Amosi 9:1-15
9 Inini ndakavona Jehovha wakaima panyezuru po artari wonanga kudari: “Zungunyisai njiki no musoro yajo. Nyumba yese inozotetemera yozophwanyika. Gurai musoro yavo. Inini ndinozouraya ngo banga vandhu vanosara, apana anozokwanisa kutiza, apana anozopona.
2 Kudari vakaca mbhera ku Guva,*Nyara yangu inozovatora kuvha mondhomo;Kudari vakatizira kumatenga,Ndinozovabzusa kuvha kondhoyo.
3 Kudari ivona vakavanda* panyezuru po dundhu ro Kameri,Inini ndinozovapsanga pondhopo ndozovatora.
Kudari vakandivanda* pasi po jombe,Inini ndinozovatumira nyoka yozovaruma.
4 Kudari vakatohwa ngo vavengi vavo,Inini ndinozovatumira banga kondhono rozovauraya;Ndinozovaringisa kuti vawane zvakashata, haiwa zvakanaka.
5 Ngokuti Mambo Mukuru-kuru Jehovha, Mwari wo hondo, Ndiyena anobata nyika iyi,Zvoita kuti iyona inyunguruke. Vagari vayo vese vanozocumba,Iyona inozozara inga murambo wo Niro,Inozophwa inga murambo wo Niro uri ku Ejipita.
6 ‘Wiya anovaka sikada yake kumatengaWovaka nyumba yake kumatenga;Wiya anodanija kumwa yo mujombeKuti aidururire pasi pano.Zina rake ndi Jehovha.’
7 Jehovha anonanga kudari: ‘Imwimwi Vaiziraeri amuzivi kuezana no vana va Kushi here?’
‘Andizivi kumubudisa mu nyika yo Ejipita?No nyika yo Vafiristi mu Kreta, no nyika yo Siriya mu Kiri?’
8 ‘Izwanyi! Majiso a Mambo Mukuru-kuru Jehovha ari panyezuru po umambo unoshaisha,Iyena anozopeja pasi pano.
Asi anozophwanya-phwanya nyumba yese ya Jakobe.’ Izvi ndizvona zvinonanga Jehovha.
9 ‘Izwanyi! Ndinodira mutemo,Ndinozopepeta Iziraeri pakati po majinja ese,Inga kupepeta kunoita mbhade,Apana cipuwe cinombhwera pasi.
10 Vanozofa ngo banga vashaishi vese vari pakati po vandhu vangu,Vanonanga kudari: “Dambujiko arizotigumiri nee arizotiwani.”’
11 ‘Mu njiku yondhoyo, ndinozomusa tende ya Dhavhidhi yakawa,Ndinozonasirira mwakaphwanyika,Ndinozovakisazve mu mathere;Ndinozoivakisa, yohwirirazve inga zvoyainga yakaita kare.
12 Kuti vatore zviro zvakasara zvo mu Edhomi,No zvo majinja ese anodanijwa ngo zina rangu.’ Izvi ndizvona zvinonanga Jehovha ari kuitari zviro izvi.
13 ‘Izwanyi! Jiri kuguma njiku.’ Izvi ndizvona zvinonanga Jehovha,‘Murimi paacatanga kurima, mukotori acito apera kukotora,Nguva yo kuvhisa uvha painonga iciguma, uvha jicito japera kucikwa-cikwa;Matundhu anozodondha vhinyu inotapira,Zvimatundhu zvese zvinozozara ngo vhinyu.
14 Ndinozohwirija vandhu vangu kuvha ku nyika yovakatohwa,Ivona vanozovakisa madhorobha akaita mathere, vozogaremo;Vanozorima muuvha vozomwa vhinyu yajo,Vanozorima munda, vozoha mucero yajo.’
15 ‘Inini ndinozovasima mu nyika yavo,Ivona avazovhitwizve*Mu nyika yondakavapa.’ Izvi ndizvona zvinonanga Jehovha, Mwari wako.”
Masoko o Pasi
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “vakafindara.”
^ Kana: “vakandifindarira.”
^ Kana: “avazobzuhwizve.”
