Genesisi 10:1-32
10 Zvakaitika mu upenyu hwo vana va Nowa, Semi, Kami na Jafeti nga izvi:
Ivona vakabara vana, Ndambi* noyapera kuitika.
2 Vana va Jafeti nga ava: Gomeri, Magogi, Madhai, Javhani, Tubhari, Mesheki na Tirasi.
3 Vana va Gomeri nga ava: Ashikenazi, Rifati na Togarima.
4 Vana va Javhani nga ava: Erishaa, Tarishishi, Kitimi na Dhodhanimu.
5 Kuvhira ku vandhu ava, vagari vo kuzvirundhu vakandhandhanika mu nyika javo, mukuzwirana no mavereketero avo, mbhuri javo no majinja avo.
6 Vana va Kami nga ava: Kushi, Miziraimi, Puti na Khanani.
7 Vana va Kushi nga ava: Sebha, Havhira, Sabhita, Raama na Sabhiteka. Vana va Raama nga ava: Shebha na Dhedhani.
8 Kushi wakabara Nimirodhi. Nimirodhi wakava mutungamiriri* wo kutanga pasi pano.
9 Iyena wakava muvengi mukuru waizondana na Jehovha. Ndizvona zvakaitisa kuti vandhu vave no mushambo wokunanga kudari: “Iwewe wakatojana na Nimirodhi muvengi wa Jehovha.”
10 Umambo hwake hwakatangira ku* Bhabheri, Ereki, Akadhi no Karine mu nyika yo Shinari.
11 Paakavha mu nyika iyi wakaenda Asiriya wovaka dhorobha ro Ninivhe, Rehobhoti-Iri, Kara
12 no Reseni riri pakati no pakati po Ninivhe no Kara: Iri i dhorobha guru kamare.*
13 Miziraimi wakabara Rudhi, Anamimi, Rehabhimi Nafutahimi,
14 Patirusimi, Kasarukimi na Kafitori. Vafiristi vakabahwa ndi Kasarukimi.
15 Khanani wakabara Sidhoni dangwe rake na Hiti
16 kubatanijavo no Vajebhusi, Vaamori, Vagirigashi,
17 Vahivhi, Vaariki, Vasini,
18 Vaarivhadhi, Vazemari no Vahamati. Kuvhira pondhopo, mbhuri yo Vakhanani yakaparajanika.
19 Ngo kudaro, nyika yo Vakhanani yaikura kuvha ku Sidhoni mbhera Gerari phedo no Gaza yoenda mbhera Sodhoma, Gomora, Adhima no Zebhoimi phedo no Rasha.
20 Ava ndivona vakava vana va Kami mukuzwirana no mbhuri javo, ndimi javo, nyika javo no majinja avo.
21 Semi munukuna* wa Jafeti cekuru wo vana vese va Ebheri wakavavo no vana.
22 Vana va Semi nga ava: Erami, Asuri, Arifashadhi, Rudhi na Arami.
23 Vana va Arami nga ava: Uzi, Haru, Geteri na Mashi.
24 Arifashadhi wakabara Shera. Shera wakabara Ebheri.
25 Ebheri wakabara vana vaviri. Wokutanga waidanijwa kuti Peregi ngokuti mu mukuvo wake, nyika yakaparajaniswa. Wocipiri waidanijwa kuti Jokitani.
26 Jokitani wakabara Arimodhadhi, Sherefi, Azamavheti, Jera,
27 Adhoramu, Uzari, Dhikira,
28 Obhari, Abhimaeri, Shebha,
29 Ofiri, Havhira na Jobhabhi. Vese ava vakava vana va Jokitani.
30 Ndau yovaigara yaivhira ku Mesha mbhera Sefari, ku dundhu ro Kumavhazuva.
31 Ava ndivona vakava vana va Semi mukuzwirana no mbhuri javo, ndimi javo, nyika javo no majinja avo.
32 Iji ndijona jakava mbhuri jo vana va Nowa mukuzwirana no mubarihwana javo no majinja avo. Kuvhira kovari, majinja akatanga kundhandhanika pasi pese pasure po Ndambi.*
Masoko o Pasi
^ Kana: “guwe.”
^ Kana: “ano simba.”
^ Kana: “umambo hwake hwakatangira ku madhorobha o kutanga anozwi:”
^ Kangaije: “aya aiumba dhorobha guru kamare.”
^ Mucihebheru vhesi iyi inotenderazve kuti izike inga kuti Semi wainga dhodha kupinda Jafeti.
^ Kana: “guwe.”
