Isaya 57:1-21
57 Mururami ari kufa,Asi apana ari kuneseka naye.
Vanarume vakagondeka vari kufa,Asi apana ari kuneseka ngo kufa kwavoNgo ndava yo dambujiko.
2 Iyena anowana runyararo.
Vese vanofamba vakarungama vanozozorora pa kama* javo.
3 “Asi ngo pamusoro penyu imwimwi, khwederanyi,Vana vo muroi,Vana vo mupombori no vohure.
4 Ndiyani wamuri waro kuseka?
Munoshamisira muromo wenyu ani mecivonesa rurumi hwenyu?
Amuripi vana vo vashaishiNo vana vo vanyepi?
5 Vaya vano cido cikuru cokuita ruvatano pakati po mamuti makuru,Pasi po mamuti ese anopfikitira here?Vaya vanouraya vana mumapani,Pasi po mapako o mapuwe?
6 Imwimwi makasana zvithombe zvakaithwa ngo mapuwe.
Mapuwe aya ese ndiwona anozova ndhaka yenyu.
Makazvidururira mupiro wo doro no zvipo.
Kureva kuti ndinodikana kudakara ngo zviro izvi?
7 Iwewe wakadira kama yako panyezuru po dundhu guru rakareba,Wakakhwireyo kuti uite mupiro.
8 Wakadira cirangarijo cako sure ko musuvo no pacikotamo.
Iwewe wakandisiya wojipfenyura;Wakakhwira woengejera kama yako.
Iwewe wakaita citenderano navo.
Wakadakarira kuvata navo pa kama yavo,Wakadakarirazve umitu* hwo mwanarume.
9 Iwewe wakaderera woenda kuna Mireki* no mafutaWakatuma ndhumwa jako kuti jiende ndhambo,
No mafuta akawanda anonuhira.Zvokuita kuti iwewe uende mu Guva.*
10 Iwewe wakavangisira maningi wecitevera makwanja ako,Asi auzivi kunanga kudari: ‘Izvi azvina vetero!’
Iwewe wakavazve no simba rako.
Izvi ndizvona zvakakuita kuti utame kuremba.
11 Iwewe wakathya no kuthyisijihwa ndiyaniKuti utange kunyepa?
Iwewe auzivi kundirangarira.
Apana cawakaita.
Andizivi kuenderera mberi ndiri ndhambo ndakanyarara here?
Asi iwewe auzivi kundithya.
12 Ndinozodira pambhene ururami hwako no mabasa ako,Izvona azvizokubeseri.
13 Ukazodaninja wecikumbira besero,Zvithombe zvako zvawakaunganija azvizokuponesi.
Mbhepo inozozvitora zvese,Izvona zvinozofurijwa zvoendeswa ndhambo,Asi wiya anotizira kwandiri, anozogara mu nyika iyiDundhu rangu rakacena rinozoita rake.
14 Kunozonangwa kudari: ‘Nasiriranyi, nasirirnyi citaka! Nasiriranyi gwanja!
Vhisanyi zvikhugu zvese zviri mu gwanja ro vandhu vangu.’”
15 Wiya anogara pa ndau Yakareba Yakakhwira,Ano zina rakacena, anopona kwenda no kwenda anonanga kudari:
“Inini ndinogara pa ndau yakakhwirira no yakacena,Asi ndinogarazve no vandhu vanobzinyirihwa no vanojidodokesa,Kuti nditondhoje mwoyo yo vanojidodokesaNo mwoyo ya vaya vanobzinyirihwa.
16 Inini andizoendereri mberi ndecivahwisa mbhera nariniNee andizovanyangajwiri mukuvo wese,Ngokuti simba ro upenyu wo mundhu raizopera ngo ndava yangu,Kubatanijavo no zvinyama zvinofema zvandakasika.
17 Ndakanyangajwa ngo ndava yo cishaishi cake no kupsaka kwake upfumi ngo njira icizivi kururama,Izvi ndizvona zvakaita kuti ndimuhwise, ndotama kumutatija kumeso kwangu, ndonyangajwa.
Asi iyena wakaenderera mberi ecifamba inga mupanduki, ecitevera gwanja ro mwoyo wake.
18 Inini ndakavona makwanja ake,Asi ndinozomurapa no kumutungamiriraNdinozomutondhojazve no kutondhojavo vandhu vaya vari kucema pakati pake.”
19 “Ndinozoita kuti ivona vandikuje.
Ndinozoenderera mberi ndecipa runyararo ku vandhu vaya vari ndhambo no ku vandhu vari phedo,” izvi ndizvona zvinonanga Jehovha,“Inini ndinozovarapa.”
20 “Vandhu vakashata vakaezana no jombe ricizivi kugajana, ricikanyarari,Kumwa yaro inovhisa mutembe* no matope.
21 Vashaishi avana runyararo,” izvi ndizvona zvinonanga Mwari wangu.
Masoko o Pasi
^ Zvinoreva: “muguva ravo.”
^ Kangaije zvinonangira kushandisa zvithombe zvino ndhengo jo mwanarume pa manamatiro o kunyepa.
^ Kangaije: “mambo.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Mutembe isora rinomera pasi po kumwa.
