Isaya 64:1-12
64 Kudari henyu nomainga makamwesa matenga mobzuka,Kuti matundhu atetemere ngo ndava jenyu,
2 Inga zvinoita muriro paunopisa huni jakavoma,Paunoita kuti kumwa ivire,Ngo kudaro, vavengi venyu vaizoziva zina renyu,Majinja aizotetemera pamberi penyu!
3 Pamakaita zviro zvinoshamaisa zvatainga ticikaveteri,Imwimwi makabzuka, matundhu akatetemera pamberi penyu.
4 Kuvhira mu nguva jo kare apana wakazwa nee kupurukira,Akuna jiso rakavona Mwari umweni kuciripi imwimwi,Wiya anoita zviro kuti abesere vaya vanomuimira ngo kusengerera kwese.
5 Makaenda koosongana na vaya vanodakara ngo kuita zviro zvakanaka,Vaya vanomuceukija no kutevera makwanja enyu.
Asi makacamwa pataienderera mberi tecishaisha,Takaita izvi pa mukuvo wakareba.
Kureva kuti wari tinofanera kuponeswa here?
6 Tese taita inga mundhu acizivi kucena,Mabasa edu ese akarurama aita inga bendera rino sangi.
Tese tafota inga sakani,Kuposa kwedu kunozoita kuti timburuswe ngo mbhepo.
7 Apana ari kudaninja zina renyu,Apana ari kueja kupsaka kubeswa ndimwi,Ngokuti makafindarisa kumeso kwenyu,Moita kuti tipere ngo ndava yo kuposa kwedu.
8 Asi wari Jehovha, imwimwi muri Baba wedu.
Itusu tiri dongo, imwimwi muri muumbi wedu;Tese tiri basa ro nyara jenyu.
9 Jehovha mucatinyangajwira maningi,Mucarangarira kuposa kwedu mbhera narini.
Tapota, tisotenyivo ngokuti tese tiri vandhu venyu.
10 Madhorobha enyu akacena aazvipare.
Ziyoni raacipare,Jerusarema aricina vandhu.
11 Nyumba* yedu yakacena no inokujwa,Yaishandiswaya ngo majicekuru edu kuti amusimbe,Yakapiswa ngo muriro,Zviro zvese zvataida zvaamathere.
12 Jehovha, pakati po zviro zvese izvi, munozoenderera mberi makasota basi here?
Munozoenderera mberi makanyarara mecitisiya tecitambujwa kudari here?
Masoko o Pasi
^ Kana: “Themberi.”
