Isaya 16:1-14
-
Masoko o rutongeso kuitira Mowabhi anoenderera (1-14)
16 Tumiranyi vhuta ku mutongi wo nyikeyo,Recivha ngo ku Sera ropinda ngo mucipareRecienda ku dundhu ro mwana wokaji wo Ziyoni.
2 Inga shiri jagogomehwa mu saki yajo,Ndizvona zvinozoitikavo no vana vokaji vo Mowabhi mu ndau jinoambukihwa jo Arinoni.
3 “Ipai mazano, itai zvakasungwa.
Itai kuti munvuriri wako wo masikati uezane no usiku.
Vigai vandhu vakandhandhanika, wotama kucengeja vatizi.
4 Iwewe Mowabhi, vandhu vangu vakandhandhanika ngavagare pakati pako.
Ivai ndau kuti ivona vatiziremo ngo ndava yo muparaji,
Mubzinyiriri anozoguma kumagumo,Kuparaja kunozopera,Vaya vanocika-cika vamweni vanozongara-ngara pa nyika.
5 Cigaro co umambo cinozovangiswa ngo rudo hucikacinji.
Wiya anozocigarira mu tende ya Dhavhidhi anozova akagondeka;Iyena anozotonga ngo ururami no kuita zviro zvakanaka ngo kukasika.”
6 Takazwa ngo pamusoro po kuzvikuja kwa Mowabhi. Iyena anozvikuja maningi.Takazwa ngo pamusoro po kuzvikukumuja kwake, kuzvikuja kwake no ushungu hwake;Asi masoko aanobhuya aabesi ciro.
7 Mowabhi anozocumba ngo ndava yo dambujiko rake;Vese vanozodeketera.
Vaya vanozotakwa, vanozocema ngo ndava yo mabhoro o ku Kiri-hareseti.
8 Ngokuti munda jo Heshibhoni jakavoma,Pamwepo no muuvha wo Sibhima,Vatongi vo majinja vakacika-cika matavi awo ainga ano uvha jokupsuka;Jainga jakaguma mbhera ku Jazeri;Jotambanukira mucipare.
Zvimatavi zvawo zvainga zvakandhandhanika mbhera zvoguma ku jombe.
9 Ndizvona zvinondiitisa kuti ndiceme ngo ndava yo muuvha wo Sibhima inga macemere andinoita Jazeri.
Iwewe Heshibhoni na Ereyare ndinozomudirijira ngo musoji yangu,Ngokuti kukhuwa ko mudakaro kwapera ngo ndava yo mucero jenyu jo mukuvo wocirimo no mukuvo wokukotora.
10 Mudakaro no mutambo zvangara-ngara mu munda wo mucero,*Akucina mumbo yo mudakaro no mutambo munda yo muuvha.
Amucacikwi uvha mu ndau yokusvinira uvha,Ngokuti ndakapeja mudakaro.
11 Ndizvona zvinondiitisa kuti mwoyo wangu undhyandhye ngo pamusoro po Mowabhi,Inga shinda jo cimadangari,Mukati mwangu mudhyandhye ngo pamusoro po Kiri-hareseti.
12 Pikija Mowabhi akaremba ngo ndau jake jakakhwirira, wonghwina mu ndau yake yakacenesesa kuti aite mukumbiro, iyena aazowani ciri cese.
13 Aya ndiona masoko akanangwa kare ndi Jehovha ngo pamusoro po Mowabhi.
14 Wari Jehovha anonanga kudari: “Mukati mo makore matatu, makore akaezana no o mundhu anoshanda kuti apocehwe, nduma yo Mowabhi inozopera ngo ndava yo joweyowe ro vandhu vazinji. Vandhu vanozosara vanozoita vashoma maningi, vacina simba.”
Masoko o Pasi
^ Kana: “cau.”
