Isaya 46:1-13
46 Bheri anogwadama, Nhebho anokotama.
Zvithombe zvavo zvinodihwa panyezuru po zvinyama, zvinyama zvinothwara mujiyo.Inga mujiyo unorema unodihwa panyezuru po zvinyama zvakaremba.
2 Ivona vanogwadama no kukotama pamwepo;Avakwanisi kuponesa mujiyo,*Ivona kamare ndivona vanoenda kuuranda.
3 “Ndizwenyi, imwimwi vo nyumba ya Jakobe, na imwimwivo mwese vakasara vo nyumba yo Vaiziraeri,Imwimwi vandinosapota kuvhira pamakabahwa, no kubereka kuvhira pamainga muciri mundani.
4 Ndinozoenderera mberi ndiri umwewo mbhera pa ukarahwa hwenyu;Ndinozoenderera mbheri ndecimusapota mbhera vhuji renyu riite invi.
Inga zvandiri kuita wari, inini ndinozomubereka, kumusapota no kumuponesa.
5 Munganditojanisa no kundiezanisa nani?Mungandifananisa nani toita inga kuti itusu takaezana?
6 Kuno vandhu vanovhisa goridhi mu cikhwama* cavo;Vanopima sirivha pa bharansa.
Vanopangana no mupfuri wo simbi kuti aicinje kuti iite cimwari.
Sure kwazvo vanocinamata.
7 Ivona vanocidira pamapfuji* avo;Vocithwara voenda koocidira pa ndau yaco, icona cinogara pondhopo.
Icona acivhi pa ndau yaco.
Vanocimimira asi icona acidaviri;Acikwanisi kuponesa mundhu ari kutambujika.
8 Rangariranyi zviro izvi, mucunge.
Nasanyi kuteya njeve, imwimwi vandhu vanoshaisha.
9 Rangariranyi zviro zvo kare, zvakaitika kare kare,Inini ndini Mwari, akuna umweni.
Inini ndiri Mwari, akuna wakaezana na inini.
10 Kuvhira pakutanga ndinozivisa zviro zvinozoitika pakupejisira,Kuvhira kare no kare ndinozivisa zviro zvicito zvaithwa.
Ndinoti: ‘Zvandakasunga,* zvinozogara zvakaima,Ndinozoita zvese zvandinoda.’
11 Inini ndiri kudaninja ngwanga* yokumavhazuva,Mwanarume anozoita zvandakasunga ecivha ku nyika iri ndhambo.
Inini ndakazvinanga, ndinozozviita.
Inini ndino cido co kuzviita, ndinozozvikwanirisa.
12 Ndizwenyi, imwimwi vandhu vakavoma musoro,Imwimwi muri ndhambo no ururami.
13 Ndinozoita kuti ururami wangu ugume phedo;Iwona auripi ndhambo,Ruponeso wangu auzononoki.
Ndinozopa ruponeso wangu Ziyoni no nduma yangu Iziraeri.”
Masoko o Pasi
^ Zvinoreva: “zvithombe zvinodihwa panyezuru po zvinyama.”
^ Kana: “kartera yavo.”
^ Vonanyi Kudurujihwa ko Magama.
^ Kana: “Cinangwa cangu cinozogara cakaima; Mbhangiro yangu inozogara yakaima.”
^ Iri izina ro shiri inoha nyama.
