwimwi munocikirira varomboMeciuraya vandhu vakapfava pa nyika,
5 Imwimwi munoti: ‘Unozopera rini mutambo wo kugara ko mweji kuti titengese mbeu jedu?Sabudu rinopera rini kuti titengese mbeu jedu?
Kuti tipungure mupimo wo efa* no kuengejera shekeri,*Kuti tikwanise kubira vandhu ngo bharansa ro kucengejera;
6 Kuti titenge vandhu vanotambujika ngo sirivhaVarombo ngo sandariya mbiri,*No kutenga makoto.’*
7 Jehovha wakapika ngo ndava yo kujikuja ka Jakobe eciti:‘Andizokanganwizve zvese zvovakaita.
8 Ngo ndava yazvo, nyika iyi inozotetemera,Vagari vayo vese vanozocumba.
Nyika yese aizoiti inga murambo wo Niro uri kuzara here?Iyona inozara no kuphwa inga murambo wo Niro uri Ejipita.’
9 Mambo Mukuru-kuru Jehovha anonanga kudari: ‘Mu njiku iyo,’‘Ndinozoita kuti zuva rivire no masikati,Ndinozoitisa cidima pasi pese no masikati.
10 Ndinozocinja mutambo yenyu yova ciriroNdumbo jenyu jese kuva macumbiro.
Ndinozosimija zvihunu zvenyu zvese* ngo bendera ro saku, ndoita kuti musoro jenyu jese jipahwe;Ndinozoita kuti mucumbe inga mafihwa ngo mwana umwe ega,Magumo o zvese, anoita inga njiku inovava.’
11 Mambo Mukuru-kuru Jehovha anoti: ‘Izwanyi! Jinozoviya njiku,’‘Pandinozoviisa njara panyika,Njara iyi asipi yo zvokuha, nee nyota yo kumwa,Asi ngo yo kuzwa masoko a Jehovha.
12 Vanozoherereka kuvha ku jombe rimwe, kwenda ku rimweniKuvha kumavirira, kwenda kumavhazuva.
Vanozopsaka soko ra Jehovha pa ndau yese, asi avazoriwani.
13 Pa njikuyo, vasikane* vakaseja* vanozoti kapata,Kubatanijavo no majaha, ngo ndava yo nyota;
14 Vaya vanopika ngo cishaishi co Samariya veciti:“Na Mwari wako anopona, iwewe Dhani!”
Vecitizve “Tinopika ngo zina ro ku Bheri-shebha”
Vanozowa, avazomukizve.’”
Masoko o Pasi
^ Kana: “sesto yo.”
^ Kana: “mayanga.”
^ Kana: “sesto yo.”
^ Kana: “mayanga.”
^ Kana: “mutembe, muviri jo vandhu vakafa.”
^ Vonanyi Masoko Okuengejera B14
^ Vonanyi Masoko Okuengejera B14
^ Kana: “magwada maviri.”
^ Kana: “mapwepwe.”
^ Kana: “mbhata jenyu jese.”
^ Kana: “mbhandwe jakaseja jinozoti.”
^ Kana: “vakanyara.”
