Isaya 20:1-6
-
Citatijo kuitira Ejipita no Etiyopiya (1-6)
20 Mu gore rakatumwa Taritani* kwenda ku Ashidhodhi ndi Mambo Sarigoni wo Asiriya, wakaenda koohwisa nyika yo Ashidhodhi woitora.
2 Pa mukuvo wondhowo, Jehovha wakavhunja Isaya Mwana wa Amozi Kudari: “Endai, uvhise mapendera o saku ari mucihunu mako, vhurai sandariya jiri mu soka mako.” Iyena wakazviita wofamba mitu* acinazve sandariya.*
3 Tevere Jehovha wakati: “Mushandiri wangu Isaya wakafamba mitu acinazve sandariya ko makore matatu inga citatijo no ciziviso co zviro zvinoda kuitikira Ejipita no Etiyopiya.
4 Ngo maitiro akafanana, mambo wo Asiriya anozoenda no vasungwi vo Ejipita no varanda vo Etiyopiya, majaha no vasharuka vari mitu vacinazve sandariya.* Vano matako ari pambhene, uri* umitu wo Ejipita.
5 Vaya vaithemba Etiyopiya no kuzvikuja ngo pamusoro po Ejipita, vanozothya no kupseruka.
6 Vagari vo nyika iyi yakatendenejwari ngo kumwa, vanozonanga pa njiku yondhoyo kudari: ‘Vonanyi zvaitika na vaya vataithemba. Kwatakatiziraya kuti tibesehwe no kuponeswa mu nyara ja mambo wo Asiriya! Tinozoponesa kudini wari?’”
Masoko o Pasi
^ Kana: “mutungamiriri wo masoca.”
^ Kana: “acizivi kunasa kusimira ushoni.”
^ Kana: “magwada.”
^ Kana: “magwada.”
^ Kana: “kuri kupserujwa ko.”
