Isaya 34:1-17
34 Khwederanyi phedo muzwe, imwimwi majinja,Nasanyi kuteya njeve imwimwi vandhu.
Nyika no zvese zvirimo ngazvizwe,Nyika no zvese zvinogaremo.
2 Ngokuti Jehovha wakanyangajwira majinja ese,Ocamwira masoca awo ese.
Iyena anozomapeja;Omaita kuti auraiwe.
3 Vandhu vavo vakauraiwa vanozokhandihwa kunja,Mutembo* yavo inozonuha maningi;Matundhu anozobobojwa ngo sangi yavo.
4 Masoca ese okumatenga anozovora,Matenga anozopetwa oita inga muphukutu.
Masoca ake ese anozofota ozowa,Kudari inga sakani rakafota rinombhwera pa muuvhaNo figu rakafota rinombhwera pa mufigu.
5 “Ngokuti banga rangu rinozozara ngo sangi kumatenga.
Irona rinozobzuka kuti ritonge Edhomi,Ku vandhu vandakasunga kuti ndivauraye.
6 Jehovha ano banga, irona rinozozara ngo sangi.
Rozozojwa ngo mafuta,No sangi yo zvimavhuta no yo mbuji,Mafuta o shingamo jo mavhuta.
Ngokuti Jehovha wanasirira mupiro mu Bhozira,Nyama jakawanda jauraiwa mu nyika yo Edhomi.
7 Nyati jinozourawa pamwepo nazvo,Cimwana co n’gombe co rume* cinozouraiwa no n’gombe jino simba.
Nyika yavo inozozara ngo sangi,Bukuta ro nyika yavo rinozozara ngo mafuta.”
8 Ngokuti Jehovha ano njiku yokuhwirijira,No gore rokupanica vandhu vaya vanoitira Ziyoni zviro zvakashata.
9 Mugere javo* jo kumwa jinozocinja joita inga namo,*Bukuta ravo rinozocinja roita inga enshofre,Nyika yavo inozoita inga namo iri kuvira.
10 Aizojimwi cousiku nee comasikati;Usi hwaro unozoenderera mberi weciphunga mbhera narini.
Irona rinozogara riri mathere ricina vandhu kwenda no kwenda;Apana mundhu anozopinda ndimona.
11 Garahobwa no cinungu zvinozogara mondhomo,Mazizi no magunguhwe zvinozogara mondhomo.
Iyena anozotambanujira mondhomo bote rake rokupima kuti apfujureNo buwe rake rokuparaja.
12 Apana no vandhu vavo vanoreremejwa vanozova mambo,Vatongi vavo vese vanozongara-ngara.
13 Muzwa jinozomera mu rusingo jaro jakavangiswa,Muzwa no sora zvinozomera mu ndau jaro.
Imbhwa jo musora jinozotiziremo,Ice* jinozogara mondhomo.
14 Zvinyama zvo muzvipare zvinozosongana no zvinyama zvinoukura,Mbuji jo musora jinozodanija shamwari jajo.
Zvokadi, zvizizingori zvinozogaremo, zvozowana ndau yokuzororera.
15 Mondhomo nvira inozodira saki yayo yozobara mazanda,Iyona inozomasosova, younganija zvivana zvayo no kuzvingwarira.
Hina, zvikoji* zvinozoungana mondhomo, cimwe nga cimwe no mudoni waco.
16 Psakanyi mu bhuku ra Jehovha muverenge ngo izwi guru:
Apana na cimwe haco cinozocota;Apana na cimwe haco cinozogara cicina mudoni,Ngokuti muromo wa Jehovha wakazvinanga,Mujimu wake wakazviunganija.
17 Ndiyena wakazvikhandirira sorti,Ecishandisa nyara yake, iyena wakazvipimira ndau yokugara.
Izvona zvinozogaremo mbhera narini;Zvinozogara mondhomo mubarihwana no mubarihwana.
Masoko o Pasi
^ Muviri wo mundhu wakafa.
^ Kana: “buru, thoyo.”
^ Zvinovoneka inga zviri kunangira nyika yo Bhozira dhorobha guru ro Edhomi.
^ Kana: “thara.”
^ Kana: “Gundhya.” Uwu imushovo wo shiri yakakura icikakoni kumbhuruka.
^ Kana: “njerere jinozoungana.”
