Isaya 26:1-21
26 Pa njiku yondhoyo, mu nyika yo Judha munozoimbiwa ndumbo iyi:
“Tino dhorobha rakavanga.
Irona rinotiponesa ngo mupfimbiji jaro no zviro zvaro zvinojivirira.
2 Fununguranyi musuvo kuti jinja rakarurama ringhwine,Jinja riri kuenderera mberi rino mufambiro wakagondeka.
3 Imwimwi munozongwarira vaya vanonasa kumuthemba;Munoenderera mberi mecivapa runyararo,Ngokuti ivona vanothemba imwimwi.
4 Thembanyi Jehovha mukuvo wese,Ngokuti Jehovha,* Jehovha ndiyena Buwe ricina magumo.
5 Ngokuti iyena wakadodokesa vaya vaigara mudenga mu dhorobha rakakhwira.
Iyena anoriwisa,Iyena anoriwisa pasi;Worikhandira mu bukuta
6 Irona rinozocikwa-cikwa ngo soka jo varombo,No mudanyu jo vandhu vakaderera.”
7 Gwanja ro mundhu wakarurama, rakarungama.
Zvecivoneka kuti imwimwi makarungama,Munozoita kuti gwanja ro mururami rive rakarungama.
8 Jehovha, patinofamba mu gwanja renyu rakarurama,Vetero yedu ina imwimwi.
Mwoyo yedu inoda zina renyu, itusu tinoda kuriceukija.
9 Cousiku, ndinomupsanga ngo mwoyo wangu wese,Hina, ngo mwoyo wangu wese ndinoenderera mberi ndecimupsaka;Ngokuti pamunotonga nyika,Vagari vayo vanozojija kuita zviro zvakarurama.
10 Pikija mundhu wakashata akaitihwa unyasha,Iyena aazojiji ururami.
Pikija ari mu nyika yo vandhu vakarungama, iyena anozoita zvakashata,Wozotama kuvona ukuru hwa Jehovha.
11 Jehovha, nyara yenyu yakamuka, asi ivona avaripi kuivona.
Ivona vanozovona kungwaririra kwamunoitira vandhu venyu, vozopserujwa.
Hina, muriro wakavigihwa vavengi venyu unozovapisa.
12 Jehovha imwimwi munotipa runyararo,Ngokuti ndimwi munotiitiraZviro zvese zvatinoita.
13 Jehovha Mwari wedu, majimambo amweni kunja ka imwimwi akatitonga,Asi itusu tinokuja zina renyu basi.
14 Ivona vakafa, avazorarami.
Ivona avana simba mu rufu, avazomuki.
Ngokuti imwimwi makarangarira ngo pamusoro pavoKuti muvapeje no kupfujura zviro zvese zvovakaita.
15 Imwimwi Jehovha, makaita kuti jinja rikureMakaita kuti jinja rikure;Makaita kuti imwimwi mukujwe.
Makaengejera mugano yese yo nyika ino.
16 Jehovha, ivona pavaitambujika vakaviya komuri;Pamakavapangira, vakaita mukumbiro vecimuvhunja zviro zvese, vecimudeketera.
17 Jehovha, inga zvinoitika no mwanakaji ano mimba ari kusurungumwaEcikhuwa ngo kuhwajihwa paanonga ecida kubara,Uu ndiwonawo mugariro wedu ngo ndava yenyu.
18 Itusu takava no mimba, tohwajihwa kuti tibare,Asi takaita inga takabara mbhepo.
Nyika iyi atizivi kuiviisira ruponeso,Apana ari kubahwa kuti aigare.
19 “Vakafa venyu, vanozoraramazve.*
Mutembo* yo vandhu vangu inozomuka.
Mukanyi mukhuwe ngo mudakaro,Imwimwi munogara mu bukuta!
Ngokuti veto renyu, rakaezana no veto ro mangwanani.Nyika inozoita kuti vaya vacina simba mu rufu, vavezve no upenyu.
20 Endanyi vandhu vangu, munghwine mu nyumba jenyu,Mufunge musuvo sure kwenyu.
Mufindare pa mukuvo mudokoMbhera ushungu wangu upinde.
21 Vonanyi, Jehovha ari kubuda pa ndau yakeKuti atonge vagari vo nyika iyi ngo ndava yo kuposa kwavo,Nyika iyi inozobudisa pambhene sangi yoyakapopomejaIyona aizofukijizve vakafa vayo.”
Masoko o Pasi
^ Gama ngo Gama: “Jah.” Uku kugurisihwa ko zina ra Jehovha.
^ Kana: “vanozoponazve.”
^ Muviri wo mundhu wakafa.
