Isaya 45:1-25
45 Jehovha anonanga kudari ngo pamusoro po mundhu wake wakazojwa Siro,Wiya wandakabata mukono wake wo muhoKuti anyise majimambo pamberi pake,Kuti ndiite kuti majimambo asare acina zvijito,Kuti ndimufunungurire musuvo jo dhorobha,Kuti jigare jicizivi kufungwa:
2 “Inini ndinozoenda pamberi pako,Ndozombwarambwajira matundhu.
Ndozophwanya-phwanya musuvo jo utareNo kugura mugogo jo simbi.
3 Ndinozokupa upfumi hwakavigwa mu ndau jino cidimaNo upfumi hwakafindariswa mu ndau jinovigihwa,Kuti iwewe uzive kuti inini ndini Jehovha,Mwari wo Iziraeri, wiya anokudaninja ngo zina rako
4 Ngo ndava ya Jakobe mushandiri wangu na Iziraeri uwo wandakasana,Inini ndiri kukudaninja ngo zina
Ndiri kukupa zina rinoreremejwa, pikija iwewe ucikandizivi.
5 Inini ndini Jehovha, akucina umweni
Kunja kwangu, akuna Mwari umweni.
Inini ndinozokuvangisa pikija iwewe ucikandizivi,
6 Kuti vandhu vaziveKuvhira ku mavhazuva mbhera kumaviriraKuti akuna umweni kunja kwangu.
Inini ndiri Jehovha, akuna umweni.
7 Ndinoita ruvheneko no kusika cidima,Ndinoita runyararo no kuviisa dambujiko;Inini Jehovha, ndiri kuita zviro zvese izvi.
8 Imwimwi matenga, nisanyi nvura kuvha kudenga;Makore ngaanise ururami.
Nyika ngaifununguke ibare ruponeso,Pamukuvo wondhowo yomeresa ururami
Inini Jehovha, ndakasika zviro izvi.”
9 Ano nyathwa wiya anopopana no Muiti wake,Ngokuti iyena, civiyaPakati po zviviya zvimweni zviri pasi!
Kureva kuti dongo ringavhunja Muumbi kudari: “Uri kuitenyi?”
Kana kuti basa rake ringananga kudari: “Iwewe auna nyara here”?
10 Ano nyathwa wiya anovhunja baba kudari: “Makandibarirenyi?”
Ovhunjazve mai kudari: “Ngenyi muri kusurungumwa?”
11 Jehovha Mucena wo Iziraeri, Wiya wakaiumba anonanga kudari:
“Kureva kuti imwimwi munoda kundivhunjisa ngo pamusoro po zviro zvinozoitika?Munoda kundipangira ngo pamusoro po vana vangu no mabasa o nyara jangu?
12 Inini ndakaita nyika no kusika mundhu mukati mayo.
Ndakawaja matenga ngo nyara jangu kamare,Ndinotonga masoca ese arimo.”
13 “Ndakaita kuti pave no mundhu ngo ururami wangu,Ndinozoita kuti makwanja ake ese ave akarungama.
Iyena anozovaka dhorobha ranguNo kuponesa vandhu vangu mu uranda. Iyena aapocehwi ciri cese nee kudhyekehwa,” izvi ndizvona zvinonanga Jehovha wo hondo.
14 Jehovha anonanga kudari:
Kuganya ko Ejipita, nyagoso yo Etiyopiya no yo Sabheyani vandhu vakareba,Zvinozoviya kwauri zvozova zvako.
Ivona vanozofamba vakasungwa sure kwako.
Vanozoviya vogwadama pamberi pako.
Vanozobhuya newe vecikureremeja veciti: “Zvokadi Mwari anewe,Akuna umweni; akuna Mwari umweni.’”
15 Zvokadi imwimwi muri Mwari wakavigika,Mwari wa Iziraeri, Muponesi.
16 Ivona vese vanozopserujwa no kudodokeswa;Vaiti vese vo zvithombe vanozopinda vakapseruka.
17 Iziraeri anozoponeswa ndi Jehovha, ruponeso wondhowo unozova wo kwenda no kwenda.
Imwimwi amuzopserujwizve nee kuzotama kureremejwa kwenda no kwenda.
18 Jehovha anonanga kudari,Marure wo matenga, Mwari wocokwadi,Wiya wakarura nyika no kuiita, wiya wakaivangisa kamare,Aazivi kururira biresi, asi wakairura kuti igahwe.
Inini ndiri Jehovha, akucinazve umweni.
19 Andizivi kuvereketera mu ndau yakavigika, mu nyika ino cidima;Andizivi kuvhunja mubarihwana wa Jakobe kudari,‘Ndipsakenyi, asi kuvangisira kwenyu kunozoita ko mahara.’
Inini ndini Jehovha, wiya anovereketa zviro zvakarurama no kunanga zvakarungama.
20 Ungananyi muviye.
Khwederanyi, imwimwi makaponeswari kuvha ku majinja.
Vaya vanothwara zvithombe zvakavezwa apana cavanoziva,Ivona vanoitira mukumbiro cimwari cicikakwanisi kuvaponesa.
21 Nanganyi masoko enyu no ndava jenyu.
Ivona ngavavhunjisane umwe no umweni.
Ndiyani wakananga zviro izvi kuvhira kare no kare?Ndiyani wakazivisa kuvhira ku mukuvo jo kare?
Andinipi inini Jehovha?
Akuna Mwari umweni kunja kwangu;Mwari wakarurama no Muponesi, akuna umweni kunja kwangu.
22 Hwiriranyi kwandiri muponeswe, imwimwi mwese magumo o nyika,Ngokuti inini ndini Mwari, akuna umweni.
23 Inini ndapika pacangu;Soko rinovha pa muromo pangu ngo ro cokwadi,Arizohwiriri sure:
Pamberi pangu makokovhi ese anozopfukama,Rurumi yese inozopika kuva yakagondeka
24 Yeciti: Zvokadi, kuna Jehovha ndikona kuno ururami hwokadi no simba.
Vandhu vese vanomucamwira vanozopserujwa pamberi pake.
25 Mubarihwana yese yo Vaiziraeri inozova yakarungama yecibesehwa ndi Jehovha,Iyona inozozvikuja ngo ndava yake.’”
