Isaya 17:1-14
17 Masoko o rutongeso kuitira Dhamasko:
“Vonanyi! Dhamasko arizovizve dhorobha,Rinozoita mututu wo mapuwe.
2 Madhorobha o Aroweri anozogara acina vandhuIwona anozova ndau yokuvatira mushambiPacina mundhu anoithyisa.
3 Madhorobha akavangiswa aacazowanikizve ku Efraimi,Umambo aucazowanikizve ku Dhamasko;Vaya vanozosara vo Siriya
Vanozova no rukujo wakaezana no wo Vaiziraeri,” izvi ndizvona zvinonanga Jehovha wo hondo.
4 “Pa njiku yondhoyo, kukujwa kwa Jakobe kunozopunguka,Muviri wake unozovonda.
5 Zvinozoita inga pa mukuwo apo mukotori anokotora mucece,Mukono wake unobojera musonjoti,Inga zvinoitika no mundhu pa mukuvo waanobojera mucece jakasara mu Bani ro Refaimi.
6 Kunozosara basi zviro zvakambhwera kuti zvibojehwe,Inga pa mukuvo unozuzwa maorivhe:
Maorivhe maviri kana matatu akaivha, ndiwona basi anozosara pa davi rakareba maningi,Maorivhe marongomuna kana mashanu ndiwona basi anozosara pa davi ravo rinobara,” izvi ndizvona zvinonanga Jehovha Mwari wo Vaiziraeri.
7 Pa njiku yondhoyo, vandhu vanozoringisa Musiki wavo. Majiso avo anozoenderera mberi akasota Mucena wo Iziraeri.
8 Avazoringisi artari, basa ro nyara javo. Avazoendereri mberi vecisota zviro zvakaizwa ngo zvikunwe zvavo, zvakadari inga njiki jakaceneswa no artari jo rubani.
9 Pa njiku yondhoyo, madhorobha avo akavangiswa anozoita inga ndau yakasiiwa yo mugwasha,Inga davi rakasiiwa pamberi po Vaiziraeri;Panozosara pacina ciro.
10 Ngokuti iwewe wakanganwa Mwari wo ruponeso hwako;Wakakanganwa Buwe rakakuvangisa.
Ndizvona zvinokuitisa kuti urime munda jakanakaWodiremo davi ro* munyikanja.
11 Comasikati unonasa kutendeneja munda wako,Comangwanani unoita kuti mbeu imere,Asi kukotora kunozopera pa njiku yo ndhendha no kuhwajihwa kucikarapiki.
12 Izwanyi! Pano vandhu vakawanda vari kuita bope,Ivona avazivi kugajana inga jombe!
Kuno joweyowe ro majinjaKuvhuma kwaro kwakaita inga kuvhuma ko kumwa ino simba!
13 Majinja ari kuvhuma inga kumwa yakawanda.
Iyena anozomanyaraja, iwona anozotiza kwenda ndhambo,Anozondhandhaniswa inga ushwa watohwa ngo mbhepo mu matundhu,Inga sora rakavoma ratohwa ngo zibepo.
14 Pa kuvira ko zuva kunova no kuthya kukuru.
Kunozoeja, ivona vanonga vacipo.
Iyi ndiyona ndhaka yo vandhu vaitibiraIzvi ndizvona zvinozopuwa vaya vaititorera zviro zvedu.
Masoko o Pasi
^ Kana: “ra mwari wo nyikanja.”
